2 Kɔ̀rintìyà 3:5 - Mokpwe: Bakwery (New Testament)

⁵ Irzɔ hwiti i rza tànɛyi lì ohwa nanù ema i tànɛyi o lì gbeyà ene èwòlò irzɔ hwiti i rza tànɛyi lì e gbeyà. Lohwɛ̀ ndi à gbèyi ndèŋgàtɛ̀ na tànɛyi lì e gbeyà.

2 Kɔ̀rintìyà 3:5 Mawu Ofanana

Lukàrzɛ̀ 21:15

Nà è ŋgbà mamɛ ema ya òhwa, na mahwiye ò lì hwe òhwa, ema tɔ̀ hwakɔ̀èlì hwa anyu hwa rza ò tànɛyi lì è ɛkɛ̀, nà lì rzɔ̀rzɔ mamɛ ema e ò hwɛ̀ɛ.

Lukàrzɛ̀ 24:49

Nà è òmeyà mamɛ ema Tatɛ̀ wà ami à mà kàkɛ̀nɛ̀. Inyɔ è lìyà ò ène mbòwà, è ambɛ̀lɛ̀ natɛ̀ɛ yò òndìrzɛ̀hwɛ̀ nà è ŋginyà e uhweyà ò ŋmanyu yà lohwà.”

Yòwanìrzɛ̀ 15:5

“Imba ndi na hwèlì gbèe wò hwehvùma, inyɔ ndi e hwèlì hwɛkɔkɔ. Mòtò a hwèlì tɛ na imba nanù mɛnɛ, imba hvɛ rzìi na hwɛ na mɔ̀, a ŋya hwehvùma rzayi-rzayi. È rza enje tɛ na imba, e rza tànɛyi lì gbeyà tɔ̀ eyà.

Ròmànì 15:18

Nà rza tànɛlì ò lì òhwa tɔ̀ ehvɛhvɛ eyà hvɛ lì aka tɛ ò lì òhwa lì hvòmɛ̀nɛ̀ èwòlò ema Krirztò a gbèyi ema na atànɛ̀yi ò lì gbeyà, ema e hwèlì ndi ò lì gbeyà nanù ema hwatò ema hwa rza enje wònyà Yudà hwa gbeye ndi na òma Lohwɛ̀ a arza nanù ema hwa gbeye. Hweya ema nà mà òhwɛ̀ɛ, na hweyà ema nà mà gbeyɛ hwe hwèlì ndi hweyà ema wɔ̀ hwa hwɛni lì òhwa na hweyà ema wɔ̀ hwa àŋgàmɛ̀nɛ̀ lì gbeyà.

1 Kɔ̀rintìyà 15:10

Ndi o ììlì jà amà Lohwɛ̀, imba na hwèlì ndi ema na hwèlì, rzìi ììlì ja eni ema a no ŋgbelì i rza enyi ŋgundu. Ndi imba na gbèyi èwòlò lì aka inɛyi àpɔ̀rzìtòlò jarzɛ wɔ̀ tɔ̀ nɛ rzeketɛ o e ŋginyà ya ami ndi nà mà gbeyàne ene èwòlò ndi o ììlì jà mà Lohwà ema i hwèlì na imba.

1 Kɔ̀rintìyà 3:10

O tɛ̀ɛ̀tɛ̀ɛ Lohwɛ̀ a no ŋgbelì ììlì ja eni, o èŋgànɛ̀lɛ̀ nà mà kɔ̀kɔ̀ hvɛ mɔ̀nɔ̀ŋgɔ̀ nàa mòoŋgelì wa gbamù. Nàŋgɛ nanù, hwahvɛhvɛ hwa hwèlì hwa oŋga o mòŋgo mɔ̀nɔ̀ŋgɔ̀. Ndi tɔ̀ njɛnɛ ema a oŋga o ŋmanyu ya monò mɔ̀nɔ̀ŋgɔ̀, a hwɛnì lì aŋgòwa.

1 Kɔ̀rintìyà 3:6

Imba nà mà ona ndi e hvɔ̀ŋgɔ̀. Apòlòrzì mɔhvɛ rzìi a hvahva èŋge hvɔ̀ŋgɔ̀ malìhwa. Ndi Lohwɛ̀ Mɔ̀ndi à mà hvùmùlɛ̀ èŋge hvɔ̀ŋgɔ̀.

2 Kɔ̀rintìyà 12:9

Ndi mamɛ ema à mà no òhweyà e hwèlì ndi nanù ema, “È ndèli ya ami ema no ò ŋgbelì e o loŋgamɛnɛyi. Nà ma o ètìrzɛ̀ aŋga nanù o hwɛ o ŋmanyu ya mètàkà me arzɛ ema o lu. Èhwanja e hvonda ema e ŋginyà e rza enje o mòtò, eŋge hvonda ndi e ŋginyà ya ami e mo ètìrzɛ̀.” O nàŋgɛ nanù na oka mɔ̀nyɛ̀ŋgì o lì kumba lìya la ami o kòkò ò hweyà ema hwe uŋmɛ̀lɛ̀ nanù ema na ohvi ndi nyo ya mòtò wa hwènàmà, aŋga nanù hwatò hwa ɛnɛ nanù ema e ŋginyà ya ama Krirztò e hwèlì o tenì ya ami ndèŋgànɛlɛ yɔ ndi e no ètìrzɛ̀.

2 Kɔ̀rintìyà 2:16

O hwatò ema hwa hwèlì o njiya ema e rzɔ̀lɛ̀nɛ̀ Lohwɛ̀, ŋmɛ̀ndì mò gbamù ema irzɔ i hwa ohweyà, mo hwèlì ndi nàa erzunju ya tòòtòò ya wòhwe ema e hwa oŋwa. Hwanɛyi hwatò ema hwa hwèlì o njiya ya lì ɛndɛ o ma Lohwɛ̀, ŋmɛ̀ndì mò gbamù ema i hwa ohweyà, mò hwèlì ndi nàa erzunju ya gbamù ya hvɛ̀ɛ̀hvɛ̀ èhwanja irzɔ i hwèlì i hwa ohweyà nanù ema, wɔ̀ hwa o hwɛ o lòŋgɛ na Lohwɛ̀ o gbìndèyà na gbìndèyà. Njɛnɛ rzɔ a tànɛyi o lì gbeyà ene tumba èwòlò e?

2 Kɔ̀rintìyà 4:7

Ndi ŋmɛ̀ndì ema Lohwɛ̀ a jo ŋgbelì o lì ohwa, mo hwèlì ndi eyà ema e ohvi wòlìto rzayi-rzayi. Irzɔ i hwèlì ndi nàa lìhwànya ema eŋge yoma e hwèlì o tenì. Ène eyà e ma gbèyɛ̀nɛ ndi nanù, aŋga nanù hwatò hwa hwiya nanù ema e ŋginyà ndɛnɛ e uwɛ̀lɛ̀lɛ̀yi ndi na Lohwɛ̀, rzeketɛ na irzɔ.

Hvìlipìyà 2:13

Inyɛ̀ e gbeye nanù, ehwànja Lohwɛ̀ a hwèlì na inyɔ o ihvonda ja arzɛ, aŋga nanù e o ohva mèèmà o lì gbeyà hweyà hwe gbamù ema mɔ̀ à arza nanù ema e gbeye, ndèŋgànɛ̀lɛ̀ e hwe gbèyi.

Hvìlipìyà 4:13

Nà tànɛyi lì gbeyà hweyà hwe arzɛ ema hwe no jɛlɛlɛyi o lì akeyà na e ŋginyà ema Krirztò a no ŋgbelì.

2 Tìmotì 2:2

Hweya ema o ma hweye ema nà mà okolɛ rzayi-rzayi ja hwatò lì hvomɛ̀nɛ̀ Krirztò, o wa hvɛ o hwe okolɛ o hwahvɛhvɛ hwatò ema wɔ̀ hvɛ hwa tànɛyi lì okolɛ hwahvɛhvɛ hwatò.

Jèmìrzì 1:17

Tɔ̀ ima jàhwèyà ja gbamù nà tɔ̀ ima eyà ema e ondìrzɛhwɛyi gbamù, hwe uwɛ̀lɛ̀lɛ̀yi ndi o ma Tàtɛ ema a hwèlì o ŋmanyu yà lohwà. Tatɛ̀ ndi à weki hwèèmà hwe arzɛ ema hwe uŋmɛ̀lɛ̀ ŋmàye o ŋmanyu yà lohwà. Hwene hwèèmà hwe hvànya ŋmàye ndèŋgànɛ̀lɛ̀ mono ŋmàye mo ayèŋgowɛ̀ ndi Lohwɛ̀ a rza ayeŋgòwɛ̀.