2 Kɔ̀rintìyà 3:2 - Mokpwe: Bakwery (New Testament)

² Inyɔ hwiti e hwèlì ndi o mèèmà me arzu nàa kààtì ema e tìlahwì, rzìi hwatò hwa arzɛ hwa e laŋga o lì hwiya mamɛ ema e hwèlì o tenì.

2 Kɔ̀rintìyà 3:2 Mawu Ofanana

Ròmànì 1:8

Eyà ya wòrzò, nà eka Lohwɛ̀ là ami ò inyɔ hwa arzɛ ò lìnà là ama Yerzù Krirztò. Nà mò eka ehwànja lìlòkɛ̀ ema è hwɛni nà Yerzù Krirztò lì hwèlì lì lìŋgòwa è rze yà mɔ̀nyɛ̀ yà arzɛ.

1 Kɔ̀rintìyà 3:10

O tɛ̀ɛ̀tɛ̀ɛ Lohwɛ̀ a no ŋgbelì ììlì ja eni, o èŋgànɛ̀lɛ̀ nà mà kɔ̀kɔ̀ hvɛ mɔ̀nɔ̀ŋgɔ̀ nàa mòoŋgelì wa gbamù. Nàŋgɛ nanù, hwahvɛhvɛ hwa hwèlì hwa oŋga o mòŋgo mɔ̀nɔ̀ŋgɔ̀. Ndi tɔ̀ njɛnɛ ema a oŋga o ŋmanyu ya monò mɔ̀nɔ̀ŋgɔ̀, a hwɛnì lì aŋgòwa.

2 Kɔ̀rintìyà 11:11

È ɔ̀ŋgɛ̀lɛ̀yi ema na ohwa ndi nanù èhwanja na rza e lìŋgàni e? Lohwɛ̀ a hwi ema na e lìŋgàni.

2 Kɔ̀rintìyà 12:15

Nà o òka mɔ̀nyɛ̀ŋgì o lì gbeyàna tɔ̀ ima yoma ema na ohvi tɔ̀ e nyo ya ami o lì e oŋgòwànà. Nà e lìŋgàni tɛ rzayi-rzayi, rzeke inyɔ hvɛ e hwɛni o lì no lìŋgàna rzayi-rzayi.

2 Kɔ̀rintìyà 3:1

È ɔ̀ŋgɛ̀lɛ̀ nanù ema irzɔ jo òhwanɛlɛ hweyà hwe gbamù o lì ayèkirzɛ̀ e? È ɔ̀ŋgɛ̀lɛ̀ nanù ema jo e ŋgba kààtì tɔ̀ lì e ijòwa kààtì o lì uŋmɛ̀lɛ̀ nanù ema i tànɛyi lì gbeyà èwòlò ò ìtììtènì ja anyu na oma hwahvɛhvɛ hwatò hwa gbeyà e? Irzɔ i rza gbeyà nanù.

2 Kɔ̀rintìyà 7:3

Nà rza ohwi hwenè hweyà nanù o lì e akɛlɛlɛ mbako ya wòhwe. Nà ma loma lì e tìleya nanù ema, irzɔ i e lìŋgàni rzayi-rzayi, tɔ̀ e hwɛ ndi o kpelì tɔ̀ o lòŋgɛ, i hwɛni ndi o lì hwɛ mòtò moko.

Hvìlipìyà 1:7

Imba nà àŋgàmɛ̀nɛ̀yi lì ohva manù màlùtèyà o inyɔ hwa arzɛ èhwanja è hwèlì ò ŋmèma mò ami. Tɔ̀ nà oma nà hwèlì ò hwèwòwà, ndèŋgànɛ̀lɛ̀ nà oma nà ohwa hweyà lì hvomɛ̀nɛ̀ ŋmɛ̀ndì mò gbamù, nà ohwa nanù ema mono ŋmɛ̀ndì mò gbamù mò rza enje mòlaŋgà, mò hwèlì ndi è jɔ̀kɛ̀. Lohwɛ̀ à mà jò uŋmɛ̀lɛ̀ irzɔ hwa arzɛ è ndèli yà eni nà oma i mò gbèeyà.

1 Tɛ̀rzàlonìyà 1:8

Inyɔ ndi è gbèyi ndèŋgànà ŋmɛ̀ndì mò gbamù mò ama è Rzàŋgo mò hwɛ̀ɛ̀nɛ̀yi ò hwehvɛhvɛ hwèki. Rzeketɛ ò erzòòkà yà Màrzèdonìyà nà Àkayiyà mɛnɛ ndi mò hwɛ̀ɛ̀nɛ̀yi. Ndi nà oma inyɔ è lòkɛ̀ Lohwɛ̀, mò hweyàhwì èki yà arzɛ. Ò eŋgànɛ̀lɛ̀ ò rza enje hvɛ tɔ̀ lìtiŋga ema irzɔ jò òhwa ene eyà hvɛ lì è hvomɛ̀nɛ̀.