2 Kɔ̀rintìyà 3:17 - Mokpwe: Bakwery (New Testament)

¹⁷ Ndi o nàŋgɛ e Rzàŋgo e hwèlì ndi Èlìŋgɛ̀. Tɔ̀ ima èki ema Èlìŋgɛ̀ ya ama e Rzàŋgo e hwèlì hwatò hwa hwɛnɛ lì wɔ̀wìrzɛ̀ la nyo.

2 Kɔ̀rintìyà 3:17 Mawu Ofanana

Yòwanìrzɛ̀ 6:63

Èlìŋgɛ̀ yà ama Lohwɛ̀ yɔ ndi e hwèlì e yɔ ema e ŋgba lòŋgɛ. È nyàmà nyò e rza enje tɔ̀ eyà. Hweyà ema nà mà e òhweyà hwe hwèlì ndi èlìŋgɛ̀ na lòŋgɛ.

Yòwanìrzɛ̀ 8:32

Àŋga nanù e hwiya e jɔ̀kɛ̀, ndèŋgànɛ̀lɛ̀ èŋge jɔ̀kɛ̀ yɔ ndì ye ŋgba wònjà.”

Ròmànì 8:2

Ène eyà e hwèlì ndi nanù èhwanja, e mbenda yà Èlìŋgɛ̀ ema e jò jàneyà lòŋgɛ, na òma irzɔ i hwèlì mɔ̀kɔ na Yerzù Krirztò, e ma nò rzòlòwa ò e mbenda yà eyà ya wòhwe na ò màà mà kpelì.

1 Kɔ̀rintìyà 15:45

È tìlahwì o kààtì ya Lohwà nanù ema, “È mòtò wa worzò, Adàmu, Lohwɛ̀ à mà mo weka rzi a mo ŋgbaà lòŋgɛ.” Ndi e Adàmu ya lìrzukù e hwèlì ndi èlìŋgɛ̀ ema e ŋgba lòŋgɛ.

2 Kɔ̀rintìyà 3:18

Irzɔ ema Lohwɛ̀ à mà ulɛ lìhwatu ema lì ma jo hwanda marzo, ɛ̀ɛ̀mɛ̀ ya arzu e ma gbèeyà ema hwatò hwa hwiye nɛ èluhwe ya ama Lohwɛ̀ e hwèlì. Wɔ̀ hwà mà ɛnɛ nanù ema i hwèlì ndi hwatò ema i gbèeyà hweyà na oma Lohwɛ̀ a àrzeyà. Èlìŋgɛ̀ ya wòtani e jo tikowa ndi i hvonda ja arzɛ o lì hwɛ nàa Yerzù, aŋga nanù hwatò hwa ɛnɛ nɛ mɔ̀ à imbami. Rzàŋgo, mɔ̀ ema a hwèlì ndi Èlìŋgɛ̀ mɔ̀ ndi à gbeyà hwene hweyà hwe arzɛ.

2 Kɔ̀rintìyà 3:6

Mɔ̀ ŋmìti ndi à jo gbèyi ema i tànɛyi o lì ohwa moŋgo ŋmɛ̀ndì mo yòòmbò ehvènya. Rzeketɛ ŋmɛ̀ndì mo lì oŋgama imbenda ja yòòmbò ya koohwa. Hwatò ema hwa ika iŋgi mbenda hwa ŋwa, ndèŋgàna hwa rza hwɛ na Lohwà. Ŋmɛ̀ndì mo lì oŋgama yòòmbò ehvènya ema irzɔ jo òkolɛ mo hwèlì ndi ema Lohwɛ̀ à mà ŋgba hwatò èlìŋgɛ̀ yà wòtani, ndèŋgànɛlɛ mɔ̀ à mà gbeyà hvɛ nanù ema wɔ̀ hwa hwɛ na mɔ̀ natɛ̀ɛ na o gbìndèyà.

Gàletìyà 4:6

Nà oma e hwèlì ndi hwàanà hwa ama Lohwɛ̀, eŋge eyà e ma gbeyà Lohwɛ̀ o lì jo òmeya Èlìŋgɛ̀ ya ama Ŋmanà eni o mèèmà me arzu. Èŋge Èlìŋgɛ̀ e ma gbeyà ema nàŋgɛ i hwɛlɛ Lohwɛ̀ nanù ema, “Ìi Tatɛ̀.”

Gàletìyà 5:1

O eŋgànɛ̀lɛ̀ Krirztò à mà jo rzolowa aŋga nanù i rza hwɛ nàa hwàkòmì hvɛ. O eŋgànɛ̀lɛ̀ e ètìrzɛ̀ mataŋgà mà anyu o rze, e rzi keka lì emeyà nanù ema mòtò a e kaka o tenì ya ŋgɔkɔhwi ya hwàkòmì hvɛ.

Gàletìyà 5:13

Wònyamòwè kòkò, Lohwɛ̀ a e hwɛlɛ o lì anjiya o èki ema hwa e kànɛ̀yi. Kànatɛ e rza kànyɛ̀hwɛ̀ hvɛ, eŋge e rza e ŋgbelì e wònja o lì gbeyà tɔ̀ mamɛ ema e nyàmà ya nyo ya anyu e arza. Ndi ema tɔ̀ ima mɔ̀ wa anyu a gbèeyà ɔ̀nɛyi na ndìŋgɛ.

2 Tìmotì 1:7

Lohwɛ̀ à rza jò gbèyi ndi nà nanù ema jò òke wɔ̀ŋgɔ̀ ò lì mò gbèeyà. Ndi èlìŋgɛ̀ ya eni è mà jò ŋgba ŋginyà ò lì mò gbèeyà, è mà jo gbeyà nanù ema irzɔ i lìŋgàne hwatò, è mà jò gbèeyà nanù ema jà alɛ̀mbɛ irzɔ hwiti.