2 Kɔ̀rintìyà 3:12 - Mokpwe: Bakwery (New Testament)

¹² O èŋgànɛ̀lɛ̀ rzɔ na oma i ma lòkɛ̀ nanù ema ŋmɛ̀ndì ema jo òhwa mo òhvi wòlìto rzayi-rzayi, irzɔ i ma ohwa e rzi hwɛ lì oka tɔ̀ wɔ̀ŋgɔ̀ tɔ̀ wɔ̀kɔ.

2 Kɔ̀rintìyà 3:12 Mawu Ofanana

Yòwanìrzɛ̀ 10:24

Hwatò hwa Yudà hwà mà mò tòŋga rzi hwa mò ijòwa, nanù ema, “Ima hvònda ò hwɛni ò lì jò tàmìrzɛ̀ e? È hwèlì tɛ ema ò wa ndi ò hwèlì è Mɔ̀ ema à Ɔ̀kirzɛ̀hwɛ̀yi, ò jò òhweyà tòlòlò.”

Yòwanìrzɛ̀ 16:25

Yerzù rzìi à òhweyà hwà-òkòwèlì hwa eni hvɛ nanù ema, “Tɔ̀ nɛ nàŋgɛ nà è òhwàna ndi nà è mbɔrzi yà meyànà, è hvònda è hwèlì è jà ema nà rza è òhwìrzɛ̀nɛ̀ hvɛ ò ene tumba yà mbɔrzi, ndi nà è òhweyà ndi nà è mbɔrzi yà rzɛŋgɛ-rzɛŋgɛ lì hvòmɛ̀nɛ̀ Tatɛ̀ wà ami è ŋgàna ema è hweni lì rzɔ̀ŋgìtɛ̀nɛ̀.

Yòwanìrzɛ̀ 16:29

Hwà-òkòwèlì hwa eni rzìi hwa òhwa nanù ema, “Nàŋgɛ nanù ò òhwa rzɛŋgɛ-rzɛŋgɛ ò rza òhwàna meyàna.

Hwègbèèlì 14:3

O èŋgànɛ̀lɛ̀ Pàwolò na Bànàbàrzì hwà mà akɛlɛ hvònda rzayi-rzayi aŋga, hwa rza òke tɔ̀ wɔ̀ŋgɔ̀ ò lì òhwa lì hvòmɛ̀nɛ̀ hweyà hwe gbamù ema Lohwɛ̀ a gbèelì hwatò hwa eni. Rzàŋgò Yerzù e ma gbeyà hwà mà uŋmɛ̀lɛ̀ hwèmɛ̀nɛ̀nì na lì gbeyà hweyà hwe mànyàka rzayi-rzayi, ò lì uŋmɛ̀lɛ̀ nanù ema hweyà ema hwà-òkòwèlì hwa eni hwà mà hwɛ lì òhwa ò lì hvòmɛ̀nɛ̀ e ndèli ya eni, hwe hwèlì ndi e jɔ̀kɛ̀.

Hwègbèèlì 4:13

Hwèlìyèlì hwe hwàkàyirzèlì hwe ma tàmà ò lì ɛnɛ nanù ema Pètrò nà Yòwanìrzɛ̀ hwà mà hwɛ lì òhwa e rzi hwɛ lì òka wɔ̀ŋgɔ̀. Èhwanja hwà mà ayembɛ nanù ema, hwa rzi rzɔŋgɔ̀ hwèyòkòwèlì ndèŋgànà hwà mà hwɛ hvɛ ndi hwatò hwa ŋgundu. Aŋga ndi hwa a ayèmbɛ nanù ema hwanu hwatò hwà mà hwɛ ndi na Yerzù ò ihvònda ja arzɛ.

Hwègbèèlì 9:27

Bànàbàrzì rzìi a tɛ̀mɛ̀ a mò lɛmbɛ lìiyà la eni, a mò timbà lì mò ɛndɛneya inɛyi àpɔ̀rzìtòlò. A ma kuwa lì hwa nɔ̀ŋgeya nɛ Rzàwòlò mɔ̀ à mà ɛnɛ Rzàŋgò ò jɛ̀nɛ̀nì ò njiya, ndèŋgànɛlɛ nɛ e Rzàŋgò e ma mò òhwirzɛnɛ. A ma hwa òhweyà hvɛ na òma Rzàwòlò à mà hwɛ lì òhweyà hwatò hweyà lì hvòmɛ̀nɛ̀ Yerzù ò Dàmàrzkɔ̀rzì e rzi hwɛ mɔ̀ lì òka wɔ̀ŋgɔ̀.

Hwègbèèlì 9:29

Mɔ̀ à mà òhwa na lì kanja hvɛ hwatò hwa wònyà Yudà ema hwà mà hwɛ lì òhwa e mbɔrzi ya Grìki. Rzìi hwa wòteyà lì lùtèyà ŋmanò mò lì mò òŋwa.

1 Kɔ̀rintìyà 14:19

Ndi o tenì ya hwèlìyelì hwe Ndawò yà Lohwà, nà lɔ̀wu lì ohwa hweyà hweta ema hwe òŋgòwànà hwàhvɛ̀hvɛ̀ hwatò ò lì rzɔ̀ŋgìtɛ̀nɛ̀, lì aka lì ohwa, lìyòmè la hwekolì hwe hweyà o mbɔrzi ema tɔ̀ mòtò a rzà rzɔ̀ŋgìtɛ̀nɛ̀.

2 Kɔ̀rintìyà 10:1

Imba Pàwolò, ema na arzihwirzɛ na ŋmɛɛ nàa Krirztò, na e rzorzomeya. Lòŋgo la hwatò hwa ohwa nanù ema na hwèlì tɛ na inyɔ na oka wɔ̀ŋgɔ̀ ndèŋgàna hwa ohwa nanù ema na rza enje tɛ na inyɔ na e tìleya kààtì ema ja ambirzɛnɛ.

2 Kɔ̀rintìyà 3:11

Tɔ̀ nɛ e hwèlì nanù ema Lohwɛ̀ à mà awuŋmɛ̀lɛ̀ nɛ a hwèlì wòlìto lìrzako ema à mà gbeye yòòmbò ya koohwa ema e ma hwɛ ndi o ŋmana hvoka hvonda, à mà awuŋmɛ̀lɛ̀ nanù ema mɔ̀ à hwèlì wòlìto na oma mɔ̀ à gbèyi yòòmbò ehvènya. Ène yòòmbò ehvènya yɔ ndi e ma tikowɛ lòŋgɛ la hwatò ndèŋgànɛlɛ e o hwɛ natɛ̀ɛ na o gbìndèyà.

2 Kɔ̀rintìyà 4:13

I hwèlì ndi nàa e mòtò ema à mà ohwa o kààtì ya ama Lohwɛ̀ nanù ema, “Nà o Lokɛ, o èŋgànɛ̀lɛ̀ na ohwa lì o hvomɛ̀nɛ̀.” Molemilemi na oma oŋgo mòtò a lòkɛ̀ Lohwà, irzɔhvɛ i lòkɛ̀ Lohwà, o èŋgànɛ̀lɛ̀, i hwèlì o lì ohwa ŋmɛ̀ndì mo eni.

2 Kɔ̀rintìyà 7:4

Nà e hwɛnelì kumbà. Nà e kùmbelì e kòkò. È no ètìrzɛ̀ ŋmèma mo ami nyayi ema e no òkirzɛ mɔ̀nyɛ̀ŋgì rzayi-rzayi, tɔ̀ nɛ irzɔ i taka rzayi-rzayi.

Hvìlipìyà 1:14

Èhwànja na aŋgɛhwɛyi o hwèwòwà e ŋgànà ema e ma kɔ̀mɛlɛ rzàyi-rzàyi ja hwàlòkèlì o lì ètìrzɛ̀ mèèmà me awu, o eŋgànɛ̀lɛ̀ wɔ̀ hwà mà ètìrzɛ̀ mèèmà o lì ohwa Eyà ya Lohwà e rzi hwɛ lì oka tɔ̀ wɔ̀ŋgɔ̀.

Hvìlipìyà 1:20

Nà hwɛni e nyɔ̀ŋgi na màlìŋgo ma arzɛ, ndèŋgànɛ̀lɛ̀ na àhvìtɛ̀ nanù ema na rza o ohva irzɔ̀ni, ndi na o hwɛnɛ lì kɔ̀mɛ̀lɛhwɛ ihvonda ja arzɛ rzɛhvɔ̀ni o nàŋgɛ. Ène eyà e o gbèeyà nanù ema tɔ̀ mamɛ ema na gbeyà naŋgɛ, e o gbeyà èluhwe ya ama Krirztò e awuŋmɛ̀lɛ̀, tɔ̀ na hwɛ lòŋgɛ tɔ̀ na ŋwa.

Kòlòrzìyà 4:4

Inyɔ e kànɛ nanù ema imba nà mà ohwe gbamù e ŋgànà ema imba na àŋgàmɛ̀nɛ̀yi lì mo òhwa.

1 Tɛ̀rzàlonìyà 2:2

Inyɔ hwiti e hwi nɛ hwà mà jo hwɛnyɛ na lì jo tàkirzɛ wòhwe o e mbowà ya Hvìlìpì ndèŋgànà je e jèeya o e mbowà ya Tɛ̀rzàlonìya. Tɔ̀ nɛ o ma hwɛ hwatò hwà mà jo teŋgɛ̀nɛ̀ rzayi-rzayi, Lohwɛ̀ la arzu a jo etìrzɛ mèèmà me arzu o lì e ohweyà Ŋmɛ̀ndì mò Gbamù ema mo uwɛ̀lɛ̀lɛ̀yi na mɔ̀.

1 Tìmotì 3:13

Nà ohwa ndi nanù èhwanja, hwatò ema hwa oŋgowàna o lì gbeyà èwòlò ò ŋmèmba hwa gbeyà tɛ èwòlò ya gbamù, hwatò hwa hwà ŋgba èluhwe. Ène e hwa gbeyà o lì ohva ŋmèma mo lì ohwa lì hvomɛ̀nɛ̀ lì lòkɛ̀ ema hwa ohvani Yerzù Krirztò.

Hvìlɛ̀mɔ̀nì 1:8

Ò èŋgànɛ̀lɛ̀ rzɔ, tɔ̀ nɛ imba nà hwɛni è wònja ò lì ò kànèyà ò lìnà là ama Krirztò, ò lì gbeyà hweyà ema o àŋgàmɛ̀nɛ̀yi lì gbeyà,