2 Kɔ̀rintìyà 2:7 - Mokpwe: Bakwery (New Testament)

⁷ O èŋgànɛ̀lɛ̀ rzɔ e mo làkìrzɛ̀ na lì mo ètìrzɛ̀ ŋmèma nàŋgɛ. Àŋga nanù e ndùtù ema a o hwɛnɛ e rza o mo lìteya.

2 Kɔ̀rintìyà 2:7 Mawu Ofanana

1 Kɔ̀rintìyà 15:54

È hvonda ema e nyo ema e rzɔ̀mbɔ̀ e o jà lì hwɛ e nyo ema e rza rzɔ̀mbɔ̀, ndèŋgàna e hvonda ema e nyo ema e ŋwaa, e o jà lì hwɛ e nyo ema e rza ŋwa, e o ondìrzɛ̀hwɛ̀ na oma e tìlahwì o kààtì ya ama Lohwà nanù ema, “O rza hwɛ a hwɛ hvɛ tɔ̀ kpelì hvɛ tɔ̀, Lohwɛ̀ à mà aka e kpelì.”

2 Kɔ̀rintìyà 2:8

Nà e atɛkɛ ema e mo uŋmɛ̀lɛ̀ ema e mo lìŋgàni nanù mɛnɛ.

2 Kɔ̀rintìyà 5:4

Nà oma i lìyana na ene nyàmà ya nyo anu rze ya mɔ̀nyɛ̀, ja arzàrzòhwɛ̀ èhwanja o jo lìtani. Rzeketɛ nanù ema ja arza lì arzòlòhwɛ̀ ene nyàmà ya nyo, ndi irzɔ ja arza e nyo hvènya ema e hwèlì o ŋmanyu ya lohwa. Àŋga nanù ene nyàmà nyo ema e ŋwa e kuwa rzi e timba e nyo ema e o hwɛ̀ɛ o lòŋgɛ.

2 Kɔ̀rintìyà 7:10

O hwèlì tɛ mòtò ema a hweyi wòhwe na oma Lohwɛ̀ mɔ̀ à àrzeyà, oŋgo mòtò a tikòwè o lì gbeyà wòhwe na oma Lohwɛ̀ mɔ̀ à àrzeyà. Ène ndi e gbeyà ema oŋgo mòtò a kɔtɔ̀we, ene rzɔ e rza tàtìrzɛ̀ tɔ̀ mòtò. Ndi hwatò ema hwa lòkɛ̀yi Lohwɛ̀, ema hwa hweyà wòhwe èhwanja hwa hwèlì ndi hwatò hwa hwènàmà, e hwa gbeyà ema hwa ŋwe o èlìŋgɛ̀.

Ɛ̀hvìrzìyà 4:32

Inyɔ è àwùŋmɛ̀lɛ̀nɛ̀ mɔ̀kɔ nà ɔ̀nɛyi èènjì ndèŋgana è àwòhvànɛ mèèmà mè ììlì. È àlàkìrzɛ̀nɛ̀ mɔ̀kɔ nà ɔ̀nɛyi nà oma Lohwɛ̀ à mà è làkìrzɛ̀ lì akeyà nà Krirztò.

Hvìlipìyà 2:27

Nà e jɔ̀kɛ̀ a mà ɔ̀kirzɛ̀ natɛ̀ɛ à mà hvɛ lì ŋwa. Ndi Lohwɛ̀ à mà mo òkeya ììlì rzeketɛ mɔ̀ mɛnɛ, ndi na imba hvɛ. Lohwɛ̀ a rzi emeyà nanù ema a ŋwe aŋga nanù, imba hvɛ na rza o hwɛnɛ ndùtù.

Kòlòrzìyà 3:13

È hwɛni lì àjùlɛ̀nɛ̀yi mɔ̀kɔ nà ɔ̀nɛyi. È hwèlì tɛ nanù ema mòtò à hwɛni tɛ kàyɛ nà ohvɛhvɛ mòtò inyɛ à mò làkìrzɛ. Nà oma è Rzàŋgo yè è làkìrzɛ, inyɔ hvɛ è hwɛni lì làkìrzɛ mɔ̀kɔ nà ɔ̀nɛyi.

1 Tɛ̀rzàlonìyà 4:13

Ìi wònyàmòwe kòkò, ja arza nanù ema e hwiye e jɔ̀kɛ̀ lì hvomɛ̀nɛ̀ hwaŋga ema hwà mà ŋwɛɛ, aŋga nanù e rza ɛhwɛ nàa hwatò ema hwa rza hwɛnɛ lìhvìtà.

2 Tɛ̀rzàlonìyà 3:6

Ìi wònyàmòwe kòkò, o lìna la ama Rzàŋgo wa arzu Yerzù Krirztò je e kànèyà o lì ahvɔ̀tɛ o mondeŋge mo hwàlòkèlì ema mo hwèlì rzìŋgà ndèŋgànɛ̀lɛ̀ ema hwa rza lìya lì hvomɛ̀nɛ̀ hwèokòlelì ema inyɔ e ma jo luwàne.