2 Kɔ̀rintìyà 2:3 - Mokpwe: Bakwery (New Testament)

³ Ène eyà ndi è mà gbeyà ema nà mà è tìleyà ene kààtì, ò lì arza nanù ema nà jelì tɛ, nà rza ò tàtìrzɛ̀hwɛ̀ nà hwaŋga mɛnɛ, ema hwa àŋgàmɛ̀nɛ̀yi lì nò òkirzɛ mɔ̀nyɛ̀ŋgì ema mò akɛ̀lɛ̀nɛ̀yi. Ò jɔ̀kɛ̀, nà hwi nanù ema nà ohvi tɛ mɔ̀nyɛ̀ŋgì oma inyɔ hvɛ è ohva mɔ̀nyɛ̀ŋgì.

2 Kɔ̀rintìyà 2:3 Mawu Ofanana

1 Kɔ̀rintìyà 4:21

Mamɛ inyɔ e hvɔ̀rzì e? Nà jelì tɛ na e kɔ̀kìrzɛ̀ èhwanja e ondi kumba, ŋga na jàne ndi e ndìŋgɛ, na èlìŋgɛ̀ ema ya arzirzɛ e?

2 Kɔ̀rintìyà 1:15

Nà omà na mà lòkɛ̀ ema ene eyà e hwèlì e jɔ̀kɛ̀, nà mà kàkɛ̀nɛ̀ o lì loma lì e jèeyà, aŋga nanù, e lɔ̀yìrzɛ̀ e ŋgèlì ema e ùkirzɛ̀ ihwàkɛ.

2 Kɔ̀rintìyà 1:23

Lohwɛ̀ ndi à hwèlì e mboŋgi ya ami, e uŋmɛ̀lɛ̀ ema màmɛ ya arzɛ ema na ohwa e hwèlì ndi e jɔ̀kɛ̀. Lìtìŋga ndèŋgàtɛ̀ na rzi timbe hvɛ o Kɔ̀rintò, lì hwèlì ndi ema, na rzi arze ema e hweye wòhwe.

2 Kɔ̀rintìyà 12:11

Nà ohwa ndi nàa èèti ya mòtò ndi inyɔ ndi e gbèyi ɔ̀ndeŋgàtɛ̀ na ohwa nanù. Oma inyɔ e ohwa ndi hweyà hwe gbamù o lì no hvomɛ̀nɛ̀. Tɔ̀ e hwɛ ndi nanù ema na rza enje tɔ̀ yoma, ndi hwatò ema inyɔ e hwɛlɛ i àpɔ̀rzìtòlò ndɛnɛ, i rza no akani tɔ̀ eyà.

2 Kɔ̀rintìyà 12:21

Nà oka wɔ̀ŋgɔ̀ hvɛ nanù ema na e jɛlɛlɛ hvɛ tɛ, Lohwɛ̀ a o no enyìrzɛ̀ o worzo hwa anyu. Ndèŋgànɛ̀lɛ̀ na o hwɛ rzɔ̀lùu èhwanja rzayì-rzayì ja hwatò ò ìtììtènì ja anyu hwa lìmelì ndi o lì gbeyà hweyà hwe wòhwe ema hwà mà hwɛ lì gbeyà o mòlòmɛ̀ e rzi hwɛ lì atìkòwɛ̀ o lì gbeyà mamɛ ema Lohwɛ̀ a arza. Hwa gbeyà hweyà hwe mbindo, hwa gbeyà hweyà hwe mòrzònje na lì gbeyà hweyà hwe mbindo ema hwe hwa jànà ìrzɔnì.

2 Kɔ̀rintìyà 13:10

Ɔ̀ndeŋgàtɛ̀ na tìla hwene hweyà tɔ̀ nɛ na rza enje na inyɔ. Nà e tìleya ndi nanù, aŋga nanù na e jɛlɛlɛ tɛ, na rza o gbeyàna e ŋginyà ema e Rzàŋgo e no ŋgbelì, o lì e lomeya. Lìkànèyà ema e Rzàŋgo e no ŋgbelì lì hwèlì ndi nanù ema imba na e oŋgowane o lì e ètìrzɛ̀, rzeketɛ o lì li gbeyàna o lì e rzuulɛ.

2 Kɔ̀rintìyà 2:9

Lìtìŋga ema lì ma gbeyà ndèŋgàna na e tìleya ene kààtì, lì hwèlì ndi nanù ema o lì hwiya ŋga e o gbeyà hweyà ema nà mà e ohweyà o lì gbeyà.

2 Kɔ̀rintìyà 7:12

Tɔ̀ nɛ nà mà tile eŋge kààtì, na rza e tìleya ndi e mòtò ema a gbeyà matona tɔ̀ e mòtò ema hwa tonani. Ndi nà mà e tìla ndi nanù ema, e hwiye nanù ema, o worzo wo ama Lohwɛ̀ inyɔ e jo lìŋgàni na e jɔ̀kɛ̀.

2 Kɔ̀rintìyà 7:16

Nà oki mɔ̀nyɛ̀ŋgì nàŋgɛ èhwanja na ikayi lìhvìtà la ami la arzɛ na ohwa.

2 Kɔ̀rintìyà 7:6

Ndi Lohwɛ̀ ema a kɔ̀mɛ̀lɛ̀ e wɔ̀ ema hwa tu mèèmà, à mà jo kɔ̀mɛ̀lɛ̀ na oma mɔ̀ à mà jo òmeya Tàyìtùrzì.

2 Kɔ̀rintìyà 7:8

Tɔ̀ nɛ eŋge kààtì, ema nà mà e tìleya e ma gbeye, e ma hweye wòhwe, na rza ohvi tɔ̀ ììlì ema nà mà e tìleya e yɔ. Tɔ̀ nɛ nà mà atiyɛ ema nà mà e tìla, nà mà ayèmbɛ nanù ema e kààtì ya ami e ma e tàtìrzɛ̀ ndi o ŋmanà hvoka hvonda.

2 Kɔ̀rintìyà 8:22

O èŋgànɛ̀lɛ̀ rzɔ, je omelì ŋmanyàŋgo wa arzu wa Krirztò na hwa Tàyìtùrzì à mà jo uŋmɛ̀lɛ̀yi nanù ema a hwɛnì nyɔ̀ŋgi ya lì e òŋgòwàna. Tɔ̀ nàŋgɛ nanù à mà ika ŋmèma mo eni na inyɔ, ndèŋganɛlɛ e nyɔ̀ŋgi ya eni ya lì e oŋgòwànà e ma nyàla.

Gàletìyà 5:10

Ndi imba na e ohvani kumba nanù mɛnɛ ema, Lohwɛ̀ a gbeyà nanù ema e rza nɔŋgɔ hwèyòkòlèlì hwe hwahvɛhvɛ hwatò ndi e nɔŋgɔ ndi e hwe ami. Lohwɛ̀ a o kɔ̀kìrzɛ̀ tɔ̀ ima mòtò ema a emirzɛ tɔ̀ a hwɛ ndi njɛnɛ.

2 Tɛ̀rzàlonìyà 3:4

I ma ika mèèmà me arzu nanù ema Rzàŋgo à è gbèeyà o lì gbeyà tɔ̀ ima eyà ema je e ohwèlì nanù ema e gbeye, ndèŋgànɛlɛ e hwɛ ndi o lì e gbeyà.

Hvìlɛ̀mɔ̀nì 1:21

Nà lòkɛ̀ nanù ema, nà oma nà tìlì ini ìtìtà nanù, ò gbeyà tɔ̀ mamɛ ema imba nà ohwi nanù ema ò nò gbèeyà. Ndèŋgànɛlɛ nà hwi nanù ema ò wà ò è gbeyà lì aka mamɛ ema imba nà ohwi nanù ema ò gbèye.