2 Kɔ̀rintìyà 2:13 - Mokpwe: Bakwery (New Testament)

¹³ Ndi na oma nà mà ùke aŋga, nà mà wukumeya, èhwanja na rzi ùŋmanɛlɛ ŋmana mòwè hwa Krirztò Tàyìtùrzì ema i gbèyɛ̀nɛ èwòlò aŋga. Rzi na hwa akpanɛ, na ɛ̀ndɛ e ya ami o erzòòkà ya Màrzèdonìyà.

2 Kɔ̀rintìyà 2:13 Mawu Ofanana

Makòrzì 6:46

Yerzù à mà apkanɛ̀ èŋge ŋgìndì, rzìi a àgba ò mòòlì ò lì kanɛ̀.

Hwègbèèlì 21:6

O mburza hvònda ema i ma àkpànɛ mɔ̀kɔ na ɔ̀nɛti, rzi i kpèeyà ò tenì ya melì me ŋmànja rzìi wɔ hwa timba ò mandawò ma awu.

Ròmànì 15:26

Hwàtò hwa ama Krirztò ema hwa hwèlì ò erzòòkà ya Màrzèdonìyà na ò erzòòkà ya Àkayiyà, wɔ̀ hwà mà ɛnɛ nanù ema hwa gbeye mòrzàŋgɛ̀ rzìi hwa òmeya mèlìrza me hwatò ema me hwèlì ò ìtììtènì ja hwatò hwa ama Lohwɛ̀ ema hwa hwèlì ò mbòwa ya Jèrurzalɛ̀mù.

2 Kɔ̀rintìyà 12:18

Nà ma rzorzomeya Tàyìtùrzì ema a e jèeya, ndèŋgàna nà mà mo òmana na ɔ̀nɛyi ŋmanyàŋgo wa arzu wa Krirztò. È arza ndi lì ohwa nanù ema e hvonda ema Tàyìtùrzì à mà e jèeya à mà e lukɛlɛ e? È rza enje ndi e jɔ̀kɛ̀ nanù ema imba na Tàyìtùrzì i ohvi ndi mɔ̀ŋgɛ̀lɛ̀ mɔ̀kɔ e?

2 Kɔ̀rintìyà 7:13

Ɔ̀ndeŋgàtɛ̀ inyɔ e ma jo ètìrzɛ̀ mèèmà me arzu o màwùŋgà. Rzeketɛ lì ètìrzɛ̀ mɛnɛ, ndi i ma lìŋgà na oma i ma ɛnɛ Tàyìtùrzì a jàni mɔ̀nyɛ̀ŋgì. A ma jo òhweyà na oma e ma mo gbeye rzi a hwɛmɛ la atàkìrzɛ̀ ema i ma mo hwɛ o ŋmèma mo eni.

2 Kɔ̀rintìyà 7:14

Nà ma hwɛnɛ kumba o lì ohweyà Tàyìtùrzì nanù ema, inyɔ e hwèlì ndi hwatò hwa gbamù. È rzi no òkirzɛ ìrzɔnì èhwanja e ma awuŋmɛ̀lɛ̀ nanù ema hweyà ema nà mà mo òhweyà hwe ma hwɛ ndi e jɔ̀kɛ̀, ŋgàna hvɔ̀kɔ hvɛ na hweyà hwe arzɛ hvɛ ema irzɔ i ma e ohweyà, hwe hwèlì ndi e jɔ̀kɛ̀.

2 Kɔ̀rintìyà 8:16

Nà èki Lohwɛ̀ nanù ema a ŋgbelì Tàyìtùrzì ŋmèma mo lì e òŋgòwàna, na oma a no ŋgbelì imba hvɛ.

2 Kɔ̀rintìyà 8:23

Tàyìtùrzì, à mà no oŋgama i hvonda ja arzɛ o lì gbeyà èwòlò ya lì e òŋgòwàna. Hwanɛ̀yi wònyànyàŋgo wa arzu hwa Krirztò, ema hwa ɛ̀ndɛ na Tàyìtùrzì, hwa hwèlì ndi hwatò ema ŋmèmba mo mà omɛ o lìnà la awu, ndèŋgànɛlɛ tɔ̀ ima ekì ema hwa ɛndɛ, na hweyà hvɛ ema hwa gbeyà, hwe jàneyà Krirztò èluhwe.

2 Kɔ̀rintìyà 8:6

Ène ŋgàna e èŋgànɛ̀lɛ̀ i atɛkɛ Tàyìtùrzì à mà wòteya ene èwòlò ema a e òŋgowane ene èwòlò ya enji a e ùkirzɛ̀ o lìrzukù, na lì ŋgba hwatò mamɛ ema hwa arza na ŋmèma mɔ̀kɔ.

Gàletìyà 2:1

Ò mburza yà lìyome là meya nà meni, nà mà timba ò Jèrurzalɛ̀mù nà Bànàbàrzì, Tàyìtùrzì hvɛ à mà hwɛ ò mondeŋge nà imba.

Gàletìyà 2:3

Tɔ Tàyìtùrzì ema à mà hwɛ ndi mòtò wa èkòmè ya Grìki ema à mà hwɛ na imba, hwa rzi mo nyàkìrzɛ̀ nanù ema à hwɛni lì endàhwà,

2 Tìmotì 4:10

Nà ohwa nanù èhwanja Dɛ̀màrzì à mà no kìnyɛ̀lɛ̀ èhwanja, mɔ̀ à mà ɛndɛ o mbowà yà Tɛ̀rzàlònìkà èhwanja a lìŋgàni lòŋgɛ la ene rze. Klɛrzɛnrzi à mà ɛndɛ o erzòokà ya Gàlerzìyà, Tàyìtùrzì mɔ̀hvɛ à mà ɛndɛ o mbowà ya Dàlmàtìyà.

Tàyìtùrzì 1:4

Ò wà Tàyìtùrzì ndi nà tìlèlì ene kààtì. Ò hwèlì ndi nàa è ŋmanà wà ami wà jɔ̀kɛ̀ ò lìlòkɛ̀ ema irzɔ hwa arzɛ jo ohvi. È ndèli nà ɛ̀yɔ̀lɛ̀ ema è uwɛ̀lɛ̀lɛ̀ ò mà Lohwɛ̀ è Tatɛ̀ nà Yerzù Krirztò è Mòrzùŋgèlì hwa arzu è hwɛ nà ò wà.