2 Kɔ̀rintìyà 2:1 - Mokpwe: Bakwery (New Testament)

¹ O èŋgànɛ̀lɛ̀ ene ŋgàna e gbèyi na lutelì imba mbiti ema na rza e timbeya hvɛ, o lì e jàneyà èhvɛhvɛ ndùtù o mèèmà.

2 Kɔ̀rintìyà 2:1 Mawu Ofanana

Hwègbèèlì 11:29

O èŋgànɛ̀lɛ̀ hwà-òkòwèlì ò lì atanɛ la awu, wɔ̀ hwà mà tɛ̀yirzɛ̀ nanù ema tɔ̀ ima mɔ̀kɔ wa awu a ò òma lìwòŋgò ò hwatò ema hwa lòkɛ̀ Yerzù ò erzòòkà ya Jùdeyà.

Hwègbèèlì 15:2

Ène eyà e ma jàneyà Pàwolò na Bànàbàrzì hvenda ndɛnɛ natɛ̀ɛ wɔ hwà mà imanɛlɛ nanù ema Pàwolò, Bànàbàrzì na hwahvɛhvɛ hwatò hwa ɛndɛ ò Jèrurzalɛ̀mù, ò lì ɛndɛ lì ɛnɛ i àpɔ̀rzìtòlò na hwàtimbèlì hwa ŋmèmba lì hvòmɛ̀nɛ̀ ene eyà.

Hwègbèèlì 15:37

Bànàbàrzì à mà arza lì wòwa Yòwanìrzɛ̀ Màkòrzì na wɔ̀,

1 Kɔ̀rintìyà 2:2

Nà omà nà mà hwɛ na inyɔ, nà mà àwòhwànɛ̀lɛ̀ na imba mbiti nanù ema na rza gbeyà hvɛ tɔ̀ eyà lì aka tɛ o lì ohwa lì hvomɛ̀nɛ̀ Yerzù Krirztò na e kpelì ema à mà ŋwèeyà o mbarza.

1 Kɔ̀rintìyà 4:21

Mamɛ inyɔ e hvɔ̀rzì e? Nà jelì tɛ na e kɔ̀kìrzɛ̀ èhwanja e ondi kumba, ŋga na jàne ndi e ndìŋgɛ, na èlìŋgɛ̀ ema ya arzirzɛ e?

1 Kɔ̀rintìyà 5:3

Ndi tɔ̀ nɛ na rza enje na inyɔ o naŋgɛ, na e ɔ̀ŋgɛ̀lɛ̀ ihvonda ja arzɛ. O èŋgànɛ̀lɛ̀ rzɔ nà mà màa lì akɛlɛ hwèkayirzelì hwe ami o lì teŋgɛ̀nɛ̀ e mɔ̀ ema a gbèyi ene nyayi ya eyà.

2 Kɔ̀rintìyà 1:23

Lohwɛ̀ ndi à hwèlì e mboŋgi ya ami, e uŋmɛ̀lɛ̀ ema màmɛ ya arzɛ ema na ohwa e hwèlì ndi e jɔ̀kɛ̀. Lìtìŋga ndèŋgàtɛ̀ na rzi timbe hvɛ o Kɔ̀rintò, lì hwèlì ndi ema, na rzi arze ema e hweye wòhwe.

2 Kɔ̀rintìyà 13:10

Ɔ̀ndeŋgàtɛ̀ na tìla hwene hweyà tɔ̀ nɛ na rza enje na inyɔ. Nà e tìleya ndi nanù, aŋga nanù na e jɛlɛlɛ tɛ, na rza o gbeyàna e ŋginyà ema e Rzàŋgo e no ŋgbelì, o lì e lomeya. Lìkànèyà ema e Rzàŋgo e no ŋgbelì lì hwèlì ndi nanù ema imba na e oŋgowane o lì e ètìrzɛ̀, rzeketɛ o lì li gbeyàna o lì e rzuulɛ.

2 Kɔ̀rintìyà 2:4

È hvonda ema nà mà e tìleya eŋge kààtì, nà mà ohva ndùtù o ŋmèma ndèŋgànɛlɛ nà mà ji tìlana na mìrzɔlì o worzo wo ami. Nà rzi e tìleya ndi nanù ema e hwɛ̀nɛ̀ ndùtù o mèèmà me anyu, ndi nà mà e tìleya ndi nanù ema e hwiye lìmɛni ema na e lìŋgànelì.

Tàyìtùrzì 3:12

Nà e omelì tɛ Atɛ̀màrzì tɔ̀ Tàkìkùrzì e keke natɛ̀ɛ e jèe e no uŋma o mbowà ndɛnɛ ya Nìkàpòlìrzì, ehwànja aŋga ndi nà mà kulɛ̀ nanù ema na aakɛ̀lɛ̀lɛ̀ ehvùhvà e hvonda ema yùulùlì e imbami.