2 Kɔ̀rintìyà 13:8 - Mokpwe: Bakwery (New Testament)

⁸ È hwèlì ndi nanù èhwanja irzɔ i rza tànɛyi lì gbeyà tɔ̀ eyà ema e teŋgɛ̀nɛ̀ ŋmɛ̀ndì mo jɔ̀kɛ̀ mo gbamù. Ndi tɔ̀ nanù eyà ema i gbeyà, e hwèlì ndi o lì oŋgòwànà hwatò ò lì hwiya na o lì gbeyà mamɛ ema ŋmɛ̀ndì mò gbamù mo òhwa.

2 Kɔ̀rintìyà 13:8 Mawu Ofanana

Makòrzì 9:39

Yerzù rzìi a hwa òhweyà nanù ema, “È rzì kèka lì mò òhweyà ema a hwɛmɛ. O rza ènje tɔ̀ mòtò ema à gbeyà hweyà hwe mànyàka ò lìna la ami rzìi ò mburzà hvònda a nò òhwìrzɛ̀nɛ̀ hvɛ hweyà hwe wòhwe.

2 Kɔ̀rintìyà 10:8

Tɔ̀ na kumba ndi lìya la ami o kòkò ehwànja o e ŋginyà ema e Rzàŋgo e no ŋgbelì, tɔ̀ nà lì aka mamɛ ema imba na lì kumba naŋgɛ, na rza oka tɔ̀ ìrzɔnì. A no ŋgbelì ndi eŋge ŋginyà o lì e ètìrzɛ̀ rzeketɛ o lì e ɔ̀ndɛlɛ lìlòkɛ̀.

2 Kɔ̀rintìyà 13:10

Ɔ̀ndeŋgàtɛ̀ na tìla hwene hweyà tɔ̀ nɛ na rza enje na inyɔ. Nà e tìleya ndi nanù, aŋga nanù na e jɛlɛlɛ tɛ, na rza o gbeyàna e ŋginyà ema e Rzàŋgo e no ŋgbelì, o lì e lomeya. Lìkànèyà ema e Rzàŋgo e no ŋgbelì lì hwèlì ndi nanù ema imba na e oŋgowane o lì e ètìrzɛ̀, rzeketɛ o lì li gbeyàna o lì e rzuulɛ.

2 Kɔ̀rintìyà 13:7

I Kànɛlɛ Lohwɛ̀ nanù ema inyɔ e rzi gbeyà tɔ̀ lùurzè tɔ̀ lɔ̀kɔ. Irzɔ i rza kanɛ̀ ndi nanù aŋga nanù hwatò hwa ɛnɛ nanù ema irzɔ i hwèlì ndi àpɔ̀rzìtòlò ema i gbeyà èwòlò ya gbamù. Ndi tɔ̀ nanù irzɔ i kanɛ̀ ndi nanù ema inyɔ e hwɛni ndi lì gbeyà hweyà hwe hvomɛ̀nɛ̀, tɔ̀ nɛ lòŋgo la hwatò hwa o òhwa ndi nanù ema irzɔ i rza uŋmɛ̀lɛ̀ tɔ̀ yoma ema e uŋmɛ̀lɛ̀ nanù ema i hwèlì ndi i àpɔ̀rzìtòlò ema i gbèeyà hwèwòlò hwe awu gbamù.

2 Kɔ̀rintìyà 13:9

Jo ò oka mɔ̀nyɛ̀ŋgì, je e ɛni tɛ na oma e gbeyà hweyà ema hwe gbeyà lì lòkɛ̀ la anyu lì andàmà, tɔ̀ e hwɛ ndi nanù ema irzɔ je ɛni nanù ema i rza imbami, èhwanja i rza ɛni tɔ̀ lìtiŋga o lì e kɔ̀kìrzɛ̀. I kanɛ̀ ndi nanù ema Lohwɛ̀ a e òŋgwànɛ̀ ɛ̀ɛ̀mɛ̀ ya anyu e hwɛ ndi e ya gbamù.

1 Tìmotì 1:20

Ò ìtììtènì ja hwatò ema nà ohwa nanù, mɔ̀kɔ à hwèlì ndi Hìmɛ̀nàyèyùrzì ɔ̀nɛyi hvɛ Àlɛ̀rzanda. Hwanu hwatò nà hwa lìyèlì mòkarzɛ̀ ò màà. Àŋga nanù hwa hwiya nanù ema ò rza lɔ̀wu lì ohwàna Lohwɛ̀ ìrzìlàkò.