2 Kɔ̀rintìyà 13:5 - Mokpwe: Bakwery (New Testament)

⁵ Inyɛ̀ tɔ̀ ima mɔ̀ wa anyu a àyijànè lòŋgɛ la eni kɔ̀yi-kɔ̀yi o lì hwiya ŋga a lìya ndi nàa hwatò ema hwa lòkɛ̀yì. Imba na hwi nanù ema e hwi nanù ema tɔ̀ ima mɔ̀ wa anyu a hwi nanù ema Yerzù Krirztò a hwèlì o tenì ya eni. È hwèlì tɛ nanù ema tɔ̀ ima mɔ̀ wa anyu a àyijànè mɔ̀ ŋmìti ɔ̀ndi e hwiya o jɔ̀kɛ̀ nanù ema e hwèlì na Krirztò.

2 Kɔ̀rintìyà 13:5 Mawu Ofanana

Yòwanìrzɛ̀ 14:23

Yerzù rzìi a alàhwɛ̀ nanù ema, “Tɔ̀ ima mòtò ema a nò lìŋgàni, a ika hwèyòkòlelì hwe ami. È Tatɛ̀ ya ami e mò lìŋgana, imba na Tatɛ̀ wa ami i mò jèeyà rzìi i lìiya na mɔ̀.

Yòwanìrzɛ̀ 15:4

È hwɛ ndi nàa imba, imba hvɛ na hwɛ ndi nàa inyɔ. O rza enje tɔ̀ ɛkɔkɔ ema e tànɛyi lì ŋyàa ehvùma ema e rza kukamɛ ò gbee. Mòlemilemi mɛnɛ na inyɔ e rza tànɛyi lì ŋyàa hwehvùma e rza enje tɛ na imba.”

Yòwanìrzɛ̀ 17:23

Imba na hwèlì ndi mɔ̀kɔ na wɔ̀ ò wa hvɛ ò hwèlì ndi mɔ̀kɔ na imba, aŋga nanù hwa kuwa lì hwɛ mòtò mɔ̀kɔ. Hwa ò kuwa lì hwɛ mòtò mɔ̀kɔ aŋga nanù e rze e hwiya nanù ema ò wa ndi ò hwèlì e mɔ̀ ema a nò òmi, hwa hwiya hvɛ nanù ema ò hwa lìŋgàni na òma imba hvɛ na ò lìŋgàni.

Yòwanìrzɛ̀ 17:26

Imba na gbèyi nanù ema hwa ò hwiye, na ɛ̀ndɛ ndi ò wòrzò lì gbeyà nanù mɛnɛ, aŋga nanù e ndìŋgɛ ema ò nò hwɛnɛni e ò hwɛ ò tenì ya awu, ndèŋgàna imba hvɛ na hwɛ na wɔ̀.”

Yòwanìrzɛ̀ 6:56

Tɔ njɛnɛ ema a lelì e nyàmà nyò ya ami rzìi a nyɔ hvɛ màyija ma ami à hwèlì ndi na imba ndèŋgànɛlɛ imba hvɛ na hwèlì ndi na mɔ̀.

Yòwanìrzɛ̀ 6:6

Yerzù à mà kèkìrzɛ̀ ndi Hvìlìpì èhwanja Yerzù à mà hwiya mamɛ ema à mà hwɛnɛ lì gbeyà.

Ròmànì 1:28

Nà òma è hwèlì nanù ema hwanu hwatò hwa rza hwɛni hvònda nà Lohwɛ̀ ò lòŋgɛ là awu, Lohwɛ̀ à mà hwa ulɛ̀ mììrzɔ̀ mà eni nanù ema hwa ɛ̀ndɛ̀nɛ̀ màlùtèyà mà awu mà wòhwe ò wòrzò ema mà hwèlì ò lì gbeyà hweyà ema hwa rza àŋgàmɛ̀nɛ̀yi lì gbeyà.

Ròmànì 8:10

Ndi e hwèlì tɛ ema Krirztò a hwèlì ò tenì ja anyu, nanù òma e hwèlì lòŋgɛ èhwanja Krirztò à mà e gbeyà nanù ema e imanɛlɛhwɛ ò wòrzò wò ama Lohwɛ̀ tɔ̀ nɛ ò nyòla wòhwe ema inyɔ e ma gbeyɛ, e nyàmà nyò ya anyu e hwɛni lì ŋwa.

1 Kɔ̀rintìyà 11:28

Inyɛ̀ mòtò tɛ a ɔŋgɛ kɔ̀yi-kɔ̀yi ndèŋgànɛ̀lɛ̀ a e làa èŋge ehvòòto na lì nyɔ maŋga mimba.

1 Kɔ̀rintìyà 11:31

I lomi tɛ lì awɔ̀ŋgɛ kɔ̀yi-kɔ̀yi i rza kɔ̀kìrzɛ̀hwɛ̀ na Lohwɛ̀.

1 Kɔ̀rintìyà 3:16

Nà lòkɛ̀yi nanù ema e ayèmbɛ inyɔ hwa arzɛ nanù ema e hwèlì ndi nàa e Ndawò yà Lohwà. Ndèŋgana èlìŋgɛ̀ ya ama Lohwɛ̀ e hwèlì, e lìyayi o ìtììtènì ja anyu.

1 Kɔ̀rintìyà 6:15

È hwi nanù ema i nyo ja anyu i hwèlì ndi hwèhvàrzù hwe hwènàmà ema hwe gbèyi è nyo yà ama Krirztò. Nà tànɛyi lì wowa èhvàrzù ya ènàmà ya nyo yà ama Krirztò rzìi nà è lata na e hwe èhvàrzù yà ènàmà ya nyo ya ama e molanà wà àkpàlà e? È rzà tanɛ̀ lì hwɛ nanù.

1 Kɔ̀rintìyà 6:19

È rza hwi nanù ema è nyo ya anyu è hwèlì ndi hwèlìyelì hwe Èlìŋgɛ̀ yà Wòtani e? Èma e lìyayi o tenì yà nyo yà anyu, ema Lohwɛ̀ a mà è ŋgbè e? Rzèketɛ inyɔ ndi e ohvi i nyo ja anyu, i hwèlì ndi nyo ja ama Lohwɛ̀.

1 Kɔ̀rintìyà 6:2

È rza hwi nanù ema o ò hwɛ hvonda ema hwatò hwa Lohwà hwa o kàyìrzɛ̀ hwatò hwa ene rze e? È tànɛyi tɛ o lì kàyìrzɛ̀ hwatò hwa ene rze. È rza tanɛ lì kàyìrzɛ̀ hwanù hwàànà meyàŋgo ò ìtììtènì ja anyu e?

1 Kɔ̀rintìyà 9:24

È rza hwi nanù ema o lìhwaŋgi tɔ̀ ima mòtò a hwaŋga, ndi mòtò mɔ̀kɔ mɛnɛ ndi à rzuwa rzi a lùwa morzawelì e? O èŋgànɛ̀lɛ̀ e hwaŋge lìhwaŋgi e luwe morzawelì.

1 Kɔ̀rintìyà 9:27

Nà òkòlɛ̀yi e nyo ya ami ò lì ajùlɛ̀nɛ̀ mètàkà me lìhwaŋgi. Ène ŋgàna e èŋgànɛ̀lɛ̀ imba na oka wɔ̀ŋgɔ̀ ema nà mà òhwèyà tɛ hwahvɛhvɛ hwatò eyà yà Lohwà, rzìi imba na tìmba eyoyo.

2 Kɔ̀rintìyà 6:16

È Ndawò ya Lohwà e rza ohvi tɔ̀ eyà o lì gbeyà na e ndawò ya lì hvɛhvɛ lohwà. Imba na ohwa ndi nanù èhwanja irzɔ ndi i hwèlì e ndawò yà Lohwà, Lòohwà ema lì hwèlì lòŋgɛ. È hwèlì ndi nanù, na oma e tìlahwì nanù ema Lohwɛ̀ a ohwi nanù ema, “Nà o hwɛ na hwatò hwa amì ndèŋgànɛlɛ na o lìya na wɔ̀. Hwa o no gbeyà ndi nàa e Ndawò ya Lohwà ndèŋgànɛlɛ na o ò hwa wòwa ndi nàa hwatò hwa ami.”

Gàletìyà 2:20

Nà oma Yerzù à mà ŋwèeyà o mbarza, e hwèlì ndi ema imbahvɛ nà mà ŋwa. Nà rza enje lòŋgɛ hvɛ. Krirztò ndi à hwèlì o tenì ya ami. O eŋgànɛ̀lɛ̀ rzɔ tɔ̀ ima lìtumba la eyà ema na gbèeyà o rze ya mɔ̀nyɛ̀ nàŋgɛ, na e gbèeyà ndi èhwanja o lìlòkɛ̀ ema na ohvani è Ŋmanà wà ama Lohwɛ̀ ema a no lìŋgàni rzii a ŋwa o nyòla ami.

Gàletìyà 4:19

Ìi hwàanà hwa ami kòkò, o nyòla inyɔ na hweyà mòrziyò ema mo gbèyi ndi nàa molanà ema a hwèlì o mòrziyò mo lìyalì. Ndeŋgànɛ̀lɛ̀ na hweyà moŋgo mòrziyò natɛ̀ɛ ɛ̀ɛ̀mɛ̀ ya ama Krirztò è ò è kpèeyà gbamù.

Gàletìyà 6:4

Tɔ̀ ima mɔ̀ wa anyu àkàyìrzɛ̀ hwègbèèlì hwe eni mɛnɛ. Mòtò a gbèyi tɛ eyà ema e lɔ̀wu, mɔ̀ ŋmìti a oka mɔ̀nyɛ̀ŋgì. Ndèŋgana a rza a kitirzɛnɛ mɔ̀ ŋmìti na hwahvɛhvɛ hwàtò.

Ɛ̀hvìrzìyà 3:17

Ndèŋganɛlɛ nà kànɛ̀ hvɛ nanù ema lì lòkɛ̀ là anyu ò mà Krirztò è onàhwè ò mèèmà mè anyu. Nà kànɛ̀ hvɛ nanù ema è lìŋganè Lohwɛ̀, ndèŋgànà è lìŋganè hvɛ mɔ̀kɔ nà ɔ̀nɛyi. È gbèyi tɛ nanù, ò mà è mà hwɛ ndi nàa gbee ema meyàŋga mè eni mè rzɔ̀ŋgɔ̀ ò tenì yà mɔ̀nyɛ̀, ndèŋgana è hwɛ ndi nàa ndawò ema è tɛmi gbamù ò rze.

Kòlòrzìyà 1:23

Inyɛ̀ è hwɛ ndi nanù ema lì lòkɛ̀ là anyu lì àŋgàmɛ̀nɛ̀yi lì imbama, è inyàmɛ̀nɛ̀ hwètɛ̀mèlì hwe matàŋga mà anyu ò mɔ̀nyɛ̀, ndèŋgànɛ̀lɛ̀ è ika mèèmà mè anyu ò ŋmɛ̀ndì mò gbamù ema è mà hwèyɛ. Moŋgo ŋmɛ̀ndì mò gbamù ema inyɔ è mà màa lì hweyà, mò hwèlì ndi ŋmɛ̀ndì mò gbamù ema mò mà nyàlɛ̀ ò è rze yà arzɛ, ndeŋgànɛlɛ mɔ̀ ndi imba Pàwolò nà atìmbìrzɛ̀yi è mògbèèlì wà ama Lohwɛ̀ ò lì gbeyà.

Kòlòrzìyà 1:27

Lohwɛ̀ à arza nanù ema hwatò hwa eni hwa hwiye nanù ema mònàmɛ̀ nà è ndèli yà ama Krirztò è hwèlì hvɛ nanù mɛnɛ ò hwatò ema hwa rza enje wònyà Yudà. È wùndɛ̀ ema è hwèlì ò tenì è hwèlì ndi ema inyɔ e ika mèèmà mè anyu nanù ema, inyɔ è lùwa è ndèli ema Lohwɛ̀ à ohwi nanù ema à ŋgba hwatò wà eni.

Kòlòrzìyà 2:19

Èŋge tumba mòtò a rzɔ̀njɛlɛ lì lòkɛ̀ Krirztò ema mɔ̀ ndi à hwèlì e mòtìmbèlì wa hwàlòkèlì. Nà oma mòòhvò mo kànèyà e nyàmà nyo ya arzɛ, ŋgànà hvɔ̀kɔ hvɛ ndi Krirztò a mɔ̀ hvɛ a kànèyà hwatò hwa arzɛ ema hwa mo lòkɛ̀ aŋga nanù hwa hwɛ ndi mòtò mɔ̀kɔ. Nà oma mèrzìrza me arzàŋgànɛ o lì lata matìŋgà mà e nyo ya mòtò o lì hwɛ mòtò mɔ̀kɔ, nanù hvɛ ndi Krirztò a rzàŋga hwatò ema hwa mo lòkɛ̀ o lì hwɛ mòtò mɔ̀kɔ o rze ya eni. Ndeŋgana eŋge ŋgindi e oŋga ndi nà oma Lohwɛ̀ a arza.

Kòlòrzìyà 2:7

Nà oma o lòkɛ̀ hweyà ema hwanu hwà-òkòlèlì hwa e okòlɛ, hwene hweyà hwe hwèlì ndi e jɔ̀kɛ̀. Ndeŋgànɛ̀lɛ̀ e a ŋgbàà Lohwɛ̀ jeka o hweyà hwe arzɛ o ihvonda ja arzɛ.

1 Tìmotì 2:15

Ndi Lohwɛ̀ a o rzuŋga lòŋgɛ la e molanà o hvonda ya lìyalì, e hwèlì tɛ nanù ema a ikayi ŋmèma mo eni o Krirztò, ndeŋgànɛ̀lɛ̀ a uŋmɛ̀lɛ̀ tɛ hwahvɛhvɛ hwatò ndìŋgɛ, rzìi a rzi ohve tɔ̀ ŋmanà lìtɔ̀ti la wòhwe o nyo ya eni.

2 Tìmotì 3:8

Nà oma Jànɛ̀rzi na Jàmbrɛ̀rzi hwà mà teŋgɛ̀nɛ Morzè o hvonda ema e ma aka, nanù hvɛ mɛnɛ ndi hwà-òkòlèlì hwa mòlàŋgà hwa teŋgɛ̀nɛyi hwèyòkòlèlì hwe jɔ̀kɛ̀. Hwa hwɛni ndi màlùtèyà ma wòhwe, Lohwɛ̀ à mà hwa kìnyɛ̀lɛ̀ èhwanja hwa rza ohvi tɔ̀ lìlòkɛ̀ tɔ̀ lɔ̀kɔ.

Tàyìtùrzì 1:13

Hwene hwèyohwèlì hwe ama ono mòòhwèlì wà èlìŋgɛ̀ lì hvomɛ̀nɛ̀ hwatò hwa èkomè ya Krɛ̀tɛ, hwe hwèlì ndi e jɔ̀kɛ̀. O eŋgànɛ̀lɛ̀ rzɔ, hwatò ema hwa lòkɛ̀ Yerzù rzi hwa a ika hweŋge hwèyòkòlèlì hwe mòlàŋgà, o hwa kànje na ŋginyà o lì hwa ohweyà nanù ema hwa toni, aŋga nanù wɔ̀ hwa lòkɛ̀ hwèyòkòlèlì hwe jɔ̀kɛ̀ lì hvomɛ̀nɛ̀ Yerzù.

Tàyìtùrzì 1:16

Hwàto ema hwa okolɛ hweŋge hwèyòkòlèlì hwe mòlàŋgà wɔ̀ hwa ohwa nanù ema hwa hwi Lohwɛ̀, ndi hwègbèèlì hwe awu hwe uŋmɛ̀lɛ̀ nanù ema hwa rza hwi Lohwɛ̀. Hwa gbeyà hweyà ema hwatò hwa rza lìŋgànɛ, wɔ̀ hwa rza gbeyà hweyà na oma Lohwɛ̀ a hwe àrzeyà ndeŋgànɛlɛ hwa rza tànɛ lì gbeyà tɔ̀ eyà yɔ̀kɔ ya gbamù.

Tàyìtùrzì 2:2

O òkolɛ hwàwululu hwa wùnyànà o lì hwiya nɛ hwa hwɛnɛ lìkànèyà mòŋgɛ ma awu, hwa gbeye hweyà nyayi ema hwatò wo o hwà ŋgbɛɛ èluhwe, ndèŋgànɛ̀lɛ̀ wɔ̀ hwa a gbeyà hweyà na gbaŋgo wo nɔ̀kɔ̀wu. Hwa àŋgàmɛ̀nɛ̀yi ndi lì ɛndɛ o worzo o lì lòkɛ̀ Krirztò, hwa àŋgàmɛ̀nɛ̀yi ndi lì ɛndɛ o worzo o lì hwɛneya hwahvɛhvɛ hwatò e ndìŋgɛ, ndèŋgànɛ̀lɛ̀ hwa àŋgàmɛ̀nɛ̀yi ndi lì ɛndɛ o worzo o lì luwa mètàkà ema hwa luwa o nyòla lìlòkɛ̀ la awu.

Hibrù 12:15

È aŋgòwa, nanù ema tɔ̀ mòtò tɔ̀ mɔ̀kɔ a rza o hvònda lì lùwa ììlì ja ama Lohwɛ̀. È aŋgòwa tɔ̀ mɔ̀kɔ hwa anyu a rzi hwɛ nàa mbota ya wòhwe ema e oŋgi tɛ e jànà ndùtù rzìi e hvaŋga ihvɛhvɛ mbota.

Hibrù 4:1

Ò èŋgànɛ̀lɛ̀ rzɔ nà oma Lohwɛ̀ à mà jò kàkɛ̀nɛ̀ ema irzɔ ì tànɛyi ò lì kpèeyà ò èki yà eni yà lì arzìyòlɛ̀, jò ò è kpèeyà. Ò eŋgànɛlɛ rzɔ, inyɛ jà aŋgowe nanù ema tɔ̀ mòtò à rzi hvònda ò lì kpèeyà aŋga.

Hibrù 6:8

Ndi mɔ̀nyɛ̀ mo wùrzìrzɛ tɛ ndi hwènyɛ̀ŋgɛ̀yɛ̀ŋgɛ̀ na hwèwùlè hwe wòhwe, nanù oma moŋgo mɔ̀nyɛ̀ mo rza hwɛnì tɔ̀ mɔ̀rzɛ̀ŋgi. Moŋgo mɔ̀nyɛ̀ mo hwèlì o mbèmbè ya lì jemahwa na Lohwɛ̀, rzìi o lìrzukù moŋgo mɔ̀nyɛ̀ mo rzɛlɛhwɛ o mùnya.

Jèmìrzì 4:4

Inyɔ e hwèlì ndi nàa hwatò ema hwa hwèlì o ndawò ja màahwa ndi hwa gbeyà mòrzònje. È rza hwi nanù ema e ikayi tɛ mèèmà me anyu o hwema hwe rze, hwe e gbeyà inyɔ e jà ndi hwàkɔ̀ɔ̀yèlì hwa ama Lohwɛ̀ e? O eŋgànɛlɛ rzɔ tɔ̀ ima mòtò ema a lìŋgàni o lì ika ŋmèma mo eni o hwema hwe ene rze, à mà agbeyɛ mɔ̀ ŋmìti mɔ̀kɔ̀yèlì wa ama Lohwɛ̀.

1 Pètrò 5:9

È rzi emeyà nanù ema a e nìnè. Inyɛ̀ lì lòkɛ̀ la anyu lì imbame, ehwànja inyɔ e hwi nanù ema wònyànyàŋgo hwa anyu na indomɛ ja anyu hwa ama Krirztò o e rze ya arzɛ, wɔ hvɛ hwa hwèlì hwa takà na oma inyɔ hvɛ e hwèlì e takà.

Hwèwulùwèlì 2:5

Ò eŋgànɛlɛ rzɔ, inyɔ hwiti è ɔ̀ŋgɔ tɛ è ŋgànà ema inyɔ hwiti è kpɛ̀lɛ̀lɛ̀yi. È hwɛmɛ hwɛ̀ɛmɛ̀ hwe anyu hwe wòhwe è wòteyà lì gbeyà hweyà ema è mà hwɛ lì gbeyà è hvonda ema è mà wòteyà lì oŋgama Yerzù. È hwèlì tɛ nanù ema inyɔ e rza hwɛmi tɛ hwɛ̀ɛmɛ̀ hwe anyu hwe wòhwe, eŋge ŋgànà e hwèlì ndi nanù ema imba na e jèeya rzìi na e ulɛnɛ e mboko ya anyu ya etùlù o èki ya eni ema e tɛ̀mɛ̀.