2 Kɔ̀rintìyà 13:11 - Mokpwe: Bakwery (New Testament)

¹¹ O lì umba ene kààtì, wònyamòwè kòkò, e oke mɔ̀nyɛ̀ŋgì. Nà e ohweyà ndi nanù ema e tikowe, ɛ̀ɛ̀mɛ̀ ya anyu e hwɛni lì lɔ̀wu, na arza nanù ema e òkànèyà mayowà mà ami. È hwɛnɛ ndi lì lùtèyà lɔ̀kɔ. È hwɛ o ɛ̀yɔ̀lɛ̀ mɔ̀kɔ na ɔ̀nɛyi. È gbèyi tɛ hwene hweyà hwe arzɛ, Lohwɛ̀ ema a e gbèyi ema e alìŋgànɛ na lì hwɛ o ɛ̀yɔ̀lɛ̀ mɔ̀kɔ na ɔ̀nɛyi, a o e nàmìrzɛ̀.

2 Kɔ̀rintìyà 13:11 Mawu Ofanana

Matiyò 1:23

“È òkànèyà mɔ̀ɔ̀mbɔ̀ mò ŋgɔ̀ndɔ̀ ema mò rzi hwi munyanà mò lìta lèmì, mò ŋya ŋmanà wà mùnyanà, hwa ò mò hwɛlɛ ndi Èmànùwɛ̀lì.” Jàànda jà lini lìinà lì hwèlì ndi nanù ema, “Lohwɛ̀ à hwèlì nà irzɔ̀.”

Matiyò 5:48

È gbèèyè ndi hweyà hwe gbamù, nà òmà Tatɛ̀ wa anyu wa ŋmanyu yà lohwà mɔ̀hvɛ à hwe gbeyà.”

Makòrzì 10:49

Yerzù à mà tɛ̀mɛ̀ rzìi a òhwa nanù ema, “È nò hwɛlɛlɛ̀ e mɔ̀.” O èŋgànɛ̀lɛ̀ hwa mà mò hwɛlɛ, rzìi hwa mò òhweyà nanù ema, “O rza atàkìrzɛ̀ e nyò ya aŋgɔ̀! Tɛmɛ ò ŋmanyu mɔ̀ ònò a ò hwɛlɛ.”

Makòrzì 9:50

Ikpa ì lɔ̀wu, ndi ì wɔ̀lɛ̀nɛ̀yi tɛ wòtɛ̀wu wò eni, nɛ i tanɛ̀yi lì tɛ̀yirzɛhwɛ hvɛ e? Inyɔ e tɛ̀ ndi na ikpa, è ahwɛnɛnɛ hvɛ ɛ̀yɔ̀lɛ̀ mɔ̀kɔ nà ɔnɛyi.”

Lukàrzɛ̀ 9:61

Òhvɛhvɛ munyanà rzìi a mò òhweyà nanù ema, “Ìi Rzàŋgò kòkò, ìmba nà ò òŋgama, ndi inyɛ nà ɛndɛ̀ na àkpànɛ lìtumba la amì hvɔ̀ni.”

Yòwanìrzɛ̀ 17:23

Imba na hwèlì ndi mɔ̀kɔ na wɔ̀ ò wa hvɛ ò hwèlì ndi mɔ̀kɔ na imba, aŋga nanù hwa kuwa lì hwɛ mòtò mɔ̀kɔ. Hwa ò kuwa lì hwɛ mòtò mɔ̀kɔ aŋga nanù e rze e hwiya nanù ema ò wa ndi ò hwèlì e mɔ̀ ema a nò òmi, hwa hwiya hvɛ nanù ema ò hwa lìŋgàni na òma imba hvɛ na ò lìŋgàni.

Hwègbèèlì 15:29

È rzi keka lì làa tɔ̀ mòlelì ema mò ma ŋgbààhwɛ̀ hwèrzùmbù. È rzi keka lì laa màyija, e kìye ò lì làa hwèembè ema hwe ŋwelì mòtìmà. È rzi gbeyà mòrzònje. È ò hwɛ gbamù e rza gbèyi tɛ hwene hweyà. Je ahvìtɛ̀ hwèlìyelì hwe gbamù.”

Hwègbèèlì 18:21

Ndi ò hwɛndèli hwe eni à mà hwa òhweyà nanù ema, “È hwèlì tɛ lì emeyà la ama Lohwɛ̀ na ò e timbeya.” A ma kpèeyà ò melì me ŋmànja rzìi a anjiya ò mbòwa ndɛnɛ ya Ɛ̀hvɛ̀rzɔ̀rzì.

Hwègbèèlì 23:30

Nà òma nà mà hwilɛ̀hwɛ nanù ema ò hwèlì wùndɛ̀ ya lì mò òŋwa, ɔndi na a òmeya e mɔ̀ ŋgèlì hvɔ̀kɔ. Nà kòkòwɛ̀lɛ̀ hwaŋga ema hwa òhvi hweyà ò lì mò teŋgɛ̀nɛ̀ nanù ema hwa jèe hwa ò òhweyà eyà ema wɔ hwa òhwa nanù ema a gbèyi.”

Ròmànì 12:16

È awòhwànɛ̀ wàna hvɔ̀kɔ mɔ̀kɔ na ɔ̀nɛyi. È rzi ayèkirzɛ̀. È hwɛ mbunda na hwatò ema hwa rza òhvɛ hwetɛmelì ema hwe kàrzamì. Inyɛ̀ tɔ̀ mòtò a rzi ɔ̀ŋgɛ̀lɛ̀ nanù ema mɔ̀ à hwɛni lìhwiyè rzayi-rzayi.

Ròmànì 12:18

È keke e gbèye nanù ema e hwɛ ò ɛ̀yɔ̀lɛ̀ na hwatò hwa arzɛ.

Ròmànì 14:19

O èŋgànɛ̀lɛ̀ inyɛ i hwɛ ndi ò lì atàkìrzɛ̀ ò lì keka lì gbeyà mamɛ ema e jànà ɛ̀yɔ̀lɛ̀ na ema hwe jò òŋgòwànà ò lì embɛ mɔ̀kɔ na ɔ̀nɛyi.

Ròmànì 15:13

Nà kànɛ nanù ema, Lohwɛ̀ ema mɔ̀ ndi à ŋgbàà lìhvìtà, a e gbeye e ònde na mɔ̀nyɛ̀ŋgì mò arzɛ na ò lì hwɛ na ɛ̀yɔ̀lɛ̀ ò nyòla lì lòkɛ̀ ema e lòkɛ̀. Ène eyà e gbeyà e ŋginyà ya Èlìŋgɛ̀ yà Wòtani e gbeyà lì lòkɛ̀ la anyu lì nyàla rzayi-rzayi.

Ròmànì 15:33

Inyɛ̀ Lòohwà la arzu la ɛ̀yɔ̀lɛ̀ lì hwɛ na inyɔ hwa arzɛ. Inyɛ̀ wò lìya nanù.

Ròmànì 16:20

Lohwɛ̀ la ɛ̀yɔ̀lɛ̀ ŋmanà mbɔ à hwɛni lì rzììkà Mòkarzɛ̀ ò rze yà matàŋga mà anyu. Inyɛ̀ è ndèli yà ama è Rzàŋgò hwa arzu Yerzù Krirztò è hwɛ nà inyɔ hwa arzɛ.

1 Kɔ̀rintìyà 1:10

Wònyamòwè kòkò, nà è atɛkɛ ò lìnà là ama Rzàŋgo wà arzu Yerzù Krirztò, inyɔ hwa arzɛ, è ohwe ndi eyà yɔ̀kɔ, aŋga nanù ò rza hwɛ tɔ̀ mbùnakɛ̀ tɔ̀ hvɔ̀kɔ ò ìtììtènì jà anyu. È hwɛnɛ lì ahvìyànɛ̀ ema lì ondi nà lì lùtèyà, nà etɔ̀ti yɔ̀kɔ, ò mamɛ yà arzɛ ema yà rza lì gbeyà.

2 Kɔ̀rintìyà 1:4

À jò ètirzɛ mèèmà mè arzu ò lì hvomɛ̀nɛ̀ i ndùtù ja arzu ja àrzɛ ema i lùwa. O lì àrza nanù ema irzɔhvɛ i ètirzɛ mèèmà me hwanɛ̀yi hwatò ema wɔ̀ hvɛ hwa ohvi nyayi nà nyayi ja ndùtù. Inyɛ̀ i hwa ètìrzɛ̀ mèèmà me awu, nà omà Lohwɛ̀ mɔ̀ hvɛ à jo ètìrzɛ̀, e me arzu mèèmà.

2 Kɔ̀rintìyà 13:9

Jo ò oka mɔ̀nyɛ̀ŋgì, je e ɛni tɛ na oma e gbeyà hweyà ema hwe gbeyà lì lòkɛ̀ la anyu lì andàmà, tɔ̀ e hwɛ ndi nanù ema irzɔ je ɛni nanù ema i rza imbami, èhwanja i rza ɛni tɔ̀ lìtiŋga o lì e kɔ̀kìrzɛ̀. I kanɛ̀ ndi nanù ema Lohwɛ̀ a e òŋgwànɛ̀ ɛ̀ɛ̀mɛ̀ ya anyu e hwɛ ndi e ya gbamù.

Ɛ̀hvìrzìyà 4:12

Krirztò à mà gbeyà ndi nanù aŋga nanù hwanu hwatò hwa rzèkeya hwatò hwa ama Lohwɛ̀, o lì gbeyà èwòlò ya ama Lohwɛ̀. A ma gbeyà ndi nanù, aŋga nanù hwatò ema hwa lòkɛ̀yi ema hwa gbèyi ndi na e nyo ya ama Krirztò hwe imbame.

Ɛ̀hvìrzìyà 4:3

Èlìŋgɛ̀ yà Wòtani è mà jò gbeyà ò lì hwɛ mòtò mɔ̀kɔ, ò èŋgànɛ̀lɛ̀ è keke ò lì hwɛ ò ɛ̀yɔ̀lɛ̀ mɔ̀kɔ nà ɔ̀nɛyi aŋga nanù è hwɛ ndi mòtò mɔ̀kɔ.

Ɛ̀hvìrzìyà 6:23

Inyɛ̀ ɛ̀yɔ̀lɛ̀ yà ama Lohwɛ̀ è Tatɛ̀ yà arzu nà Rzàŋgo wà arzu Yerzù Krirztò è hwɛ nà inyɔ hwàlòkèlì. Wɔ̀ hwa ò è gbèeyà ò lì lìŋgana mɔ̀kɔ nà ɔ̀nɛyi nanù mɛnɛ nà ò lì lòkɛ̀ hvɛ Krirztò nanù mɛnɛ.

Hvìlipìyà 1:27

O nàŋgɛ, ɛ̀ɛ̀mɛ̀ ya anyu e àŋgàmɛ̀nɛ̀ ndi lì hwɛ na oma Krirztò o ŋmɛ̀ndì mò gbamù mo eni a ohwi. Ène eyà e gbeyà nanù ema tɔ̀ imba na jà o lì e ɛnɛ tɔ̀ na rzi e ɛnɛ, na hwiya nanù ema inyɔ e tɛmi gbamù nàa mòtò mɔ̀kɔ, ndèŋgànɛ̀lɛ̀ e hwɛni hvɛ ndi mɔ̀ŋgɛ̀lɛ mɔ̀kɔ o lì ana lì kombɛ mamɛ ema inyɔ e lòkɛ̀.

Hvìlipìyà 3:16

Tɔ̀ e hwɛ ndi mamɛ, i hwɛni lì oŋgama hweyà ema i ma màa lì hwiya.

Hvìlipìyà 4:2

Yùdìyà na Rzìntìkɛ̀ na e atɛkɛ nanù ema e ahweyànɛlɛ, ehwànja inyɔ hwahwàkɛ e hwèlì ndi indomɛ ja arzu ema i lòkɛ̀ Rzàŋgo Yerzù.

Hvìlipìyà 4:4

È oke mɔ̀nyɛ̀ŋgì ihvonda jà arzɛ ehwànja è hwèlì ndi hwatò hwa ama è Rzàŋgo. Imba nà ohwa hvɛ nanù ema, inyɔ è oke mɔ̀nyɛ̀ŋgì.

Hvìlipìyà 4:9

Tɔ̀ ima eyà ema nà mà e okolɛ ema e ma emeyà, na tɔ̀ ima eyà ema e ma no hweyàne, na tɔ̀ ima eyà ema e ɛni imba na gbeyà, inyɛ ye e gbeye. È gbèyi tɛ nanù, Lohwɛ̀, mɔ̀ ema a ŋgbàà ɛ̀yɔ̀lɛ̀ a e ŋgba ɛ̀yɔ̀lɛ̀.

1 Tɛ̀rzàlonìyà 3:10

Ŋmerze na wuu irzɔ i kànɛ na ŋginyà nanù ema irzɔ i tànɛ o lì e jèeya hvɛ, aŋga nanù i tànɛ o lì a ɛnɛnɛ mɔ̀kɔ na ɔ̀nɛyi na o lì e oŋgowàna o lì ètìrzɛ̀ lìlòkɛ̀ la anyu.

1 Tɛ̀rzàlonìyà 4:1

Ìi wònyamòwè kòkò, jo òhwa hvɛ nanù ema, i ma e okolɛ nɛ e àŋgàmɛ̀nɛ̀yi lì lìya o lì òkìrzɛ̀ Lohwɛ̀ mɔ̀nyɛ̀ŋgi. Ndeŋgànɛ̀lɛ̀ o jɔ̀kɛ̀ nanù ndi hwèlìyelì hwe anyu hwe hwèlì o nàŋgɛ. O nàŋgɛ nanù, je e akowana, na lì e ohweyà o lìna la ama Rzàŋgo Yerzù nanù ema, e hwɛ ndi o lì lìyàna ene nyayi ya ɛ̀ɛ̀mɛ̀.

1 Tɛ̀rzàlonìyà 4:18

O eŋgànɛ̀lɛ rzɔ̀, e gbeyàne hwene hwèyòkòlèlì o lì kɔ̀mɛlɛ mɔ̀kɔ na ɔ̀nɛyi.

1 Tɛ̀rzàlonìyà 5:13

È hwa wòŋgohwàne na èluhwe ndɛnɛ ndèŋgànɛ̀lɛ̀ e hwa uŋmɛ̀lɛ̀ e ndìŋgɛ o nyòla èwòlò ema hwa e gbèeyà. È lìya na ɛ̀yɔ̀lɛ̀ mɔ̀kɔ na ɔ̀nɛyi.

1 Tɛ̀rzàlonìyà 5:16

È lìŋge ihvonda ja arzɛ,

1 Tɛ̀rzàlonìyà 5:23

Inyɛ̀ Lohwɛ̀ mɔ̀ ŋmìti ema a jo ŋgba ɛ̀yɔ̀lɛ̀ inyɛ a gbeeye inyɔ e hwɛ wòtani o hweyà hwe arzɛ. Inyɛ̀ e tɛ̀yirzɛ èlìŋgɛ̀ na inyɔ hwa arzɛ gbamù, ndèŋgànɛ̀lɛ̀ e rzi hwɛnɛ tɔ̀ lìtɔ̀tì tɔ̀ lɔ̀kɔ la màatò ma wòhwe o nyo ya anyu natɛ̀ɛ na e hvonda ema e Rzàŋgo ya arzu Yerzù Krirztò a o jɛ̀ɛ̀.

2 Tɛ̀rzàlonìyà 2:16

Inyɛ̀ Rzàŋgo wà arzu, Yerzù Krirztò mɔ̀ ŋmìti nà Lohwɛ̀, Tatɛ̀ wà arzu, mɔ̀ ema à mà jò lìŋgàna ndèŋgànɛ̀lɛ̀ ò è ndèli yà eni, à jò ètìrzɛ̀ mèèmà mè arzu nà gbèti ema wò rza kuwa, ndèŋgànɛlɛ à jò ŋgbe lìhvìtà ò hweyà hwe gbamù.

2 Tɛ̀rzàlonìyà 3:1

Ìi wònyàmòwe o lì hvomɛ̀nɛ̀ hwehvɛhvɛ hweyà, imba na e ohweyà nanù ema e hwɛ ndi o lì jo kànɛlɛlɛ nanù mɛnɛ ema, ŋmɛ̀ndì mò gbamù mò ama Rzàŋgo mò hwɛ ndi o lì nyàleya hwahvɛhvɛ hwatò, ndèŋgànɛ̀lɛ̀ inyɛ hwatò hwa mo emeyà na èluhwe nyayi hvɔ̀kɔ na oma mo ma hwɛ na inyɔ.

2 Tɛ̀rzàlonìyà 3:16

Inyɛ̀ Rzàŋgo Yerzù mɔ̀ ŋmìti ema a jo ŋgbàà ɛ̀yɔ̀lɛ̀, a e ŋgbe ɛ̀yɔ̀lɛ̀ o ihvonda ja arzɛ na o injiya ja arzɛ. Ndèŋgànɛlɛ irzɔ i kànɛ nanù ema inyɛ mɔ̀ à hwɛ na inyɔ hwa arzɛ.

2 Tìmotì 2:22

Ìi Tìmòtì, o rzi gbeyà hweyà hwe wòhwe ema imberza i gbeyà, ndi o keke ndi lì gbeyà mamɛ ema e hvomɛ̀nɛ̀, o inyàmɛnɛ lìlòkɛ̀ Krirztò o keke lì lìŋgàna hwahvɛhvɛ hwatò, o hwɛ hvɛ ndi o ɛ̀yɔ̀lɛ̀ na tɔ̀ ima mòtò. O nɔ̀ŋge hwene hweyà na hwahvɛhvɛ hwatò ema hwa kanɛ̀lɛ̀lɛ̀ Lohwɛ̀ na ŋmèma mɔ̀kɔ.

Hibrù 12:14

È keke e hwɛnɛ ɛ̀yɔ̀lɛ̀ na hwatò hwa arzɛ na lì lìya lòŋgɛ la wòtani, èhwanja hwaŋga ema hwa rza nɔ̀ŋgɔ lòŋgɛ la wòtani hwa rza o ɛnɛ e Rzàŋgo.

Hibrù 13:20

O eŋgànɛ̀lɛ̀ rzɔ, Lohwɛ̀ ndi à ŋgba hwatò ɛ̀yɔ̀lɛ̀, ndeŋgànɛ̀lɛ̀ mɔ̀ ndi à hvùmùlɛ̀ Yerzù, e Rzàŋgo ya arzu. Yerzù mɔ̀ à hwèlì e Mɔ̀ŋgèlì ema e imbami wa Mɛ̀lɛ̀ŋgù ema hwà mà gbeyànɛ màyija ma eni o lì gbeyà lì emeyà la mòlìkɛ̀ o ìtììtènì ja ama Lohwɛ̀ na mɛ̀ɛlɛ̀ŋgù me eni.

Jèmìrzì 1:4

Inyɛ̀ mèèmà me anyu me e ete natɛ̀ɛ na o lìrzùkù, aŋga nanù ɛ̀ɛ̀mɛ̀ ya anyu e hwɛ gbamù ndèŋgànɛ̀lɛ̀ e onda, aŋga nanù e rza hwɛnɛ tɔ̀ ɛ̀ɛ̀mɛ̀ ya wòhwe o mòŋgɛ ma anyu.

1 Pètrò 3:11

Inyɛ̀ mɔ̀ à hwɛmɛ o lì gbeyà wòhwe a à gbeyà ndi hweyà hwe gbaamù. A àŋgàmɛ̀nɛ̀yi lì keka lì hwɛ o ɛ̀yɔ̀lɛ̀ na hwatò hwa arzɛ.

1 Pètrò 3:8

O lì umba ene mbɔrzi, inyɔ hwa arzɛ e hwɛni ndi lì hwɛ mòtò mɔ̀kɔ. Ya àwòhvànɛ mèèmà me ììlì. Ya alìŋgànɛ mɔ̀kɔ na ɔ̀nɛyi. È àyènjànɛ̀ na lì arzihwirzɛ.

1 Pètrò 5:10

È takà ndi meŋge mètàkà me rza inda. O mburza nanù, Lohwɛ̀ ema a ŋgba e ndèli ya arzɛ, mɔ̀ ŋmìti a e ŋgba tɔ̀ mamɛ ema e wɔ̀lɛnɛ. A gbeye ema a e ètìrzɛ̀ na lì e tɛmirzɛ gbamù. A hwèlì ndi Lohwɛ̀ ema e ndèli ya eni e lòŋgamɛnɛ tɔ̀ ima mòtò ndèŋgànɛ̀lɛ̀ eŋge ndèli e hwèlì o ihvonda ja arzɛ. Mɔ̀ ndi à e hvɔ̀rzì o lì luwa èluhwe ya eni ema e rza kuwa. Ndeŋgànɛ̀lɛ̀ ye e luwa ehwànja e hwèlì na Krirztò.

Hwèwulùwèlì 22:21

Inyɛ̀ è ndèli yà ama è Rzàŋgo Yerzù è hwɛ nà hwatò hwa arzɛ.