2 Kɔ̀rintìyà 12:9 - Mokpwe: Bakwery (New Testament)

⁹ Ndi mamɛ ema à mà no òhweyà e hwèlì ndi nanù ema, “È ndèli ya ami ema no ò ŋgbelì e o loŋgamɛnɛyi. Nà ma o ètìrzɛ̀ aŋga nanù o hwɛ o ŋmanyu ya mètàkà me arzɛ ema o lu. Èhwanja e hvonda ema e ŋginyà e rza enje o mòtò, eŋge hvonda ndi e ŋginyà ya ami e mo ètìrzɛ̀.” O nàŋgɛ nanù na oka mɔ̀nyɛ̀ŋgì o lì kumba lìya la ami o kòkò ò hweyà ema hwe uŋmɛ̀lɛ̀ nanù ema na ohvi ndi nyo ya mòtò wa hwènàmà, aŋga nanù hwatò hwa ɛnɛ nanù ema e ŋginyà ya ama Krirztò e hwèlì o tenì ya ami ndèŋgànɛlɛ yɔ ndi e no ètìrzɛ̀.

2 Kɔ̀rintìyà 12:9 Mawu Ofanana

Matiyò 28:18

Yerzù rzìi a tòmbeya lì hwa kòmbɛnɛ rzìi a hwa òhweyà nanù ema, “Nà ŋgbààhwi wònja ò lìkànèyà la ŋmanyu na e rze.

Matiyò 28:20

È hwa òkòlɛ̀ hvɛ ò lì nɔ̀ŋgɔ hweyà hwe arzɛ ema na e kànèlì ò lì gbeyà. È hwiye nanù ema na hwɛ na inyɔ natɛ̀ɛ na ò lìrzùkù la rze.”

Lukàrzɛ̀ 21:15

Nà è ŋgbà mamɛ ema ya òhwa, na mahwiye ò lì hwe òhwa, ema tɔ̀ hwakɔ̀èlì hwa anyu hwa rza ò tànɛyi lì è ɛkɛ̀, nà lì rzɔ̀rzɔ mamɛ ema e ò hwɛ̀ɛ.

1 Kɔ̀rintìyà 10:13

Tɔ̀ ima lìkèkìrzɛ ema ò lu lì hwèlì ndi maŋga ema mà nyàmɛ̀hwɛlɛ nà hwatò. Ndi Lohwɛ̀ à ika lìkàkɛ̀nɛ là eni nyàyi ema ò rza hwɛnì lì kèkìrzɛhwɛ lì akà mamɛ e ŋginyà yà àŋgɔ è rzà tanɛ̀yi lì hwanɛ̀. Ò èŋge hvonda yà lìŋgi lìkèkìrzɛ̀ à ò ŋgba ŋginyà ò lì ajùlɛ̀nɛ̀ lìŋgi lìkèkìrzɛ̀ nanù rzìi à ò lùhweyà hvèyò yà lì li àrzòlòhwɛ̀.

1 Kɔ̀rintìyà 15:10

Ndi o ììlì jà amà Lohwɛ̀, imba na hwèlì ndi ema na hwèlì, rzìi ììlì ja eni ema a no ŋgbelì i rza enyi ŋgundu. Ndi imba na gbèyi èwòlò lì aka inɛyi àpɔ̀rzìtòlò jarzɛ wɔ̀ tɔ̀ nɛ rzeketɛ o e ŋginyà ya ami ndi nà mà gbeyàne ene èwòlò ndi o ììlì jà mà Lohwà ema i hwèlì na imba.

1 Kɔ̀rintìyà 2:3

Nà mà hwɛ̀ nà inyɔ ò e mbowà ya anyu ndɛɛ̀ndɛ nà rzi tanɛ o lì gbeyà ene èwòlò, èhwanja ŋmèmà mà ami mo ma tumeya na wɔ̀ŋgɔ̀.

1 Kɔ̀rintìyà 2:5

Nà rzi arze ema e lòkɛ̀ Ŋmɛ̀ndì mò Gbamù èhwanja mòtò mɔ̀kɔ a mà gbeyàna lìhwiyè la eni la mòtò wà hwènàmà o lì e ohweyà e mɔ̀. Ndi nà mà arza ema e lòkɛ̀ mòŋgo Ŋmɛ̀ndì mò Gbamù na oma Lohwà Mɔ̀ ŋmìti a gbeyànì e ŋginyà ya eni o lì e gbeyà ema e lòkɛ̀ Ŋmɛ̀ndì mò Gbamù.

2 Kɔ̀rintìyà 11:30

Nà hwɛnì tɛ lì kùmba lìya la ami o kòkò, hweyà ema hwe gbeyà na kùmbana lìya la ami o kòkò hwe hwèlì ndi hweyà ema hwe gbèeyà hwatò hwa no ɛnɛ ndi nàa mòtò ema a hwèlì rziŋga.

2 Kɔ̀rintìyà 12:1

Nà hwɛ ndi o lì kumba lìya la ami o kòkò nanù mɛnɛ. Tɔ̀ nɛ eŋge e rza oŋgòwànà. Nà hwɛni ndi lì ɛndɛ o worzo ò lì ohwà jɛ̀nɛ̀nì nà mà ɛnɛ, na hweyà ema Rzàŋgo à ma no uŋmɛ̀lɛ̀.

2 Kɔ̀rintìyà 12:10

O èŋgànɛ̀lɛ̀ rzɔ, o nyòla ya ama Krirztò, na oka mɔ̀nyɛ̀ŋgì tɔ̀ e hwɛ ndi nanù ema na rza imbami, tɔ̀ e hvonda ema hwatò hwa no hwɛnyɛ, tɔ̀ e hvonda ema hweyà hwe no ambani, tɔ̀ e hvonda ema hwatò hwa no tàkirzɛ, na tɔ̀ o e hvonda hvɛ ema na hwèlì o ndùtù. Nà ohwa ndi ene eyà nanù èhwanja, tɔ̀ ima hvonda ema na rza ohvɛ ŋginyà, Krirztò a no ŋgba e ŋginyà.

2 Kɔ̀rintìyà 12:15

Nà o òka mɔ̀nyɛ̀ŋgì o lì gbeyàna tɔ̀ ima yoma ema na ohvi tɔ̀ e nyo ya ami o lì e oŋgòwànà. Nà e lìŋgàni tɛ rzayi-rzayi, rzeke inyɔ hvɛ e hwɛni o lì no lìŋgàna rzayi-rzayi.

2 Kɔ̀rintìyà 12:5

Èŋge nyayi mòtò ɔ̀ndi imba na kumbeya lìya o kòkò, rzeketɛ o imba mbiti. Hweya ema hwe no gbeyà ema na kùmbe lìya la ami o kòkò, hwe hwèlì ndi hweyà ema hwe uŋmɛ̀lɛ̀ nanù ema na hwèlì ndi mòtò wa hwènàmà.

Ɛ̀hvìrzìyà 3:16

Nà oma à è utelì mònàmɛ̀ mò hvèyi nà kànɛ̀ nanù ema èlìŋgɛ̀ yà eni yè è ŋgbè ŋginyà aŋga nanù mèèmà mè anyu mè eta ò kòkò.

Hvìlipìyà 4:13

Nà tànɛyi lì gbeyà hweyà hwe arzɛ ema hwe no jɛlɛlɛyi o lì akeyà na e ŋginyà ema Krirztò a no ŋgbelì.

Kòlòrzìyà 1:11

Ì kanɛ̀ hvɛ nanù mɛnɛ ema Lohwɛ̀ à è embɛ nà è ŋginyà yà eni ndɛnɛ, aŋga nanù è tànɛ ò lì ajùlɛ̀, è kakè mèèmà mè anyu, ò lì okànà hweyà hwe arzɛ mɔ̀nyɛ̀ŋgì.

1 Tìmotì 1:14

Rzàŋgo ya arzu a ma no ŋgba e ndèli ya eni ema e rza ohvɛɛ lìmɛni. A no gbèyi hvɛ nanù ema na mo lòkɛ̀ na o lì lìŋgana hwahvɛhvɛ hwatò èhwanja i hwèlì mɔ̀kɔ na Yerzù Krirztò.

Hibrù 11:34

Hwà mà lìmìrzɛ̀ meyonda. Hwà mà anjiya hvɛ o màà mà hwaŋga ema hwà mà arza lì hwa oŋwa na irzɔ̀lɔ̀. Tɔ̀ nɛ o hwewotelì hwa rzi hwɛnɛ ŋginyà, Lohwɛ̀ à mà hwa ŋgba e ŋginyà. Hwà mà hwɛ ndi hwàanèlì hwa njuma hwa ŋginyà ema hwà mà anana hwahvɛhvɛ hwàanèlì hwa njuma hwa hwehvɛhvɛ hwèkòmè ema hwe ma hwàŋga.

Hibrù 4:16

Ò eŋgànɛ̀lɛ̀ rzɔ̀, inyɛ ì hwɛnɛ lìhvìtà, inyɛ je ɛndɛ o e konda ya lìkànèyà la ama Lohwɛ̀, ema e ŋgbàà e ndelì. Inyɛ̀ je ɛndɛ aŋga e rzi hwɛ tɔ̀ wɔ̀ŋgɔ̀. Inyɛ̀ i gbeye nanù aŋga nanù Lohwɛ̀ a jo uŋmɛ̀lɛ̀ ììlì, rzìi a jo ŋgbà e ndèli ya eni ema e jo oŋgowàna tɔ̀ ima hvonda ema ja arza lì oŋgowanɛ.