2 Kɔ̀rintìyà 12:6 - Mokpwe: Bakwery (New Testament)

⁶ Nà hwɛnì tɛ lì ohva kumba, na rza o ɛnɛhwɛ ndi nàa èèti ya mòtò èhwanja na hwɛ ndi o lì ohwa e jɔ̀kɛ̀. Nà rza o kumba lìya la ami o kòkò ò iŋgi nyayi ja hweyà, aŋga nanù e rzi no ŋgba elùhwe o iŋgi nyayi ja hweyà, ndi na lìŋgàna nanù ema e no wowe nàa njɛnɛ ema na hwèlì o lì hvomɛ̀nɛ̀ hweyà ema na gbeyà na e hweyɔ ema na e okolɛ̀.

2 Kɔ̀rintìyà 12:6 Mawu Ofanana

Ròmànì 9:1

Nà òhwa ndi e jɔ̀kɛ̀ nàa e mòtò ema a lòkɛ̀ Krirztò, na rza kɔwu hweyà. Ŋmèma mò ami ema èlìŋgɛ̀ yà wòtani e kànèyà mò nò òhweyà nanù ema na rza kɔwu hweyà.

1 Kɔ̀rintìyà 3:5

Nàŋgɛ rzɔ, njɛnɛ a hwèlì Apòlòrzì e? Njɛnɛ a hwèlì Pàwolò e? Irzɔ i hwèlì ndi hwàgbèèlì hwa ama Lohwɛ̀ ema i ma e òŋgòwàna o lì lòkɛ̀ Krirztò. Tɔ̀ ima mɔ̀ wa arzu à mà gbeyà ndi èwòlò ema Rzàŋgo à mà jo ŋgbe.

2 Kɔ̀rintìyà 1:18

O worzò wo ama Lohwɛ̀ ema a gbeyà mamɛ ema a ohwi à mà a gbeyà, jo òhwi tɛ ema i gbeyà eyà, je e gbeyà.

2 Kɔ̀rintìyà 11:16

Nà oma nà mà lome lì e ohweyà, e rzi no wowa nanù ema na hwèlì ndi èetì ya mòtò. Ndi e ɔ̀ŋgɛ̀lɛ̀yi tɛ nanù ema nà hwèlì ndi èetì, e gbeye mamɛ na e ohweyà kɔ̀yi-kɔ̀yi aŋga nanù i imbahvɛ na kùmba e kòkò teŋyi.

2 Kɔ̀rintìyà 11:31

Lohwɛ̀, e Tatɛ̀ ya ama Rzàŋgo Yerzù Krirztò a hwi nanù ema na rza kɔ hweyà. Jèka i hwɛ na mɔ̀ o gbìndèyà nà ò gbìndèyà.

2 Kɔ̀rintìyà 12:11

Nà ohwa ndi nàa èèti ya mòtò ndi inyɔ ndi e gbèyi ɔ̀ndeŋgàtɛ̀ na ohwa nanù. Oma inyɔ e ohwa ndi hweyà hwe gbamù o lì no hvomɛ̀nɛ̀. Tɔ̀ e hwɛ ndi nanù ema na rza enje tɔ̀ yoma, ndi hwatò ema inyɔ e hwɛlɛ i àpɔ̀rzìtòlò ndɛnɛ, i rza no akani tɔ̀ eyà.

2 Kɔ̀rintìyà 12:7

O lì arza nanù ema na rza a uŋmɛ̀lɛ̀ imba mbiti o hweyà hwe mànyakà hwɛ̀ndɛnɛ ema Lohwɛ̀ a no uŋmɛ̀lɛ̀ na o lì gbeyà ema na hweye. A gbeyà nanù ema na hwɛni nyàmbɛ o nyo ya ami ema e no ŋgba mòrziyò mondɛnɛ. Ène nyàmbɛ e ma hwɛ ndi nàa meerzenja ema Mòkarzɛ̀ à mà ome o lì no tàkìrzɛ̀ aŋga nanù na rza ohva kumba.

2 Kɔ̀rintìyà 5:13

Lòŋgo la hwatò hwa ohwa ndi nanù ema jo òhwa ndi nàa hwatò ema hwa kpanyi. Ène eyà e hwèlì tɛ e jɔ̀kɛ̀, nanù oma Lohwɛ̀ mɔ̀ ndi irzɔ i kànɛ. Jo òhwa tɛ hweyà nàa hwatò ema hwa rza kpanyɛ nanù oma jo òhwa ndi o lì e oŋgòwànà.

2 Kɔ̀rintìyà 7:14

Nà ma hwɛnɛ kumba o lì ohweyà Tàyìtùrzì nanù ema, inyɔ e hwèlì ndi hwatò hwa gbamù. È rzi no òkirzɛ ìrzɔnì èhwanja e ma awuŋmɛ̀lɛ̀ nanù ema hweyà ema nà mà mo òhweyà hwe ma hwɛ ndi e jɔ̀kɛ̀, ŋgàna hvɔ̀kɔ hvɛ na hweyà hwe arzɛ hvɛ ema irzɔ i ma e ohweyà, hwe hwèlì ndi e jɔ̀kɛ̀.