2 Kɔ̀rintìyà 12:20 - Mokpwe: Bakwery (New Testament)

²⁰ Nà oka wɔ̀ŋgɔ̀ nanù ema na jelì tɛ o lì e ɛnɛ na e ùŋmanɛlɛ e gbeyà hweyà ema na rza lìŋganɛyi, ndèŋgànɛlɛ imba hvɛ na gbeyà hweyà ema inyɔ hvɛ e rza lìŋgànɛyi. Nà oka wɔ̀ŋgɔ̀ nanù ema na jelì tɛ na e ùŋmanɛlɛ o motaŋgo, e anònànɛ̀yì mɔ̀kɔ na ɔ̀nɛyi, e ahwɛ̀nɛ̀nɛ̀yi hwètàtò, e rza o arza nanù ema ohvɛhvɛ mòtò a hwɛnɛ èluhwe, e àhwɛ̀nyɛ̀nɛ̀yì, e a o àyìndànɛ̀, e o òhva kumba ndèŋgàna e o gbeyà ndi hweyà hwe mbùnakɛ̀.

2 Kɔ̀rintìyà 12:20 Mawu Ofanana

Ròmànì 1:29

Wɔ̀ hwa òndanɛ nà inyàyi jà arzɛ jà wòhwe ò mèèmà mè awu. Hwa hwèlì ekɔ̀nì, hwa hwèlì wɔ̀ɔ̀, hwa uŋmɛ̀lɛ̀ ŋmèma mò wòhwe, hwa àwòndànɛ̀ ìnòna, hwa òŋwa hwatò, hwa lìŋgàni mòhvùŋgu, hwa lìŋgàni jɔ̀ɔ̀nji, hwa òndi mèhvìlì, hwa lìŋgàni lì inda hwatò.

Ròmànì 1:30

Hwa lìŋgàni lì òhwa ò lì hvàŋga mìinà mà hwatò, hwa kɔ̀wu Lohwɛ̀, hwa hwɛ̀nyɛ̀nɛ̀, hwa rza ŋgbɛ̀ɛ̀nɛ̀ èluhwe, hwa àyèkìrzɛ̀, wɔ̀ hwa lìŋgàni ndi ò lì tɛ̀yìrzɛ̀ nɛ̀ hwa gbeyà wòhwe, ndèŋgàna hwa rza hweyàna irzàŋgo nà inyàŋgò ja awu.

Ròmànì 2:8

Hwahvɛhvɛ hwatò hwa hwèlì ikuka ndèŋgànɛ̀lɛ̀ hwa rza gbeyà hweyà hwe jɔ̀kɛ̀, wɔ hwa gbeyà ndi hweyà hwe wòhwe. Inì nyayi ja hwatò Lohwɛ̀ a ò hwa uŋmɛ̀lɛ̀ hwètàtò hwe eni ò lì hwa kɔ̀kìrzɛ̀.

1 Kɔ̀rintìyà 1:11

Wònyamòwè kòkò, nà è ohweyà ene eyà nanù, èhwànja lòŋgo là hwatò hwà èhvèhva ema hwa hwèlì ò lìtumba là ama Klɔ̀rzì hwà mà nò òhweyà ema inyɔ hwiti yà à tɔ̀wɔ̀nɛ̀.

1 Kɔ̀rintìyà 14:33

Èhwanja Lohwɛ̀ a rza enje Lohwà la lùwànje, a hwèlì ndi Lohwà la ɛ̀yɔ̀lɛ̀. Nànù ndi e hwɛnì lì hwɛ o hwèlìyelì hwe hwatò hwa ama Lohwà.

1 Kɔ̀rintìyà 5:2

Nɛ inyɔ e àŋgàmɛ̀nɛ̀ lì ohva kumba, ema ene eyà e àŋgàmɛ̀nɛ̀ lì e gbeyà ema e hwɛ̀ɛ rzɔ̀lùu, e àŋgàmɛ̀nɛ̀ lì ulɛ òŋgo mòtò o ŋmèmba mo anyu.

2 Kɔ̀rintìyà 1:23

Lohwɛ̀ ndi à hwèlì e mboŋgi ya ami, e uŋmɛ̀lɛ̀ ema màmɛ ya arzɛ ema na ohwa e hwèlì ndi e jɔ̀kɛ̀. Lìtìŋga ndèŋgàtɛ̀ na rzi timbe hvɛ o Kɔ̀rintò, lì hwèlì ndi ema, na rzi arze ema e hweye wòhwe.

2 Kɔ̀rintìyà 10:2

Nà e rzorzomelì ema e rzi gbeyà na oma hwaŋga hwatò hwa gbeyà aŋga nanù na e jɛlɛlɛ tɛ, na e ohwirzɛnɛ e rzi hwɛ tɔ̀ wɔ̀ŋgɔ̀ tɔ̀ wɔ̀kɔ. Hwatò ema na o òhwirzɛnɛ, wɔ̀ ndi hwa hwèlì hwaŋga hwatò ema hwa ohwa nanù ema irzɔ i gbeyà ndi èwòlò nàa hwatò hwa ene rze hwa e gbeyà.

2 Kɔ̀rintìyà 10:6

È hvonda ema e o gbeyɛ na oma Krirztò a arza nanù ema e gbeye na mèèmà me anyu me arzɛ, o eŋge hvonda ɔ̀ndi irzɔ jo ò rzekeya o lì kɔ̀kìrzɛ̀ tɔ̀ ima mòtò ema awuŋmɛ̀lɛ̀ nanù ema mɔ̀ à rza o gbeyà na oma Krirztò a arza nanù ema a gbeye.

2 Kɔ̀rintìyà 12:21

Nà oka wɔ̀ŋgɔ̀ hvɛ nanù ema na e jɛlɛlɛ hvɛ tɛ, Lohwɛ̀ a o no enyìrzɛ̀ o worzo hwa anyu. Ndèŋgànɛ̀lɛ̀ na o hwɛ rzɔ̀lùu èhwanja rzayì-rzayì ja hwatò ò ìtììtènì ja anyu hwa lìmelì ndi o lì gbeyà hweyà hwe wòhwe ema hwà mà hwɛ lì gbeyà o mòlòmɛ̀ e rzi hwɛ lì atìkòwɛ̀ o lì gbeyà mamɛ ema Lohwɛ̀ a arza. Hwa gbeyà hweyà hwe mbindo, hwa gbeyà hweyà hwe mòrzònje na lì gbeyà hweyà hwe mbindo ema hwe hwa jànà ìrzɔnì.

2 Kɔ̀rintìyà 13:2

È hvonda ema nà mà e jèeya o ŋgèlì ema e ùkirzɛ̀ ihwakɛ, nà mà e ohweyà nanù ema na o kɔ̀kìrzɛ̀ hwatò ema hwa gbeyà wòhwe o ìtììtènì ja anyu. Nà hwèlì na hwa ohweyà hvɛ nàŋgɛ, ndèŋgànɛlɛ na ohweyà hvɛ hwahvɛhvɛ hwatò ema wɔ̀ hvɛ hwa gbeyà wòhwe tɔ̀ nàŋgɛ ema na rza enje na inyɔ. È hvonda ema na o jɛ̀ɛ̀ hvɛ na rza o òkeya tɔ̀ mòtò tɔ̀ ììlì.

2 Kɔ̀rintìyà 2:1

O èŋgànɛ̀lɛ̀ ene ŋgàna e gbèyi na lutelì imba mbiti ema na rza e timbeya hvɛ, o lì e jàneyà èhvɛhvɛ ndùtù o mèèmà.

Gàletìyà 5:15

Ndi e rza ahweyànɛlɛ tɛ rzi e anana mɔ̀kɔ na ɔ̀nɛyi o a ɛnɛ oma e hwèlì ndi nyàmà ja wàŋga e aŋgowe. È rza aŋgo tɛ nanù oma e hwɛni lì àwòŋwànɛ̀yì mɔ̀kɔ na ɔ̀nɛyi.

Gàletìyà 5:26

I rza hwɛni lì a ekirzɛ, i rza hwɛni lì ahvikowanɛ, tɔ̀ lì a ahwɛnɛnɛ inona.

Jèmìrzì 4:11

Ìi wònyànyàŋgo wa ami kòkò, e rzà àwòhwànɛlɛ hweyà hwe wòhwe mɔ̀kɔ na ɔ̀nɛ̀yi, tɔ̀ njɛnɛ ema a ohwi eyà ya wòhwe o lì teŋgɛ̀nɛ̀ ŋmanyàŋgò wa eni, tɔ̀ lì mo kàyìrzɛ̀, nanù oma a ohwa ndi hweyà hwe wòhwe lì teŋgɛ̀nɛ̀ e mbendà ya ama Lohwɛ̀ ndèŋgànɛlɛ mɔ̀ à ohwi nanù ema e mbenda e rza lɔ̀wu. O òhwi tɛ nanù ema e mbendà ya ama Lohwɛ̀ e rza lɔ̀wu, eŋge ŋgànà e hwèlì ndi nanù ema e gbeyà hweyà ema e mbendà ya ama Lohwɛ̀ e ohwi nanù ema e rza gbeyà. Nànù oma o ma awòwɛ̀ o wà witi o lì hwɛ e mòkàyìrzèlì.

1 Pètrò 2:1

O eŋgànɛ̀lɛ̀ rzɔ, e hwɛmɛ hwɛ̀ɛ̀mɛ̀ hwe anyu hwe wòhwe hwe arzɛ. È rza kɔ hweyà, e rza ohva mèhvìlì, mòtò a rzi nòneyà ŋmanyàŋgò wa eni, ndèŋgànɛ̀lɛ̀ inyɛ e mbɔrzi ya wòhwe e rzi wurza mòtò o hwàna.

2 Pètrò 2:18

Wɔ̀ hwa gbeyà jòòhwì jà kumba na èèti. Wɔ̀ hwa gbeyàna hweyàrzèlì hwe è nyàma nyo yà è mòtò wà hwènàmà ò lì lùkɛ̀lɛ̀ hwatò. Hwàto ema wɔ̀ hwa ɔ̀njɔ̀ɔ̀, hwa hwèlì ndi hwatò ema hwa mà wòteyà lì ulɛ̀ màtàŋga mà awu ò hwèlìyelì hwe hwatò hwa wòhwe.

Judɛ 1:16

Hwanù hwatò hwa lìyelì ndi ò lì arzàrzòwɛ ndeŋgànɛlɛ hwa hwɛlɛ hwahvɛhvɛ hwatò. Hwa oŋgama è nyɔ̀ŋgì yà awu yà wòhwe, hwa à èkìrzɛ̀, nà lì ohwàna jɛ̀ɛ̀mɛ̀ ema ì tɛ̀ɛ̀ aŋga nanù hwa luwànà hwatò hwèèmà.