2 Kɔ̀rintìyà 12:2 - Mokpwe: Bakwery (New Testament)

² Nà hwi eyà ema e ma gbeeyɛnɛ mòtò wa Krirztò mɔ̀kɔ lìyomɛ la meya na menì me ma aka. Lohwɛ̀ à mà mo hvùma a mo ɛ̀ndɛ̀nɛ̀ o ŋmanyu yà lohwà lì karzami, na rza hwi ŋga à mà ɛ̀ndɛ ndi o èlìŋgɛ̀ ŋga o nyàmà ya nyo, Lohwɛ̀ mɛnɛ ndi à hwi mamɛ e ma gbèyɛ̀nɛ.

2 Kɔ̀rintìyà 12:2 Mawu Ofanana

Lukàrzɛ̀ 24:51

Nà òmà a mà hwɛ lì hwa nàmìrzɛ̀, rzìi hwa lìiya aŋga, à kòhwà ò ŋmanyu yà Lohwà.

Yòwanìrzɛ̀ 6:56

Tɔ njɛnɛ ema a lelì e nyàmà nyò ya ami rzìi a nyɔ hvɛ màyija ma ami à hwèlì ndi na imba ndèŋgànɛlɛ imba hvɛ na hwèlì ndi na mɔ̀.

Hwègbèèlì 14:6

Ndi e hvònda ema Pàwolò hwà mà ayembɛ nanù, hwà mà hwaŋga rzìi hwa ɛ̀ndɛ ò erzòòkà ya Lìkònìyà rzìi hwa kpèeyà ò imbowà ndɛ̀nɛ ja Lìrzìtìrà na Dɛ̀bì na ò hweŋge hweki ema hwe ma hwɛ ò tòŋgòŋgò.

Hwègbèèlì 22:17

“Nà ma timba ò Jèrurzalɛ̀mù. È hvònda ema nà mà hwɛ lì kànɛ, ò ndawò yà Lohwà, nà mà ɛnɛ jɛ̀nɛ̀ni.

Ròmànì 16:10

È kɔmè Apɛ̀lɛ̀rzì, ema hwɛ̀ɛ̀mɛ̀ wa eni hwe gbamù hwe uŋmɛ̀lɛ̀ nanù ema a emànɛ̀lɛ̀hwɛ̀yì na Krirztò. È kɔmè hvɛ lìtumba la ama Arìrztòbulùrzì.

Ròmànì 16:3

Inyɔ e nò kɔmèya Prìrzìlà na mòjòmɛ̀ wa eni Akwìlà, ema irzɔ na wɔ̀ i gbeyà èwòlò ya ama Yerzù Krirztò.

Ròmànì 16:7

È kɔmè hvɛ Andrɔ̀nìkùrzì na Jùnìyà wònyànyàŋgò hwa ami hwa wònyà Yudà, ema i ma aŋgɛhwɛnɛ ò hwèwòwà. Hwa hwiyahwi kɔ̀yi-kɔ̀yi ò ìtììtènì ja àpɔ̀rzìtòlò. Ndeŋgànɛ̀lɛ̀ wɔ̀ hwà mà lòma lì hwɛ hwàlòkèlì hwa ama Krirztò ndèŋgàna imba na e lòkɛ̀.

Ròmànì 16:9

È kɔmè Ubànùrzì, ema mɔ̀ hvɛ a hwèlì ndi mɔ̀kɔ wa arzu ema i gbèeyɛnɛ èwòlò ya ama Krirztò. È kɔmè hvɛ e mbunda ya ami ya ndìŋgɛ ya màlìŋgò Rztàkìrzì.

Ròmànì 8:1

O nàŋgɛ, Lohwɛ̀ a rza tùulɛ̀ mòtò ema a hwèlì na Yerzù Krirztò ŋmàŋgò.

1 Kɔ̀rintìyà 1:30

Lohwɛ̀ ndi à è jani ò lì hwɛ mòtò mɔ̀kɔ nà Yerzù Krirztò. Hweyà ema Yerzù Krirztò à mà gbèye hwe jò gbèyi ò lì hwiya nanù ema mɔ̀ ndi à hwèlì lìhwiyè là ama Lohwɛ̀. Ène ŋgàna è uŋmɛ̀lɛ̀ nanù ema Yerzù Krirztò ndi à jò gbèyi ò lì gbeyà hweyà hwe jɔ̀kɛ̀, ò lì hwɛ hwatò ema hwa hwèlì wòtani, nà lì ulɛ̀hwɛ̀ ò wòhwe.

2 Kɔ̀rintìyà 11:11

È ɔ̀ŋgɛ̀lɛ̀yi ema na ohwa ndi nanù èhwanja na rza e lìŋgàni e? Lohwɛ̀ a hwi ema na e lìŋgàni.

2 Kɔ̀rintìyà 13:5

Inyɛ̀ tɔ̀ ima mɔ̀ wa anyu a àyijànè lòŋgɛ la eni kɔ̀yi-kɔ̀yi o lì hwiya ŋga a lìya ndi nàa hwatò ema hwa lòkɛ̀yì. Imba na hwi nanù ema e hwi nanù ema tɔ̀ ima mɔ̀ wa anyu a hwi nanù ema Yerzù Krirztò a hwèlì o tenì ya eni. È hwèlì tɛ nanù ema tɔ̀ ima mɔ̀ wa anyu a àyijànè mɔ̀ ŋmìti ɔ̀ndi e hwiya o jɔ̀kɛ̀ nanù ema e hwèlì na Krirztò.

2 Kɔ̀rintìyà 5:17

O èŋgànɛ̀lɛ̀ rzɔ, tɔ̀ njɛnɛ ema a hwèlì mɔ̀kɔ na Krirztò a hwèlì ndi ewèkèlì hvènya. Hwègbèèlì hwe eni hwe arzɛ hwe koohwa hwe ma aka, ndèŋgànɛlɛ a hwɛni ndi hwègbèèlì hwe hvènya hwe arzɛ nàŋgɛ.

2 Kɔ̀rintìyà 5:21

Lohwɛ̀ à mà hvɔ̀rzɔ̀ Yerzù o lì taka o nyòla wòhwe hwa arzu hwa arzɛ ema i ma gbeyɛ. Yerzù a rza gbèyi tɔ̀ wòhwe tɔ̀ nɛ à mà emeyà o lì ŋwa o nyòla arzu. Lohwɛ̀ à mà jo làkìrzɛ̀ wòhwe wo arzu ndèŋgànɛlɛ a ohwi à mà i rza gbeyà wòhwe hvɛ na oma mɔ̀ hvɛ a rza gbeyà wòhwe.

Gàletìyà 1:22

O eŋge hvonda ŋmèmba mò hwatò hwa mìitelì mò erzòokà ya Jùdeyà hwa rzi no hwiye hvɛ tɔ̀.

Gàletìyà 5:6

Ŋga wà endà mòtò tɔ̀ wà rzi mò endè eŋge è rza ohvi tɔ̀ eyà ò lì gbeyà nà lì hwɛ là arzu nà Krirztò. Mamɛ ema è hwèlì wòlìto è hwèlì ndi ò lì lòkɛ̀ Krirztò. Lìŋgi lì lòkɛ̀ lì àŋgàmɛ̀nɛ̀yi lì àwùlùhwɛ̀ ò è ndìŋgɛ ema jà à àwùŋmɛ̀lɛ̀nɛ̀ mɔ̀kɔ nà ɔ̀nɛyi.

Ɛ̀hvìrzìyà 4:10

È mɔ̀ ema à mà jà o e rze, mɔ̀ mɛnɛ hvɛ ndi à mà ɛndɛ o èki ema e kàrzàmi lì aka weki hwe arzɛ. A ma ɛndɛ o ŋmanyu, aŋga nanù hweyà hwe arzɛ hwe ondìrzɛ̀hwɛ.

1 Tɛ̀rzàlonìyà 4:17

O mburza nanù, irzɔ ema i hwèlì lòŋgɛ o rze yà mɔ̀nyɛ̀, jo ò hwa làta, ndèŋgànɛ̀lɛ̀ jo ò agba o ŋmanyu o tenì ya lìmbàki o lì uŋmànɛlɛ Krirztò o yulùlì. Ndèŋgànɛ̀lɛ̀ nanù ndi jo ò hwɛ na Rzàŋgo natɛ̀ɛ nà ò gbìndèyà.

Hibrù 4:14

Ò èŋgànɛ̀lɛ̀ rzɔ nà oma ì hwɛnì è Pìlìrzì è Kàrzàmi Ndɛnɛ, Yerzù è Ŋmanà wà ama Lohwɛ̀, ema à mà lòmɛ lì ɛndɛ ò ŋmanyu yà lohwà ò worzo wò ama Lohwɛ̀, inyɛ ì lɛ̀mbɛ lìlòkɛ̀ là arzu kɔ̀yi-kɔ̀yi.

Hibrù 9:24

Krirztò mɔ̀ à rzi kpèeyà Èki ya Wòtani ema e ma oŋgahwa ndi na màà mà hwatò hwa hwènàmà, ema e ma àyɛ̀kɛ̀nɛ̀ hwèèmà hwe e ŋmanyu yà lohwà. Krirztò mɔ̀ à mà kpèeyà o ŋmanyu yà lohwà yitɛ-yitɛ, o nàŋgɛ nanù mɔ̀ à tɛmì o worzò wo ama Lohwɛ̀ o lì ohwa o nyòla arzu.

Hwèwulùwèlì 1:10

Èlìŋgɛ̀ yà Wòtani è mà nò rziweya o Wùnyà wo ama e Rzàŋgo. Nà ma hweyà lìlo lì ndɛnɛ ema lì ma lì uwɛlɛlɛyi o mburza ya ami lì ma gbeyà ndi nàa mɔ̀tɔ̀wu mo lìyɔ̀mi.

Hwèwulùwèlì 12:5

Oŋgo molàna à mà ŋyàa ŋmanà wa munyanà, ŋmanà wa munyanà ema mɔ̀ ndi à o kànèyà hwèkòmè hwe arzɛ hwa e rze ya mɔ̀nyɛ̀, na màa ema mà eti. È ŋmanà wa ama oŋgo molàna à mà hvùmahwa, rzìi hwa mo ɛ̀ndɛ̀nɛ̀ o èki ema Lohwɛ̀ a hwèlì ema e konda ya lìkànèyà ya ama Lohwɛ̀ e hwèlì.

Hwèwulùwèlì 4:2

Lìwokìmɛnɛ, ɔndi Èlìŋgɛ̀ ya ama Lohwɛ̀ e a no rzihweyà. Rzìi na ɛnɛ e konda ya lìkànèyà, ndèŋgànɛ̀lɛ̀ nà mà ɛnɛ mòtò ema à mà lìya o eŋge konda.