2 Kɔ̀rintìyà 12:15 - Mokpwe: Bakwery (New Testament)

¹⁵ Nà o òka mɔ̀nyɛ̀ŋgì o lì gbeyàna tɔ̀ ima yoma ema na ohvi tɔ̀ e nyo ya ami o lì e oŋgòwànà. Nà e lìŋgàni tɛ rzayi-rzayi, rzeke inyɔ hvɛ e hwɛni o lì no lìŋgàna rzayi-rzayi.

2 Kɔ̀rintìyà 12:15 Mawu Ofanana

Ròmànì 9:3

ò wònyànyàŋgò hwa ami, hwa màyija. O nyòla awu, ò mà nà àhvìtɛ̀ nanù ema, Lohwɛ̀ à mà nò ŋgba mòjèmà, na lì nò akakòwɛ ò ma Krirztò.

2 Kɔ̀rintìyà 1:14

Nà oma e ma màa lì rzɔ̀ŋgìtɛ̀nɛ̀, lòŋgo la hweyà lì jo hvomɛ̀nɛ̀, na lòkɛ̀yi ema, e o jo rzɔ̀ŋgìtɛ̀nɛ̀ kɔ̀yi-kɔ̀yi. Ène eyà e o gbeyà e hvonda ema Rzàŋgo Yerzù a o jɛ̀ɛ̀ e o òhwa ema e hwɛnì kumba na irzɔ na oma irzɔ hvɛ i hwɛnì kumba na inyɔ.

2 Kɔ̀rintìyà 1:6

Ò èŋgànɛ̀lɛ̀ rzɔ i lu tɛ mètàkà, è hwèlì ndi ò lì e ètirzɛ mèèmà nà o lì luwa loŋgirzɛ. È hwèlì tɛ ema, Lohwɛ̀ a jo etìrzɛ̀yi mèèmà me arzu mèèmà me anyu meyɔ̀hvɛ me ètìrzɛ̀hwɛ. Àŋga ndi e lùwa màyìmbì mà lì àjùlɛ̀nɛ̀ mòlèmìlèmi mo mètàkà, nà lì kaka là mèèmà, nà oma irzɔ hvɛ i me àjùlɛ̀nɛ̀yi.

2 Kɔ̀rintìyà 11:11

È ɔ̀ŋgɛ̀lɛ̀yi ema na ohwa ndi nanù èhwanja na rza e lìŋgàni e? Lohwɛ̀ a hwi ema na e lìŋgàni.

2 Kɔ̀rintìyà 12:14

Nàŋgɛ nanù na hwèlì na wòŋgìrzɛ̀nɛ̀ o lì jà lì ehvɛhvɛ e ŋgèlì ema e ùkirzɛ̀ iyàwò, ndi imba na rza o e tàkìrzɛ̀. Imba na rza jà ndi nanù ema e no ŋgbe hwema ndi inyɔ ndèŋgàtɛ̀ na jà. È hwɛni lì hwiya nanù ema irzàŋgo na inyàŋgo ja hwàna, ja àŋgàmɛ̀nɛ̀yi lì ɔŋgeya hwàanà rzeketɛ ema hwàanà ndi hwa ɔŋgeya irzàŋgo na inyàŋgo.

2 Kɔ̀rintìyà 12:9

Ndi mamɛ ema à mà no òhweyà e hwèlì ndi nanù ema, “È ndèli ya ami ema no ò ŋgbelì e o loŋgamɛnɛyi. Nà ma o ètìrzɛ̀ aŋga nanù o hwɛ o ŋmanyu ya mètàkà me arzɛ ema o lu. Èhwanja e hvonda ema e ŋginyà e rza enje o mòtò, eŋge hvonda ndi e ŋginyà ya ami e mo ètìrzɛ̀.” O nàŋgɛ nanù na oka mɔ̀nyɛ̀ŋgì o lì kumba lìya la ami o kòkò ò hweyà ema hwe uŋmɛ̀lɛ̀ nanù ema na ohvi ndi nyo ya mòtò wa hwènàmà, aŋga nanù hwatò hwa ɛnɛ nanù ema e ŋginyà ya ama Krirztò e hwèlì o tenì ya ami ndèŋgànɛlɛ yɔ ndi e no ètìrzɛ̀.

2 Kɔ̀rintìyà 2:3

Ène eyà ndi è mà gbeyà ema nà mà è tìleyà ene kààtì, ò lì arza nanù ema nà jelì tɛ, nà rza ò tàtìrzɛ̀hwɛ̀ nà hwaŋga mɛnɛ, ema hwa àŋgàmɛ̀nɛ̀yi lì nò òkirzɛ mɔ̀nyɛ̀ŋgì ema mò akɛ̀lɛ̀nɛ̀yi. Ò jɔ̀kɛ̀, nà hwi nanù ema nà ohvi tɛ mɔ̀nyɛ̀ŋgì oma inyɔ hvɛ è ohva mɔ̀nyɛ̀ŋgì.

2 Kɔ̀rintìyà 4:12

O èŋgànɛ̀lɛ̀ irzɔ i emelì o lì ŋwa aŋga nanù inyɔ, e luwa lòŋgɛ la gbìndèyà.

2 Kɔ̀rintìyà 7:2

Nà arza nanù ema e jo lìŋgàne na mèèmà me anyu i rza tònànì tɔ̀ mòtò, i rza lìyɛlɛ tɔ̀ mòtò o màtònà ndèŋgànɛ̀lɛ̀ i rza lùkɛ̀lɛ̀ tɔ̀ mòtò.

2 Kɔ̀rintìyà 7:3

Nà rza ohwi hwenè hweyà nanù o lì e akɛlɛlɛ mbako ya wòhwe. Nà ma loma lì e tìleya nanù ema, irzɔ i e lìŋgàni rzayi-rzayi, tɔ̀ e hwɛ ndi o kpelì tɔ̀ o lòŋgɛ, i hwɛni ndi o lì hwɛ mòtò moko.

Gàletìyà 4:10

È wowa loŋgo la mèenyà, loŋgo la ŋgbɛ̀ndɛ, loŋgo la marzako ma ŋma, na loŋgo la meya nàa mèenyà me ndɛnɛ o a ɛnɛ oma e gbèeyà ndi Lohwɛ̀.

Hvìlipìyà 2:17

Nà o hwɛ ndi nàa mohvo mo mimba emà mà rzɔ̀lɛhwɛ o nyòla èwòlò ema inyɔ e gbeyà, nàa jàhwèyà o nyòla lìlòkɛ̀ ema inyɔ e hwɛni. Nà tànɛyi lì taka tɔ lì ŋwa ehwànja na ohwa ŋmɛ̀ndì mò gbamù ŋgànà hvɔ̀kɔ na oma inyɔ hvɛ e hwèlì e tàkàà ehwànja e mo lòkɛ̀. Ndi na hwèlì na lìŋgà na lì e okana inyɔ hwa arzɛ mɔ̀nyɛ̀ŋgi.

Kòlòrzìyà 1:24

Ò naŋgɛ nanù nà oka mɔ̀nyɛ̀ŋgi ò nyòla mòtàkà ema nà lùwa ò lì è hvomɛ̀nɛ̀. Nà oma nà lùwa mono mòtàkà nanù, nà mà kulɛ̀ mòtàkà mò ama Yerzù ema mò àŋgàmɛ̀nɛ̀yi lì hwɛ, ò nyo yà eni, eŋge ŋgànà è hwèlì ndi nanù ema hwatò ema hwa mò lòkɛ̀yì Krirztò.

1 Tɛ̀rzàlonìyà 2:8

Je e lìŋgàni rzàyi-rzàyi, rzeketɛ o lì e ohwa Ŋmɛ̀ndì mò Gbamù mo ama Lohwɛ̀ mɛnɛ, ndi o lì arza hvɛ hveyo ò lì e oŋgowàna ehwànja je e lìŋgàni rzayi-rzayi.

2 Tìmotì 2:10

O eŋgànɛ̀lɛ̀ na àjùlɛ̀nɛ̀ mono mòtàkà, aŋga nanù hwatò ema Lohwɛ̀ à hvɔ̀rzì wɔ̀hvɛ hwa ò luwa lìrzùŋgàhwa ema lì uwɛ̀lɛ̀lɛ̀yi ò mà Yerzù Krirztò, ndèŋgàna hwa o hwɛ ndi o rze ya èluhwe ya ama Lohwɛ̀ o gbìndèyà na o gbìndèyà.

Hibrù 13:17

È hweyàne hwatimbelì hwa anyu. È gbeye hvɛ mamɛ ema hwa ohwi nanù ema e gbeye. Èwòlò ya awu e hwèlì ndi o lì e ɔŋgeya. Wɔ̀ hvɛ ndi hwa hwɛnì lì ohweyà Lohwà nɛ hwa e ɔŋgeya. È hwa ŋgbe ehvolo ò lì gbeyà nanù na mɔ̀nyɛ̀ŋgì rzeketɛ na hwetàtò. Hwenè hweyà hwe arzɛ hwe rzà jo jàneyà tɔ̀ mɔ̀rzɛ̀ŋgì.