2 Kɔ̀rintìyà 12:1 - Mokpwe: Bakwery (New Testament)

¹ Nà hwɛ ndi o lì kumba lìya la ami o kòkò nanù mɛnɛ. Tɔ̀ nɛ eŋge e rza oŋgòwànà. Nà hwɛni ndi lì ɛndɛ o worzo ò lì ohwà jɛ̀nɛ̀nì nà mà ɛnɛ, na hweyà ema Rzàŋgo à ma no uŋmɛ̀lɛ̀.

2 Kɔ̀rintìyà 12:1 Mawu Ofanana

Yòwanìrzɛ̀ 16:7

Ndi na e òhweyà ndi e jɔ̀kɛ̀. È hwèlì gbamù nanù ema, imba na ɛ̀ndɛ. Èhwanja imba na rza ɛ̀ndi tɛ nanù òma e Moòŋgòwànèlì a rza e jèeyà. Ndi na ɛndi tɛ, na e òmeya e mɔ̀.

Yòwanìrzɛ̀ 18:14

Kàyìhvàrzì mɔ̀ ndi à mà kòkòwɛ̀lɛ̀ hwatò hwa Yudà ema, è ò lɔ̀wu nanù ema mòtò mɔ̀kɔ à ŋwèeyà hwatò.

Hwègbèèlì 18:9

Wu wɔ̀kɔ e Rzàŋgò e ma òhwirzɛnɛ Pàwolò ò jɛ̀nɛni, à mà mò òhweyà nanù ema, “O rza òka tɔ̀ wɔ̀ŋgɔ̀, hwɛ ndi ò lì òhwa nanù mɛnɛ, ò rzi lìya ŋmɛɛ.

Hwègbèèlì 23:11

O wòŋgò wuu, Rzàŋgò à mà tɛmeya Pàwolò ò tòŋgòŋgò rzìi a mò òhweyà nanù ema, “O rza òka wɔ̀ŋgɔ̀! Èhwànja e ŋgànà ema ò nò tɛmelì e mbòŋgi ò ene mbòwa ya Jèrurzalɛ̀mù, nanù mɛnɛ hvɛ ndi ò hwɛni lì nò tɛmeya e mbòŋgi ò èkòmè ya Ròmànì.”

1 Kɔ̀rintìyà 10:23

È ohwahwi nanù ema, “I hwɛnì wònjà o lì gbeyà tɔ̀ mamɛ.” Aŋga mɔ̀ e jɔ̀kɛ̀ ndi rzeketɛ hwèèmà hwe arzɛ ndi hwe lɔ̀wu. “I hwɛnì wònjà o lì gbeyà tɔ̀ mamɛ” ndi rzeke hwèèmà hwe arzɛ ndi hwe lɔ̀yìrzɛ̀.

1 Kɔ̀rintìyà 14:6

Ìi wònyàmòwe kòkò, imba nà è jɛlɛlɛ tɛ rzi na è ohwàna ihvɛhvɛ mbɔrzi, nɛ imba na tànɛyi lì è òŋgòwàna e? Ndi nà è janelì tɛ hwèwùlùwèlì, ema Lohwɛ̀ a no wuluhwèlì tɔ̀ lìhwiyè ema na ohvi, tɔ̀ lì ohwa la ŋmɛ̀ndì mo ama Lohwɛ̀, tɔ̀ hweyà ema na o e okolɛ̀, iŋgi tumba ja hweyà ndi i tànɛyi lì e òŋgòwàna.

1 Kɔ̀rintìyà 6:12

Mɔ̀kɔ wà anyu à tànɛyi a ohwa nanù ema, “Nà hwɛnì wònjà lì gbeyà tɔ̀ mamɛ ema na lìŋganì.” Nà è jɔ̀kɛ̀! Ndi nà ohwi ema rzeketɛ tɔ̀ ima eyà ndi ye è lɔ̀ɔni. Nà tànɛyi lì ohwa nanù ema mɔ̀kɔ wà anyu a tànɛyi hvɛ lì ohwa nanù ema, na ohvì wònjà o lì gbeyà tɔ̀ mamɛ ema na lìŋgàni, ndi o rza enje tɔ̀ eyà ema e tànɛyi lì no gbeyà ema na timbeya mòkòmì.

2 Kɔ̀rintìyà 12:11

Nà ohwa ndi nàa èèti ya mòtò ndi inyɔ ndi e gbèyi ɔ̀ndeŋgàtɛ̀ na ohwa nanù. Oma inyɔ e ohwa ndi hweyà hwe gbamù o lì no hvomɛ̀nɛ̀. Tɔ̀ e hwɛ ndi nanù ema na rza enje tɔ̀ yoma, ndi hwatò ema inyɔ e hwɛlɛ i àpɔ̀rzìtòlò ndɛnɛ, i rza no akani tɔ̀ eyà.

2 Kɔ̀rintìyà 12:5

Èŋge nyayi mòtò ɔ̀ndi imba na kumbeya lìya o kòkò, rzeketɛ o imba mbiti. Hweya ema hwe no gbeyà ema na kùmbe lìya la ami o kòkò, hwe hwèlì ndi hweyà ema hwe uŋmɛ̀lɛ̀ nanù ema na hwèlì ndi mòtò wa hwènàmà.

2 Kɔ̀rintìyà 12:7

O lì arza nanù ema na rza a uŋmɛ̀lɛ̀ imba mbiti o hweyà hwe mànyakà hwɛ̀ndɛnɛ ema Lohwɛ̀ a no uŋmɛ̀lɛ̀ na o lì gbeyà ema na hweye. A gbeyà nanù ema na hwɛni nyàmbɛ o nyo ya ami ema e no ŋgba mòrziyò mondɛnɛ. Ène nyàmbɛ e ma hwɛ ndi nàa meerzenja ema Mòkarzɛ̀ à mà ome o lì no tàkìrzɛ̀ aŋga nanù na rza ohva kumba.

2 Kɔ̀rintìyà 12:9

Ndi mamɛ ema à mà no òhweyà e hwèlì ndi nanù ema, “È ndèli ya ami ema no ò ŋgbelì e o loŋgamɛnɛyi. Nà ma o ètìrzɛ̀ aŋga nanù o hwɛ o ŋmanyu ya mètàkà me arzɛ ema o lu. Èhwanja e hvonda ema e ŋginyà e rza enje o mòtò, eŋge hvonda ndi e ŋginyà ya ami e mo ètìrzɛ̀.” O nàŋgɛ nanù na oka mɔ̀nyɛ̀ŋgì o lì kumba lìya la ami o kòkò ò hweyà ema hwe uŋmɛ̀lɛ̀ nanù ema na ohvi ndi nyo ya mòtò wa hwènàmà, aŋga nanù hwatò hwa ɛnɛ nanù ema e ŋginyà ya ama Krirztò e hwèlì o tenì ya ami ndèŋgànɛlɛ yɔ ndi e no ètìrzɛ̀.

2 Kɔ̀rintìyà 8:10

Màlùteyà ma ami ma hwèlì ndi nanù ema, o ŋma mo mburza, inyɔ ndi e ma hwɛ hwatò hwa worzò o lì hwɛnɛ ŋmèma mo lì oŋgòwànà hwatò, ndèŋgànɛlɛ inyɔ ndi ema hwɛ hwatò hwa worzò o lì wòteyà lì oŋgòwànà hwatò.

Gàletìyà 1:12

Nà rzì luwe ŋmɛ̀ndì mo ami lì akeyà na tɔ̀ mòtò mɔ̀kɔ wa hwènàmà, ndèŋgàna tɔ̀ mòtò tɔ̀ mɔ̀kɔ a rzi no òkolɛ e mɔ̀. Yerzù Krirztò mɔ̀ ŋmìti ndi à mà no wuluweya e mɔ̀.

Gàletìyà 2:2

Nà mà ɛndɛ ndi èhwanja Lohwɛ̀ à mà nò wuluhweyà nanù ema nà ɛndɛ aŋga. Nà oma nà mà hwɛ aŋga, ì mà tàneyà wùndɛ̀ nà hwàtìmbèlì hwa ŋmèmba, nà mà hwa telɛlɛ ŋmɛ̀ndì mò gbamù ema nà mà ohweyà hwaŋga ema hwa rza enje wònyà Yudà. Nà mà gbeyà ndi nanù ò lì oka wɔ̀ŋgɔ̀ nanù ema èwòlò ema nà mà gbèyi nà è yɔ̀ ema nà hwèlì nà gbeyà è rzi hwɛ ŋgundu.

Ɛ̀hvìrzìyà 3:3

Lohwɛ̀ à mà nò ŋgba lì rzɔ̀ŋgìtɛ̀nɛ̀ là hweyà hwe wùndɛ̀, ema hwe mà nò gbeyà ò lì hwiya hweyà ema natɛ̀ɛ nà naŋgɛ tɔ̀ mòtò tɔ̀ mɔ̀kɔ à rza tànɛyi lì rzɔ̀ŋgìtɛ̀nɛ̀. Nà mà màa lì è tìleyà ŋgurzu jà hweyà lì hvomɛ̀nɛ̀ ene.

1 Tɛ̀rzàlonìyà 4:15

Hwèyòkolelì ema je e okòlɛ nàŋgɛ hwe hwèlì ndi hwèyòkòlèlì hwe ama Rzàŋgo. Hweŋge hwèyòkòlèlì hwe hwèlì ndi nanù ema, irzɔ ema jo ò hwɛ o lòŋgɛ o wùnyà ema Rzàŋgo à ò jɛ̀ɛ̀, i rza tànɛ lì hwɛ o worzo rzìi hwatò ema hwà mà ŋwɛɛ rzìi hwa hwɛ o mbùrza.

1 Yòwanìrzɛ̀ 5:20

Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.