2 Kɔ̀rintìyà 11:9 - Mokpwe: Bakwery (New Testament)

⁹ È hvonda ema nà mà hwɛ na inyɔ, marzako na rzi ohve tɔ̀ yoma, ndèŋgàna rzi e tàkìrzɛ̀ Èhwanja tɔ̀ mamɛ ema nà mà arze wònyanyàŋgo hwa ami hwa Krirztò ema hwà mà uwɛ̀lɛ̀lɛ̀yi o Màrzèdonìyà hwà mà hwɛ lì no ŋgba e yɔ. Nà oma na rze tàkìrzɛ̀ o hvonda ya worzo, na rza tanɛ lì e tàkìrzɛ̀ hvɛ tɔ̀ ŋgèlì tɔ̀ hvɔ̀kɔ.

2 Kɔ̀rintìyà 11:9 Mawu Ofanana

Hwègbèèlì 18:3

Èhwanja mɔ̀ hvɛ à mà hwɛ ndi mòòŋgelì wa màwòndò na òma wɔ hvɛ hwà mà hwɛ, ò eŋgànɛ̀lɛ̀ mɔ̀ hvɛ à mà lìya rzìi a à gbeyà èwòlò na wɔ̀.

Hwègbèèlì 18:5

Nà òma Rzàyilarzi na Tìmòtì hwà mà uwɛ̀lɛ̀lɛ̀yi ò mbòwa ndɛnɛ ya Màrzèdonìyà, Pàwolò à mà aŋgbɛ mɔ̀ ŋmìti tòwòtòwò ò lì òhwà Ŋmɛ̀ndì mò Gbamù. Mɔ̀ à mà hwɛ lì òhweyà hwatò hwa Yudà nanù ema Yerzù à hwelì ndi è Mɔ̀ ema à Ɔ̀kirzɛ̀hwɛ̀yi.

Hwègbèèlì 20:33

Nà rzi òhve tɔ̀ nyɔ̀ŋgi ò lì wòwàna tɔ mòtò tɔ mɔ̀kɔ e rzìlìhwà tɔ̀ e gòòlù ya eni tɔ lìwɔti.

Ròmànì 15:26

Hwàtò hwa ama Krirztò ema hwa hwèlì ò erzòòkà ya Màrzèdonìyà na ò erzòòkà ya Àkayiyà, wɔ̀ hwà mà ɛnɛ nanù ema hwa gbeye mòrzàŋgɛ̀ rzìi hwa òmeya mèlìrza me hwatò ema me hwèlì ò ìtììtènì ja hwatò hwa ama Lohwɛ̀ ema hwa hwèlì ò mbòwa ya Jèrurzalɛ̀mù.

1 Kɔ̀rintìyà 16:17

Nà oki mɔ̀nyɛ̀ŋgì na hwèjèelì hwe ama Rztɛ̀hvànàrzì Hvɔ̀tùnàtùrzì na Akàyìkùrzì. Wɔ̀ hwa jèelì èhwanja wɔ̀ ndi hwa àŋgàmɛ̀nɛ̀ lì gbeyà èwòlò ema inyɔ e hwɛnì lì gbeyà.

2 Kɔ̀rintìyà 6:4

Ndi nàa hwàgbèelì hwa ama Lohwà, irzɔ ja awuŋmɛ̀lɛ̀ irzɔ hwiti nàa hwatò ema hwa gbeyà mamɛ ya arzɛ ema e hvomɛ̀nɛ̀. I kaka mèèmà rzayi-rzayi o tenì ya mètàkà ema i luwa, o lòŋgɛ ema la eti ema i hwèlì o tenì na i ndùtù hvɛ ema i jo ùŋmànɛ̀lɛ̀yi.

2 Kɔ̀rintìyà 9:12

Ène èwòlò ema e gbeyà e rza òŋgòwàna ndi hwatò hwa Lohwà mɛnɛ, ndi e hwèlì hvɛ ndi o lì uŋmɛ̀lɛ̀ nanù ema hwatò hwa eka Lohwɛ̀ rzayi-rzayi.

Hvìlipìyà 2:25

Ndi nà mà kulɛ nanù ema o lɔ̀wu nanù ema imba na e omeya ŋmanyàŋgò wa arzu Èpàhvrɔ̀dìtùrzì. A mà gbeyà èwòlò ya ama Krirztò na imba, ndèŋgànɛ̀lɛ̀ à mà oŋgowàna o lì teŋgɛ̀nɛ̀ hwatò ema hwa anana ŋmɛ̀ndì mò gbamù. Ndeŋgànɛ̀lɛ̀ mɔ̀ ndi à hwèlì nàa e rzùwɛlɛ̀ ema inyɔ e ma òme o lì no oŋgowàna.

1 Tɛ̀rzàlonìyà 2:6

I rzi arze nanù ema inyɔ tɔ̀ hwahvɛhvɛ hwàtò hwa i eke.

1 Tɛ̀rzàlonìyà 2:9

Ìi wònyàmòwe kòkò hwa ama Krirztò, na hwi nanù ema e ɔ̀ŋgɛ̀lɛ̀ èwòlò na lì ahvahvɛ lì ndɛnɛ ema i ma gbeye. È hvonda ema i ma e ohweyà ŋmɛ̀ndì mò gbamù mo ama Lohwɛ̀, i ma hwɛ lì gbeyà èwòlò ŋmerze na wuu aŋga nanù i rza tàkirzɛ tɔ̀ mɔ̀kɔ wa anyu.

Hibrù 11:37

Lòŋgò hwà mà àŋgbàhwà màŋyàyi rzi hwa ŋwa. Lòŋgò hwà mà kɛɛhwɛ hwèrzùŋgu hwehwakɛ. Hwà mà gbeyàna e rzɔ̀lɔ̀ o lì oŋwa lòŋgo. Hwàŋga hwatò hwà mà wɔ̀tɔ̀ ndi meyowo me mbolì rzìi hwa a lìŋgòwàna e èki ya arzɛ. Hwanu hwatò hwà mà hwɛ ndi mèlìrza me hwatò, ema me ma akeyà o lìtake, na lì luwa hvɛ ndùtù o màà mà hwàkɔ̀yèlì.