2 Kɔ̀rintìyà 11:7 - Mokpwe: Bakwery (New Testament)

⁷ Nà oma nà mà hwɛ o lì e ohweyà ŋmɛ̀ndì mò gbamù ema mo ma uwɛ̀lɛ̀lɛ̀yi oma Lohwɛ̀, imba na rzi e ohweyà nanù ema e no taŋgeya. Nà ma arzihwirzɛ imba mbiti aŋga nanù inyɔ e luwa èluhwe. Nà oma nà mà gbeye nanù, eyà ya wòhwe ndi nà mà gbeye nanù e?

2 Kɔ̀rintìyà 11:7 Mawu Ofanana

Hwègbèèlì 20:33

Nà rzi òhve tɔ̀ nyɔ̀ŋgi ò lì wòwàna tɔ mòtò tɔ mɔ̀kɔ e rzìlìhwà tɔ̀ e gòòlù ya eni tɔ lìwɔti.

Hwègbèèlì 20:34

Inyɔ hwiti e hwi nanù ema, nà mà gbeyà èwòlò na manù màà mà ami, rzìi na luwa wòlì ema irzɔ na hwatò hwa ami ema i ma hwɛ lì gbeyà èwòlò i ma àndane tɔ mamɛ ema i ma arze.

Ròmànì 1:1

Imba, Pàwolò, e mògbèèlì wa ama Yerzù Krirztò, imba ndi na tìlì ene kààti. Lohwɛ̀ à mà nò hvɔ̀rzɔ̀ ò lì hwɛ e àpɔ̀rzìtòlò ya eni ndèŋgànɛlɛ à mà nò ŋgbàà èwòlò ò lì òhwa Ŋmɛ̀ndì mò eni mò Gbamù.

1 Kɔ̀rintìyà 9:12

È hwèlì tɛ ema lòŋgo la hwatò hwa hwɛnì wònjà ya lì e ijòwa hwèèmà, rzeke irzɔ i hwɛnì wònjà rzayì-rzayì o lì e ijòwa hwèèmà lì hwa aka e? Ndi irzɔ i rzi gbeyànì a gbeyàna enè wònjà tɔ̀ wùnyà. Irzɔ ima àjùlɛ̀nɛ̀ mètàkà me arzɛ aŋga nanù, ene e rza hwɛ ndi ekèkànì na oma jo òhwa Ŋmɛ̀ndì mò Gbamù lì hvomɛ̀nɛ̀ Krirztò.

1 Kɔ̀rintìyà 9:6

Ŋga Bànàbàrzì na ìmba mɛnɛ ndi i hwɛnì lì gbeyà hwèwòlò ema hwe hwɛnì lì jo tembɛ e?

2 Kɔ̀rintìyà 10:1

Imba Pàwolò, ema na arzihwirzɛ na ŋmɛɛ nàa Krirztò, na e rzorzomeya. Lòŋgo la hwatò hwa ohwa nanù ema na hwèlì tɛ na inyɔ na oka wɔ̀ŋgɔ̀ ndèŋgàna hwa ohwa nanù ema na rza enje tɛ na inyɔ na e tìleya kààtì ema ja ambirzɛnɛ.

2 Kɔ̀rintìyà 10:16

Ène e o jo gbeyà o lì ɛndɛ o hwehvɛhvɛ hweki ema hwe rzɔlɛnɛ o lì ohwa Ŋmɛ̀ndì mò Gbamù e rzi hwɛ nanù ema irzɔ i kùmba màà mà arzu o kòkò lì hvomɛ̀nɛ̀ hwèwòlò ema hwahvɛhvɛ hwatò hwà mà gbèeyà o hwehvɛhvɛ hweki.

2 Kɔ̀rintìyà 12:13

Nà oma nà mà e gbèeyà rzi e rzi no rzaweyà, inyɔ e no òhweyà nɛ imba na ohwèlì hwanɛyi hwatò hwa menɛyi ŋmèmba wòlìto ò lì e aka. È hwèlì tɛ nanù ema ene eyà e hwèlì ndi lùurzè, inyɔ e no làkirzɛ.

2 Kɔ̀rintìyà 2:12

Nà oma na ama ùke o mbowà ya Trɔ̀wàrzì, o lì ohwa Ŋmɛ̀ndì mò Gbamù mo òma Krirztò, nà mà ùŋmanɛlɛ nanù ema Lohwɛ̀ à mà màa lì no lìhvoweya e njiya o lì gbeyà èwòlò ya eni.

1 Tɛ̀rzàlonìyà 2:9

Ìi wònyàmòwe kòkò hwa ama Krirztò, na hwi nanù ema e ɔ̀ŋgɛ̀lɛ̀ èwòlò na lì ahvahvɛ lì ndɛnɛ ema i ma gbeye. È hvonda ema i ma e ohweyà ŋmɛ̀ndì mò gbamù mo ama Lohwɛ̀, i ma hwɛ lì gbeyà èwòlò ŋmerze na wuu aŋga nanù i rza tàkirzɛ tɔ̀ mɔ̀kɔ wa anyu.

2 Tɛ̀rzàlonìyà 3:8

È hwi nanù ema i rzi laane tɔ̀ mòtò tɔ̀ mòlelì ema i rzi rzaahwɛ. Ndi irzɔ i ma gbeyà èwòlò na morzimbɔ mo ndɛnɛ ŋmerze na wuu nanù ema i rzi tàkirzɛ tɔ̀ mɔ̀kɔ wa anyu.