2 Kɔ̀rintìyà 11:4 - Mokpwe: Bakwery (New Testament)

⁴ Imba na ohwa ndi ene eyà nanù èhwanja mòtò a jelì tɛ rzi a e ohweyà ŋmɛ̀ndì ema mo rza enje ndi ŋmɛ̀ndì mo ama Yerzù Krirztò, ema irzɔ i hwèlì lì e ohweyà inyɔ e mo emeyà. Tɔ̀ e hwɛ ndi ema mɔ̀ à e ohwèlì tɛ ndi eyà ya lì hvomɛ̀nɛ̀ èlìŋgɛ̀ ema rzeketɛ yɔ ndi irzɔ je e ohweyà e emeyà. Tɔ̀ mòtò a e ohwèlì tɛ ŋmɛ̀ndì mò gbamù ema rzɛ̀kɛtɛ mo ndi irzɔ je e ohweyà, inyɔ e mo emeyà.

2 Kɔ̀rintìyà 11:4 Mawu Ofanana

Makòrzì 7:9

Yerzù à mà tìmba lì hwa òhweyà hvɛ nanù ema, “È hwɛnì meyànò me makpana lì tindà e mbenda yà amà Lohwɛ̀ rzìi è kakumɛnɛyi ndi e hwe anyu hwèyòkòlèlì.

Hwègbèèlì 4:12

“Lì òŋgirzɛhwɛ lì rza uwɛ̀lɛ̀lɛ̀yi na ohvɛhvɛ mòtò lì aka tɛ Yerzù, èhwanja ò rza enje tɔ̀ lì hvɛhvɛ lìnà ò tenì ya ene rze ema Lohwɛ̀ à mà ŋgbe hwatò hwa hwènàmà ema lì àŋgàmɛ̀nɛyi lì jò rzùŋgà.”

Ròmànì 8:15

Èlìŋgɛ̀ ema Lohwɛ̀ à mà e ŋgbe e rza e gbèyi ema e hwɛ hwàkòmì, ndèŋgàna ema inyɔ e hwɛ ò wɔ̀ŋgɔ̀. Ndi Èlìŋgɛ̀ ya ama Lohwɛ̀ e ma e gbeyà na jɔ̀kɛ̀ ò lì hwɛ hwàna hwa ama Lohwɛ̀. Èŋge ŋginyà ya eŋge Èlìŋgɛ̀ yɔ ndi e jò gbeyà ò lì hwɛlɛ Lohwɛ̀ nanù ema, “Ìi Tatà! È Tatɛ̀ ya ami!”

1 Kɔ̀rintìyà 3:11

Èhwanja o rza enje tɔ̀ mòtò tɔ̀ mɔ̀kɔ ema a tànɛyi lì kɔ̀kɔ̀ mohvɛhvɛ mɔ̀nɔ̀ŋgɔ̀, lì aka tɛ mɔ̀nɔ̀ŋgɔ̀ ema nà mà lomɛ lì kɔ̀kɔ̀. Mòŋgo mɔ̀nɔ̀ŋgɔ̀ mo hwèlì ndi hwèyòkòwèlì ema nà mà màa lì e okolɛ̀ lì hvomɛ̀nɛ̀ Yerzù Krirztò, ema Lohwɛ̀ ama jo rzuŋga moŋgɛ ma arzu lì akeyà na Yerzù Krirztò.

2 Kɔ̀rintìyà 11:1

Tɔ̀ na hwɛ ndi èèti ya mòtò, na e rzorzomeya nanù ema e no hwɛmɛ na e ohweyà tɔ̀ ŋmana eyà, e òkànèyà.

2 Kɔ̀rintìyà 2:12

Nà oma na ama ùke o mbowà ya Trɔ̀wàrzì, o lì ohwa Ŋmɛ̀ndì mò Gbamù mo òma Krirztò, nà mà ùŋmanɛlɛ nanù ema Lohwɛ̀ à mà màa lì no lìhvoweya e njiya o lì gbeyà èwòlò ya eni.

Gàletìyà 3:2

Nà lìŋgàna lì è ijòwa eyà yɔ̀kɔ. È hvonda ema inyɔ è mà lùwe Èlìŋgɛ̀ yà Wòtani èhwanja è mà ika imbenda jà wònyà Yudà ɔ̀ndeŋgàtɛ̀ è mà è lùwa e? Ŋga, èhwanja ema mà lòkɛ̀ Ŋmɛ̀ndì mò Gbamù ema è mà hweye e?

1 Tìmotì 1:3

Nà arza ema ò lìya ò mbowà yà Ɛ̀hvɛ̀rzɔ̀rzì, molemilemi nà oma nà mà ò kòkòwɛ̀lɛ̀ è hvonda ema nà mà hwɛ lì ɛndɛ ò erzòòkà yà Màrzèdonìyà. Àŋga nanù, ò wà ò kànèyà loŋgo là hwatò ema hwa rza okolɛ hwèyòkòlèlì ema hwe rza hvomɛ̀nɛ̀.

1 Tìmotì 2:5

È hwiyawi nanù ema o hwèlì ndi Lohwà lɔ̀kɔ̀ mɛnɛ. Ndeŋgànɛ̀lɛ̀ o hwèlì ndi mòtò mɔ̀kɔ mɛnɛ ema a jàni Lohwɛ̀ na hwatò hwa hwènàmà o lì rzɔ̀ŋgìtɛ̀nɛ̀ lɔ̀kɔ. Oŋgo mòtò a hwèlì ndi Yerzù Krirztò.