2 Kɔ̀rintìyà 11:28 - Mokpwe: Bakwery (New Testament)

²⁸ O ŋmanyu ya hwenè hweyà hwe arzɛ, nà mà ohva hvɛ e nyɔ̀ŋgi wùnyà tɛ o lì oŋgeya ŋmèmba me arzɛ ema me ma hwɛ o rze ya lìkànèyà lì ami.

2 Kɔ̀rintìyà 11:28 Mawu Ofanana

Hwègbèèlì 15:36

O mburza hvònda, Pàwolò rzìi a òhweyà Bànàbàrzì nanù ema, “Inyɛ̀ i timbe, ò tenì ya maŋga mambòwà ma ndɛnɛ ma arzɛ ema i ma lòmè lì òhwa eyà ya ama Rzàŋgò, ò lì hvɛ̀hvɛ hwàlòkèlì na ò lì ɛnɛ nɛ hwa hwèlì.”

Hwègbèèlì 18:23

O mburzà ya hvònda ema à mà hvaŋge hvònda ò mbòwa ndɛnɛ ya Antìyɔ̀kì, Pàwolò rzìi a anjiya aŋga, rzìi a ɛ̀ndɛ ò hwèrzòòkà hwe Gàlèrzìyà na Hvrìgèyà ò lì kòkòwɛ̀lɛ̀ na lì ètìrzɛ̀ hwàlòkèlì hwa arzɛ.

Hwègbèèlì 20:2

Nà òma à mà akeyà hwèŋge hwèrzòòkà hwe arzɛ, à mà òhwa rzayi-rzayi ja hweyà ò lì ètìrzɛ̀ mèèmà me hwàlòkèlì hwa eŋge erzòòkà, rzìi a ɛ̀ndɛ ò èkòmè ya Àkayiyà.

Hwègbèèlì 9:31

O èŋgànɛ̀lɛ̀ rzɔ, ò eŋge hvònda ya arzɛ hwatò ema hwà mà lòkɛ̀ Yerzù ò hwèrzòòkà hwe arzɛ hwe Yùdeyà, Galìlì na Rzàmàrìyà hwe ma luwa ɛ̀yɔ̀lɛ̀. Ndeŋgànɛ̀lɛ̀ hwà mà òhva wɔ̀ɔŋgɔ̀ wò ama Lohwɛ̀ na wɔ̀, ndèŋgànɛ̀lɛ̀ Èlìŋgɛ̀ yà Wòtani e ma gbeyà hwà mà imbama.

Ròmànì 1:14

Èwòlò ema imba nà hwɛni è hwèlì ndi ò lì òhweyà tɔ̀ ima mòtò ŋmɛ̀ndì mò gbamù, tɔ̀ hwa hwɛ ndi hwatò hwa mbowà tɔ̀ hwatò hwa wàŋga.

Ròmànì 11:13

Inyɔ hwatò ema e rza enje wònyà Yudà, inyɔ ndi na òhwìrzɛ̀nɛ̀ naŋgɛ. Imba na hwèlì ndi àpɔ̀rzìtòlò ya hwatò ema hwa rza enje wònyà Yuda, na ŋgbelì èwòlò ya ami èluhwe ya arzɛ.

Ròmànì 15:16

Lohwɛ̀ à mà nò ŋgba e ndèli ya eni ò lì hwɛ e mògbèèlì wa ama Yerzù Krirztò, ò lì òhweyà hwatò ema hwa rza enje wònyà Yudà, ŋmɛ̀ndì mò gbamù. Nà gbèeyà ndi ene èwòlò nàa pìlìrzì ò lì òhwa Ŋmɛ̀ndì mò Gbamù ema mò uwɛ̀lɛ̀lɛ̀yi ò ma Lohwɛ̀, aŋga nanù hwatò ema hwa rza enje wònyà Yudà hwa ò hwɛ ndi nàa jàhwèyà ema nà mà ŋgbɛ ema je imayɛnɛhwɛ na Lohwɛ̀. Lohwɛ̀ a ò hwe emeyà èhwanja Èlìŋgɛ̀ yà Wòtani e ma hwa gbeyà ema hwa emàyɛ̀lɛ̀hwɛ̀ ò wòrzò wò ama Lohwɛ̀.

Ròmànì 16:4

Wɔ̀ hwà mà emeyà ò lì nò ŋwèeyà. Nà hwa èki. Rzeketɛ imba mbiti mɛnɛ ndi na hwa eka, ndi ŋmèmba mò arzɛ mò hwatò ema hwa rza enje wònyà Yudà, mɔ̀ hvɛ mò hwa eka.

1 Kɔ̀rintìyà 7:17

Tɔ̀ ima mɔ̀ hwa arzu, a lìiya hvɛ ndi o hwètɛ̀yìrzèlèlì hwe ama Rzàŋgo Yerzù na oma i ma hwɛ, o lìrzako ema Lohwɛ̀ a mà lome lì jo hwɛ̀lɛ. Èya ya ami ene ema imba na okolɛ̀ o mìitelì me arzɛ.

Kòlòrzìyà 2:1

Nà lìŋgàni nanù ema e hwiye nɛ imba nà mà ahvahvɛ o lì e gbèeyà na o hwaŋga hwatò hwa e mbowà ndɛnɛ ya Làwòdèrzìyà. Ndeŋgànɛlɛ e hwiye hvɛ nɛ imba nà mà ahvahvɛ o lì gbèeyà hwanɛyi hwatò ema hwa rzi no ɛni na mìirzɔ ma awu.