2 Kɔ̀rintìyà 11:26 - Mokpwe: Bakwery (New Testament)

²⁶ Nà ma ɛndɛ hweyɔ̀ndɔ̀ rzayi-rzayi, o hweŋge hweyɔ̀ndɔ̀, nà mà arza lì inda o malìhwa. Nà ma uhwa lì wɔ̀lɛ̀nɛ̀ lòoŋgɛ la ami o màà mà hwayihwɛ, o màà mà hwatò wa ami hwa wònyà Yudà na o màà mà hwatò ema hwa rza enje wònyà Yudà. Nà ma uhwa lì wɔ̀lɛ̀nɛ̀ lòŋgɛ la ami o mambowà mà ndɛnɛ o mòrzànjɛ̀, o ŋmànja na o màà mà hwatò ema hwa ahwèŋgɛ nanù ema hwa hwèlì ndi wònya Krirztò ema hwa rza enje.

2 Kɔ̀rintìyà 11:26 Mawu Ofanana

Hwègbèèlì 13:45

È hvònda wònyà Yudà hwà mà ɛnɛ e ŋgìndì, hwà mà òndana na lìrziŋga. Rzìi hwa wòteya lì teŋgɛ̀nɛ̀ mamɛ ema Pàwolò à mà hwɛ lì òhwa na ò lì mò rzòrzòlɛ hweyòlì.

Hwègbèèlì 13:50

Ndi wònyà Yudà hwà mà umbɛlɛlɛ hwàtimbelì hwa e mbòwa, na hwàmbaki hwa hwàalanà ema hwà mà hwɛ lì gbèeya Lohwɛ̀. Hwanu hwatò rzɔ hwà mà jàneyà Pàwolò na Bànàbàrzì lùwànje rzìi hwa hwà hvaya ò erzòòkà ya awu.

Hwègbèèlì 14:19

Lòŋgò là hwatò hwa wònyà Yudà hwa mà uwɛ̀lɛ̀lɛ̀yi ò mbòwà ndɛnɛ yà Antìyɔ̀kì ò erzòòkà yà Pìrzìdìyà, ndèŋganɛlɛ hwa mà uwɛ̀lɛ̀lɛ̀yi hvɛ ò è mbòwa ndɛnɛ yà Ikɔ̀nìyùmì rzi hwa uka ò è mbòwa ndɛnɛ ya Lìrzìtìrà. Wɔ̀ hwa mà lɔ̀mbɔ̀ è ŋgindi natɛ̀ɛ wɔ̀ nà è ŋgindi hwa uŋma Pàwolò màŋyàyi, rzìi hwa à mò kòòhwà ò rze, rzìi hwa mò wurzana ò mbòwà ndɛ̀nɛ, èhwanja hwa mà ɔ̀ŋgɛ̀lɛ̀ nanù ema à mà ŋwa.

Hwègbèèlì 14:5

Ndi lòŋgò la hwatò ema hwa rza enje wònyà Yudà na lòŋgò la hwatò hwa wònyà Yudà, na hwàtìmbèlì hwa awu hwà mà kima nanù ema hwa hwɛni lì tàkirzɛ Pàwolò na Bànàbàrzì ndèŋganɛlɛ hwa hwà àŋgba mayanyi.

Hwègbèèlì 15:40

Pàwolò mɔ̀ à mà hvɔ̀rzɔ̀ Rzàyìlàrzì rzi a ɛ̀ndɛ. Hwàlòkèlì hwà mà hwa kànɛlɛlɛ nanù ema e ndèli ya ama Rzàŋgò a hwa timbe.

Hwègbèèlì 17:13

Ndi na òma hwatò hwa wònyà Yudà hwa e mbòwa ndɛnɛ ya Tɛ̀rzàlònìkà hwà mà hweye nanù ema Pàwolò a hwèlì a òhwa hvɛ eyà ya Lohwà ò mbòwa ndɛnɛ ya Bèrìyà, wɔ̀ hwà mà ɛndɛ aŋga, rzìi hwa wòteyà lì tinɛlɛ e ŋgindi ò lì jana lùwànje.

Hwègbèèlì 17:5

Ndi lòŋgò la hwatò hwa wònyà Yudà hwà mà nòneyà Pàwolò na Rzàyilarzi. O eŋgànɛ̀lɛ̀ rzɔ hwà mà ɛndɛ ò èlùwà ò lì rzaŋga hwatò ema hwà mà òhva hwɛ̀ɛ̀mɛ̀ hwe wòhwe. Hwà mà hwa lata ò lì gbeyà ŋgindi ya e kanjɛ-kanjɛ, eŋge ŋgindi rzìi e wòteyà ò lì kanja e mbòwa ya arzɛ, rzìi hwa ɛndɛ lì urzuweyà màandà mà ama Jèrzɔ̀nì ò lì arza Pàwolò na Rzàyìlàrzì, aŋga nanù hwa hwà wurzàneya e ŋgindi.

Hwègbèèlì 18:12

È hvònda ema Kàyirza à mà lìirzɛ Galìyò ò mbòkò nàa e Gɔhwina ndɛnɛ ò erzòòkà ya Àkayiyà, hwatò hwa wònyà Yudà ò mbòwa ndɛnɛ ya Kɔ̀rintò hwà mà alatanɛ, rzìi hwa ŋgbaŋgɛ Pàwolò, rzìi hwa mò jànà ò ndawò ya hwèkàyìrzèlì.

Hwègbèèlì 19:1

Nà òma Apòlòrzì à mà hwɛ ò mbòwa ndɛnɛ ya Kɔ̀rintò, Pàwolò à mà akeyà ò tenì ya eŋge erzòòkà rzi a uka ò mbòwa ndɛnɛ ya Ɛ̀hvɛ̀rzɔ̀rzì. A ma ùŋmànɛ̀lɛ̀ ŋgurzu ja hwatò ema hwa lòkɛ̀ Yerzù aŋga.

Hwègbèèlì 19:23

O ene hvònda ɔ̀ndi mòhvùŋgu mò ndɛnɛ mò ma hwɛ ò mbòwa ndɛnɛ ya Ɛ̀hvɛ̀rzɔ̀rzì, ò lì hvòmɛ̀nɛ̀ e Njiya ya ama e Rzàŋgò ema hwatò hwà mà hwɛ lì òŋgama.

Hwègbèèlì 20:19

Nà ma gbèeyà e Rzàŋgò na lì arzirzɛ lì ndɛnɛ, na mirzɔ̀lì, na màkèkìrzɛ̀nɛ̀ ema me ma nò gbeeyɛnɛ, ehwànja wònyà Yudà hwà mà nò kimeya.

Hwègbèèlì 20:3

A ma lìya ŋgbɛ̀ndɛ iyàwò ò èkòmè ya Àkayiyà. A ma hwɛ lì wòŋgirzɛnɛ ò lì ɛndɛ ò èkòmè ya Rzìrìyà aŋga ndi à mà rzɔ̀ŋgìtɛ̀nɛ̀ nanù ema lòŋgò la hwatò hwa wònyà Yudà hwà mà lìyà wùndɛ̀ ya lì mò òŋwa. Aŋga ndi à mà wòŋgirzɛnɛ ò lì timba lì akeyà ò erzòòkà ya Màrzèdonìyà.

Hwègbèèlì 23:10

Mòtàŋgò mò ma òlòwa nyayi ema e mòkànèlì wa hwààna njuma à mà òka wɔ̀ŋgɔ̀ nanù ema, wɔ hwa tànɛyi lì tàawa Pàwolò. O eŋgànɛ̀lɛ̀ rzɔ, mɔ̀ à mà àka hwàanèlì wa eni hwa njuma ò lì rzihwa ò tenì ya e ŋgindi, ò lì wòwa Pàwolò ò ìtììtènì ja awu, lì ɛndɛ lì mò uta ò ndawò ya ŋguhwa.

Hwègbèèlì 25:3

nanù ema, a hwa òŋgòwane ò lì hwa jàneyà Pàwolò ò Jèrurzalɛ̀mù. Wɔ hwà mà mò òhweyà ndi nanù ehwànja hwà mà kima ò lì òŋwa Pàwolò ò njiya.

Hwègbèèlì 27:42

Irzònja rzìi i kaka wùndɛ̀ ò lì òŋwa hwatò hwa arzɛ hwa hwèwòwà ema hwà mà hwɛ ò tenì ya meŋge melì me ŋmànja, aŋga nanù wɔ hwa rza ò tanɛ lì nyɔ̀keyà ò lì uka ò rzàawà rzi hwa hwaŋga.

Ròmànì 15:19

Nà ma gbeyà ndi hwene hweyà ò ŋginyà ya hweembànèlì na mànyakà na e ŋginyà ya Èlìŋgɛ̀ ya ama Lohwɛ̀. O eŋgànɛ̀lɛ̀ rzɔ, lì anjiya ò e mbòwa ya Jèrurzalɛ̀mù natɛ̀ɛ na ò erzòòkà ya Ilìlìkumi, nà mà òhwa Ŋmɛ̀ndì mò Gbamù mò ama Krirztò gbamù.

Ròmànì 8:35

Njɛnɛ rzɔ à tànɛyi lì jò kakòhwà nà è ndìŋgɛ ema Krirztò à jò hwɛ̀nèlì e? È hwèlì ndi hweyà ema hwè jò ambani e? Ŋga indùtù e? Tɔ̀ lìtakìrzɛ̀ ema hwatò hwa jò tàkirzɛ̀ e? È hwèlì ndi e njàwò, ŋga nà òma i rza òhvɛ mààtù mà lì wɔtɔ̀ e? Ŋga è hwèlì ndi wòhwe ema hwatò hwa jò lùtaneyà, tɔ̀ nà òma hwatò hwa arza lì jò òŋwa e?

1 Kɔ̀rintìyà 15:30

Rzìi hwatò nàa hwa irzɔ, mamɛ ndeŋgatɛ i wowa ene mbeya nyo hvonda tɛ e?

1 Kɔ̀rintìyà 15:32

Nà ɔ̀ŋgɔnìtɛ̀ na mirzɔ̀ ma mòtò wa hwènàmà, mamɛ e hwèlì mɔrzɛŋgi mo ami nà mà ana tɛ na nyàmà ja wàŋga o e mbowà ya Ɛ̀hvɛ̀rzɔ̀rzì. O èŋgànɛ̀lɛ̀ hwatò ema hwa ŋwelì hwa rza o hvùmùwà tɛ o lòŋgɛ nanù oma, i ohwa ndi nanù ema, “I hwɛ ndi o lì laa na lì nyɔ èhwanja ŋmɛlɛ oma i ma ŋwa.”

2 Kɔ̀rintìyà 11:32

È hvonda nà mà hwɛ o e mbowà ya Dàmàrzkɔ̀rzì, e mòkànèlì ema à mà hwɛ o rze ya lìkànèyà la ama e kiŋgɛ̀ Arɛ̀tàrzì, à mà ika hwàànà njùma o lì ɔ̀ŋgeyà mawohvà mà arzɛ ma e kɔ̀tɔ̀ ya mbowà ema hwa na o lɛmbɛ.

Gàletìyà 2:4

tɔ̀ nɛ loŋgo là hwatò hwa mòlàŋgà ema hwà mà hwɛ ò ìtììtènì ja hwàlòkèlì hwa ama Krirztò, hwa mà hwɛ lì ahwaŋgelɛ nanù ema wɔ̀ hvɛ hwa hwèlì ndi hwàlòkèlì hwa ama Krirztò hwà mà arza nanù ema è gbèyɛ̀nɛ̀. Hwàŋga hwatò hwà mà kpèeyà ndi ò ìtììtènì jà arzu ò jututa, aŋga nanù oma hwa mà ɛnɛ nà oma ì gbèeyà hweyà hwe arzɛ èhwanja i hwèlì ò lìkànèyà la ama Yerzù Krirztò. Wɔ̀ hwà mà arza ndi nanù ema i hwɛ ndi hwàkòmì ò lì oŋgama imbenda jà wònyà Yudà.