2 Kɔ̀rintìyà 11:20 - Mokpwe: Bakwery (New Testament)

²⁰ Tɔ̀ e hwɛ nanù ema mòtò a e timbirzɛ tɛ ndi nàa mòkòme, tɔ̀ e hwɛ ndi ema a e laanà, tɔ̀ e hwɛ ndi ema a e ɔnjɔ, tɔ̀ e hwɛ ndi ema a e ndinda, tɔ̀ e hwɛ ndi nanù ema a e rzamì lùumbɛ̀ o worzo, e mo emeyà.

2 Kɔ̀rintìyà 11:20 Mawu Ofanana

Makòrzì 12:40

Hwa lùùmbana hvɛ mekurze erzàŋgò ya awu. Hwa lìŋgàni hvɛ lì ɔ̀jɔ̀nɔ̀ hwatò na màkanɛ̀ ma wahwi. Wɔ̀ hwa lùwa kɔ̀kìrzɛ̀ ya màwɔ̀ŋgɔ̀.”

Lukàrzɛ̀ 6:29

Mòtò à ò rzamì tɛ lùùmbɛ̀ ò lìyamà lɔ̀kɔ, ò mò eŋgòweyà hvɛ lìnɛ̀yi lìyàmà. Mòtò à ò hvɔ̀ɔ̀tɔ̀nì tɛ lòòkì lì aŋgɔ̀ ò mò hwɛ̀mɛ a wòwè hvɛ è rzɔ̀tì yà aŋgɔ̀.

1 Kɔ̀rintìyà 4:11

O lìni lìrzako irzɔ i ɛ̀ndɛnɛ ndi na e njàwò na e nyìrzɛ̀ ya malìhwa, i rza ohvi hvɛ tɔ̀ màatù ema mà jo kànɛ̀yi. Hwatò hwa jo anana hvɛ ndi i hvonda ja arzɛ. I rza hwɛnì hvɛ tɔ̀ èki ya lì lìya.

2 Kɔ̀rintìyà 1:24

I rza arza ema e hwɛ ndi nàa hwanɛyi ema, je imbɛ o lì lòkɛ̀ hweyà. Ndi irzɔ i gbèyɛ̀nɛ na inyɔ, aŋga nanù e oka mɔ̀nyɛ̀ŋgì èhwanja e tɛmi ehve-ehve o malòkɛ̀ ma anyu.

2 Kɔ̀rintìyà 10:5

I hwe gbeyàna hvɛ o lì wuulɛ tɔ̀ ima johwi ja lì ayèkirzɛ̀, ema hwa ohwa ema i gbeyà ema hwatò hwa rza hwiya Lohwɛ̀. I gbeyà hwatò ò lì tikowa màlùtèyà ma awu aŋga nanù màlùtèyà ma awu ma arzɛ ma o hwɛ ndi nàa Krirztò a arza ama mà hwɛ.

2 Kɔ̀rintìyà 11:3

Ndi tɔ̀ nanù, na oka wɔ̀ŋgɔ̀ nanù ema, na oma Mòkarzɛ̀ à mà lukɛlɛ Èhva, nanù mɛnɛ hvɛ ndi hwa e o lukɛlɛ aŋga nanù e rza ika mèèmà me anyu me arzɛ oma Yerzù Krirztò, ndèŋgànɛlɛ e rza o mo gbèeyà na mèèmà me anyu me arzɛ.

2 Kɔ̀rintìyà 12:16

Inyɔ yiti e hwi nanù ema imba na rzi hwɛ lì e kàyìrzɛ̀, ndi o hvɛhvɛ mòtò a ohwa nanù ema na hwɛ mèhvìlì ndèŋgàna nà mà e lukɛlɛnɛ mòlàŋgà.

Gàletìyà 2:4

tɔ̀ nɛ loŋgo là hwatò hwa mòlàŋgà ema hwà mà hwɛ ò ìtììtènì ja hwàlòkèlì hwa ama Krirztò, hwa mà hwɛ lì ahwaŋgelɛ nanù ema wɔ̀ hvɛ hwa hwèlì ndi hwàlòkèlì hwa ama Krirztò hwà mà arza nanù ema è gbèyɛ̀nɛ̀. Hwàŋga hwatò hwà mà kpèeyà ndi ò ìtììtènì jà arzu ò jututa, aŋga nanù oma hwa mà ɛnɛ nà oma ì gbèeyà hweyà hwe arzɛ èhwanja i hwèlì ò lìkànèyà la ama Yerzù Krirztò. Wɔ̀ hwà mà arza ndi nanù ema i hwɛ ndi hwàkòmì ò lì oŋgama imbenda jà wònyà Yudà.

Gàletìyà 4:25

Haga à hwèlì ndi nàa yòòmbò ema Lohwɛ̀ à mà ààtɛ̀ nà Morzè ò hvàko yà Rzìnàyì ò èkòmè ya Arèbìyà. Hwatò hwa Jèrurzalɛ̀mù wɔ̀ hvɛ hwa gbèyi ndi nàa Haga èhwanja wɔ̀ hwa arzɛ hwa hwèlì ndi hwàkomè.

Gàletìyà 4:3

Nyayi hvɔ̀kɔ hvɛ mɛnɛ nanù ndi irzɔhvɛ i ma hwɛ nàa hwàanà e hvonda ema Krirztò a rzi jɛ̀ɛ̀. O eŋge hvonda, Iŋginyà ja ene rze i ma jo wowa ndi nàa hwàkòmì.

Gàletìyà 4:9

Ndi nàŋgɛ ema e hwi Lohwɛ̀, tɔ̀ na ohwa ndi nàŋgɛ nanù ema, Lohwɛ̀ a e hwi, nɛ rzɔ inyɔ e arza lì timba lì hwɛ hwàkòmì hvɛ o rze ya e ŋginyà ya ene rze.

Gàletìyà 5:1

O eŋgànɛ̀lɛ̀ Krirztò à mà jo rzolowa aŋga nanù i rza hwɛ nàa hwàkòmì hvɛ. O eŋgànɛ̀lɛ̀ e ètìrzɛ̀ mataŋgà mà anyu o rze, e rzi keka lì emeyà nanù ema mòtò a e kaka o tenì ya ŋgɔkɔhwi ya hwàkòmì hvɛ.

Gàletìyà 5:10

Ndi imba na e ohvani kumba nanù mɛnɛ ema, Lohwɛ̀ a gbeyà nanù ema e rza nɔŋgɔ hwèyòkòlèlì hwe hwahvɛhvɛ hwatò ndi e nɔŋgɔ ndi e hwe ami. Lohwɛ̀ a o kɔ̀kìrzɛ̀ tɔ̀ ima mòtò ema a emirzɛ tɔ̀ a hwɛ ndi njɛnɛ.

Gàletìyà 6:12

Hwatò ema hwa hwèlì lì keka lì e nyàkìrzɛ̀ nanù ema e hwɛni lì endàhwà, hwa gbeyà ndi nanù o lì ayèkìrzɛ̀ aŋga nanù oma hwà mà luwa lìna la gbamù na hwatò hwa arzɛ. Wɔ̀ hwa oka wɔ̀ŋgɔ̀ nanù ema hwatò hwa o hwa tàkìrzɛ̀ nanù ema wɔ̀ hwa ohwa nanù ema e kpelì ema Yerzù a ŋwelɛlɛ o mbarza yɔ mɛnɛ ndi e gbeyà ema hwatò hwa o rzùŋgàhwa.

Hvìlipìyà 3:19

Ini nyayi ja hwatò, lìrzùkù la awu lì o hwɛ ndi o ɛhvɔ̀ndi ya mùnya. Eyà ema e hwa kànèyà e hwèlì ndi hweyà ema hwe hwèlì e nyɔ̀ŋgi ya e nyàma nyo ya awu. Hwa lìŋgàni o lì gbeyà hweyà ema hwe hwa jàneya irzɔ̀ni, wɔ̀ hwa lùteyà ndi hwèèmà hwe e rze ya mɔ̀nyɛ̀.

1 Tɛ̀rzàlonìyà 2:5

Inyɔ hwiti e hwi nanù ema na oma i ma hwɛ na inyɔ, i rzi e ohweyà ndi mbɔrzi ema e tɛɛ, ndèŋgànɛ̀lɛ̀ i rzi hwɛ njɔ̀ŋgu. Lohwɛ̀ mɔ̀ ŋmìti a jo tɛmelì mboŋgi.