2 Kɔ̀rintìyà 11:2 - Mokpwe: Bakwery (New Testament)

² Nà e nonelì e ŋgàna ema Lohwɛ̀ a e nonelì. Inyɔ e gbèyi ndi nàa mɔ̀ɔmbɔ̀ mo ŋgɔndɔ. Moŋgo mɔ̀ɔmbɔ̀ mo ŋgɔndɔ, mɔ̀ ndi nà mà ohwe nanù ema mòtò mɔ̀kɔ a o hwaa, ndèŋgànɛlɛ oŋgo mòtò a hwèlì ndi Yerzù Krirztò.

2 Kɔ̀rintìyà 11:2 Mawu Ofanana

Yòwanìrzɛ̀ 3:29

Mɔ̀ɔ̀mbì mò hwɛnɛhwi ndi na e mòhwɛ̀nɛ̀ wà mɔ̀ɔ̀mbì. È mbunda ya ama e mòhwɛ̀nɛ̀ wà mɔ̀ɔ̀mbì ema a tɛ̀mɛ̀ ò tòŋgòŋgò ya eni ò lì mò òkànèyà a lìŋga a hweyi tɛ lìlò la eni. Ɔ̀ndeŋgàtɛ̀ màlìŋgò ma ami ma òndi nàŋgɛ.

Ròmànì 7:4

Wònyamòwè kòkò, nanù ndi e hwèlì na inyɔ. È mbenda e rza ò kànèyà hvɛ èhwanja na òma Yerzù à mà ŋwe inyɔ hvɛ e ma ŋwa. O nàŋgɛ nanù, e hwèlì ndi hwatò hwa òhvɛhvɛ mòtò, Yerzù ema Lohwɛ̀ a hvùmùlɛ̀yi aŋga nanù i gbèeyà Lohwɛ̀ gbamù.

1 Kɔ̀rintìyà 4:15

Tɔ̀ e ohva ndi lìyomɛ̀ la hwekolì hwe hwahvɛhvɛ Hwà-òkòwèlì hwa ama Krirztò, e hwɛnì ndi rzaŋgo hvɔ̀kɔ. Nà oma nà mà e jàneyà Ŋmɛ̀ndì mò Gbamù na hwèlì ndi nàa e rzaŋgo ya anyu o ma Krirztò.

2 Kɔ̀rintìyà 4:14

Irzɔ i hwi nanù ema Lohwɛ̀ ema mo ndi à mà hvùmùlɛ̀ Rzàŋgo Yerzù, a o jo hvùmùlɛ̀ irzɔhvɛ, o lì hwɛ o lòŋgɛ na Yerzù. Ndèŋgana, Lohwɛ̀ a o jo jànà irzɔ na inyɔ o èki ema a hwèlì.

Gàletìyà 4:11

Ène eyà e gbèyi na oki wɔ̀ŋgɔ̀ nanù ema na hvàŋgi ndi e hvonda ya ami o èwòlò ya arzɛ ema na e gbèelì.

Hvìlipìyà 1:8

Lohwɛ̀ ndi à hwèlì è mboŋgi yà ami nanù ema ŋmèma ema nà è hwɛ̀nèlì mò hwèlì ndi nyàyi hvɔ̀kɔ nà oma Yerzù Krirztò mɔhvɛ à è hwɛ̀nèlì.

Kòlòrzìyà 1:28

Ɔndèŋgàtɛ̀ irzɔ jò òhweyà hwatò lì hvomɛ̀nɛ̀ Krirztò tɔ̀ ima èki ema jè ɛndɛ. I hwa kòkòwɛ̀lɛ̀, nà lì hwa okòlɛ nà lìhwiyè là arzɛ ema Lohwɛ̀ à mà jò ŋgbɛ. Irzɔ i gbeyà ndi nanù ehwànja ja arza ndi nanù ema wɔ̀ hwa èmàyɛ̀lɛ̀ ò worzo wò ama Lohwɛ̀ nàa hwatò ema màtàŋga mà awu ma mà màa lì imbami ò tenì yà lì lòkɛ̀.

1 Tɛ̀rzàlonìyà 2:11

Inyɔ e hwi nanù ema i ma e aŋgoweya gbamù na oma e rzàŋgo e aŋgoweya hwàanà hwa eni.

Hwèwulùwèlì 14:4

Hwanu hwatò hwà mà hwɛ ndi hwatò ema hwa rza atukɛ e mbìndo ya hwalana, ehwànja hwa rzi hwi morzombo mo molàna. Hwàŋga hwatò ndi hwa oŋgamà e Ŋguma ya Mɔ̀lɛ̀ŋgù tɔ̀ ima èki ema e Ŋguma ya Mɔ̀lɛ̀ŋgù e ɛ̀ndɛ. Hwanu hwatò ndi hwa o kɔ̀tɔ̀wɔ̀ o ìtììtènì ja hwatò hwa hwènàmà. Ndeŋgànɛ̀lɛ̀ wɔ̀ ndi hwa hwèlì nàa e mbota ya worzo ema e ŋgbàahwì Lohwɛ̀ na e Ŋgùma ya mɔ̀lɛ̀ŋgù nàa làhweyà.