2 Kɔ̀rintìyà 11:17 - Mokpwe: Bakwery (New Testament)

¹⁷ Tɔ̀ mamɛ ema na ohwa nàŋgɛ, e rza enje ndi eyà ema e Rzàŋgo e no òhwèlì nanù ema na ohwe. Nà kùmbi tɛ e kòkò ya ami, o lì ohwa tɔ̀ eyà o nàŋgɛ nanù, oma na e ohwa ndi nàa èetì ya mòtò.

2 Kɔ̀rintìyà 11:17 Mawu Ofanana

1 Kɔ̀rintìyà 7:12

O hwanɛ̀yi hwatò, imba ndi nà è ohweyà, rzeketɛ Rzàŋgo Yerzù. Tɔ̀ ima mòtò wà wònyà Krirztò ema a ohvi mòlanà ema a rza lòkɛ̀yì Krirztò, ema a lìŋganì lì lìya na mɔ̀, òŋgo mòtò a rzi mo hvàyà o lìhwa.

1 Kɔ̀rintìyà 7:25

O naŋgɛ nanù o lì hvomɛ̀nɛ̀ hwatò ema hwa rza hwàayi na hwaŋga ema hwa rzi hwàahwì. Imba na rza ohvi lìkànèyà ema Rzàŋgo Yerzù a no ŋgbèlì, tɔ̀ eyà o lì e ohweyà lì hvomɛ̀nɛ̀ hwenè hwètɛ̀yìrzèlèlì. Ndi tɔ̀ nɛ Rzàŋgo Yerzù à nò òŋgòwani o lì hwɛ e mòtò ema hwatò hwa lòkɛ̀yì. O èŋgànɛ̀lɛ̀ na e ohweyà mamɛ ema na hwi ema e hvomɛ̀nɛ̀yi.

1 Kɔ̀rintìyà 7:6

Nà e òhwèlì ndi ene eyà nàa màyowà, rzeketɛ lìkànèyà ndi na e kànelì.

2 Kɔ̀rintìyà 11:1

Tɔ̀ na hwɛ ndi èèti ya mòtò, na e rzorzomeya nanù ema e no hwɛmɛ na e ohweyà tɔ̀ ŋmana eyà, e òkànèyà.

2 Kɔ̀rintìyà 9:4

Ndi tɔ̀ nanù, na jelì tɛ na hwatò ema hwa uwɛ̀lɛ̀lɛ̀yi o Màrzèdonìyà, rzi na e ùŋmànɛ̀lɛ̀ ema e rzi wòŋgìrzɛ̀nɛ̀, i hwɛnɛ ìrzɔnì rzayi-rzayi ndèŋgànɛlɛ inyɔ hvɛ e o hwɛnɛ ìrzɔnì rzayi-rzayi.