2 Kɔ̀rintìyà 11:12 - Mokpwe: Bakwery (New Testament)

¹² Ène eyà ema na gbeyà nàŋgɛ nanù, na hwɛnì ndi lì e gbeyà nanù mɛnɛ aŋga nanù na rza ŋgba i àpɔ̀rzìtòlò ja mòlàŋgà ehvolo ema hwa kùmbe i kòkò ja awu nanù ema hwa gbeyà ndi molemilemi mo èwòlò ema irzɔhvɛ i gbeyà.

2 Kɔ̀rintìyà 11:12 Mawu Ofanana

Matiyò 26:16

Lìwòteya eŋge hvònda ndi Jùdàrzì a mà wòteya lì arza ŋmanò ò lì hwa akɛ̀lɛ̀lɛ̀ Yerzù.

1 Kɔ̀rintìyà 5:6

Èŋge kumba ya anyu e rza lɔ̀wu tɛɛ. Inyɔ e rza hwi nanù ema ene nyayi ya wòhwe e gbèyi ndi nàa ŋmanà ehwindi ema e agbɛlɛ lìwu la mbarzi la ehvòòto e?

1 Kɔ̀rintìyà 9:12

È hwèlì tɛ ema lòŋgo la hwatò hwa hwɛnì wònjà ya lì e ijòwa hwèèmà, rzeke irzɔ i hwɛnì wònjà rzayì-rzayì o lì e ijòwa hwèèmà lì hwa aka e? Ndi irzɔ i rzi gbeyànì a gbeyàna enè wònjà tɔ̀ wùnyà. Irzɔ ima àjùlɛ̀nɛ̀ mètàkà me arzɛ aŋga nanù, ene e rza hwɛ ndi ekèkànì na oma jo òhwa Ŋmɛ̀ndì mò Gbamù lì hvomɛ̀nɛ̀ Krirztò.

2 Kɔ̀rintìyà 1:17

Nà omà na mà tɛ̀yirzɛ hwenè hwètɛ̀yìrzèlèlì, na rzi tànɛyi lì tikowa mèèmà mo ami. Nà rzi tɛ̀yirzɛ hwenè hwètɛ̀yìrzèlèlì nàa e mòtò wa hwènàmà a tɛ̀yirzɛ. Nà rza enje mɔ̀kɔ ema a imanɛlɛ nanù ema, “Ɛ̀ɛ na gbeyà” rzi o mburzà ya hvonda hvɛ rzi a ohwa a ma, “Jàyɛ̀, na rza e gbeyà.”

2 Kɔ̀rintìyà 10:17

Ndi nà oma è tìlàhwì ò è kààtì yà Lohwà nanù ema, “Tɔ̀ njɛnɛ ema à kùmbi lìya là eni ò kòkò, à aŋgàmɛ̀nɛ̀yi ndi ò lì li kumba lì hvomɛ̀nɛ̀ hweyà ema Rzàŋgo à mò gbèelì.”

2 Kɔ̀rintìyà 11:18

Nà oma rzayì-rzayì ja hwatò hwa hwèlì o lì kùmba i kòkò na màà mà awu, nàa hwatò hwa ene rze, imbahvɛ na gbeyà nanù mɛnɛ.

2 Kɔ̀rintìyà 11:9

È hvonda ema nà mà hwɛ na inyɔ, marzako na rzi ohve tɔ̀ yoma, ndèŋgàna rzi e tàkìrzɛ̀ Èhwanja tɔ̀ mamɛ ema nà mà arze wònyanyàŋgo hwa ami hwa Krirztò ema hwà mà uwɛ̀lɛ̀lɛ̀yi o Màrzèdonìyà hwà mà hwɛ lì no ŋgba e yɔ. Nà oma na rze tàkìrzɛ̀ o hvonda ya worzo, na rza tanɛ lì e tàkìrzɛ̀ hvɛ tɔ̀ ŋgèlì tɔ̀ hvɔ̀kɔ.

2 Kɔ̀rintìyà 5:12

Irzɔ i rza àwòhwànɛ̀lɛ̀ o lì hvomɛ̀nɛ̀ hweyà hwe gbamù hvɛ. Ndi irzɔ ja arza nanù ema e ohve lìtiŋga o lì jo gbaana e kumba, aŋga nanù e hwɛnɛ eyà ya lì ohweyà hwatò ema hwa hwɛni kumba o mamɛ ema hwa gbeyà ema hwatò hwa ɛnɛ, rzeketɛ o hweyà ema hwe hwèlì o mèèmà me awu.

Gàletìyà 1:7

O tɛ̀ɛ̀tɛ̀ɛ o rza enje mohvɛhvɛ ŋmɛ̀ndì mò gbamù. Ndi imba na ohwa ndi nanù èhwanja o hwèlì lòŋgo la hwatò ema hwa e emirzɛ. Hwa arza lì keka o lì tikowa Ŋmɛ̀ndì mò Gbamù mò ama Yerzù Krirztò.

1 Tìmotì 5:14

Ɔ̀ndeŋgàtɛ̀ imba na kòkòwɛ̀lɛ̀ Hwèrzɔ̀mbɛ̀ hwe mekurze me hwalana o lì hwaahwa hvɛ na lì hwɛnɛ hwàna na o lì ɔŋgeya hvɛ i ndawò ja awu. Aŋga nanù wɔ̀ hwa rza ŋgbà hwàkɔ̀yèlì hwa arzu tɔ̀ lìtiŋga o lì ohwa wòhwe o lì jo teŋgɛ̀nɛ.