2 Kɔ̀rintìyà 11:1 - Mokpwe: Bakwery (New Testament)

¹ Tɔ̀ na hwɛ ndi èèti ya mòtò, na e rzorzomeya nanù ema e no hwɛmɛ na e ohweyà tɔ̀ ŋmana eyà, e òkànèyà.

2 Kɔ̀rintìyà 11:1 Mawu Ofanana

Matiyò 17:17

Yerzù rzìi a alàhwɛ̀ nanù ema, “Bɔ̀ɔ! Inyɔ ene nyɔ̀ŋgɔ̀nì yà wòhwe ema è rza hwɛ̀nɛ̀ lìlòkɛ̀, nà hwɛ nà inyɔ natɛ̀ɛ nà rzìtii e? Nà è ajùlɛ̀nɛ̀ hvɛ natɛ̀ɛ nà ima hvònda e? È nò jàneyà òŋgò ŋmanà ònò.”

Hwègbèèlì 18:14

Nà òma Pàwolò à mà arze lì òhwa, Galìyò e Gɔ̀winà rzi a òhweyà wònyà Yudà nanù ema, “Ène eyà e ma hwɛ tɛ ndi nàa lùùrze, tɔ eyà ya wòhwe ema mòtò a gbèyi, aŋga òma na hwɛni lìtiŋga ò lì e hweyàna inyɔ wònyà Yudà.

Hwègbèèlì 26:29

Pàwolò rzìi a mò timbirzɛlɛlɛ nanù ema, “Nà kànɛ Lohwɛ̀ nanù ema, ŋga ò ŋmanà hvòka wa hvònda tɔ̀ ò hvònda ema e wawi, rzeketɛ ò wà witi ndi tɔ̀ njɛnɛ hvɛ ema a nò òkànèyà yawònò mɔ̀ hvɛ a tànɛ lì hwɛ na òma imbahvɛ na hwèlì. Nà rza kanɛ̀ ndi nanù ema hwa e kake ŋgɔ̀kɔ̀hwì na òma hwa nò kaki e jɔ nàŋgɛ nanù.”

1 Kɔ̀rintìyà 1:21

Kànatɛ̀ Lohwɛ̀, ò lìhwiyè là eni à mà ɛnɛ nanù ema, hwatò hwa ene rze hwa rza ò tànɛ lì gbeyàna lìhwiyè là awu ò lì mò hwiya, Lohwɛ̀ à lòmi lì kàkɛ̀nɛ̀ nanù ema à rzùŋgà mòŋgɛ mà hwatò ema hwa mò lòkɛ̀, nà oma wɔ̀ hwa hweyà ŋmɛ̀ndì ema jò òhwa lì hvomɛ̀nɛ̀ Krirztò. Tɔ̀ nɛ hwatò ema hwa rza hwiyɛ Lohwɛ̀, hwa ohwa ndi ema ŋmɛ̀ndì mò hwatò hwa èètì ɔ̀ndi irzɔ jò òhwa.

1 Kɔ̀rintìyà 3:18

È hwɛmɛ lì alukɛlɛnɛ la inyɔ hwiti. È hwèlì tɛ ema mɔ̀kɔ wa anyu, a ɔ̀ŋgɛ̀lɛ̀ nanù ema a hwɛnì lìhwiyè o ene rze, inyɛ a àtimbirzɛ mɔ̀ ŋmìti èèti ya mòtò, oma à mà lùwa lìhwiyè.

1 Kɔ̀rintìyà 4:10

Hwatò hwa jo ɔ̀ŋgɔ ndi nàa i hwèlì ndi hwèèti hwe hwatò èhwanja i gbeyà Krirztò, ndi ò inyɔ è ɔ̀ŋgɛ̀lɛ̀ nanù ema è ohvi màhwìyè ehwànja e hweli mòtò mɔ̀kɔ nà Krirztò. Hwàto hwa ɔ̀ŋgɛ̀lɛ̀ nanù ema irzɔ i rza ohvi ŋginyà ya lì gbeyà tɔ̀ eyà, ndi inyɔ è ɔ̀ŋgɛ̀lɛ̀ nanù ema è ohvi e ŋgìnya ema è uhwɛ̀lɛlɛ ò mà Lohwɛ̀. Hwatò hwa rza jo ŋgbaà èluhwe, ndi hwa è ŋgbaà inyɔ èluhwe.

1 Kɔ̀rintìyà 4:8

Inyɔ e ɔ̀ŋgɛ̀lɛ̀yi nanù ema e ma màa lì lùwa mamɛ ya arzɛ ema e ɔ̀ŋgɛ̀lɛ̀ ema e arza e? È ɔ̀ŋgɛ̀lɛ̀yi nanù ema e ma màa lì nàmà e? È ma tìmba ndi i kiŋgɛ̀, tɔ̀ nɛ irzɔ i rza enje kiŋgɛ̀ e? Nà àhvìtɛ̀ ema e hwèlì ndi kiŋgɛ̀, aŋga naŋgɛ, oma irzɔ hvɛ ima hwɛ ndi kiŋgɛ̀ na inyɔ.

2 Kɔ̀rintìyà 11:19

Inyɔ hwiti e ohwa nanù ema e ohvi lìhwiyè, eŋge eyà e ma e gbeyà e emeyà na mɔ̀nyɛ̀ŋgì hweyà ema hweti hwe hwatò hwa e ohweyà.

2 Kɔ̀rintìyà 11:21

Nà oki ìrzɔnì nanù ema i rzi hwɛnɛ ene nyayi ya ŋmèma, o lì e gbeyà ene nyayi ya eyà. Nà ohwà ndi o nàŋgɛ nanù nàa èetì ya mòtò. Nà o ayèkirzɛ nà lì kùmba lìya la ami o kòkò lì hvomɛ̀nɛ̀ hweyà na gbeyà, molemilemi na oma i àpɔ̀rzìtòlò ja mòlàŋgà i gbeyà.

2 Kɔ̀rintìyà 11:4

Imba na ohwa ndi ene eyà nanù èhwanja mòtò a jelì tɛ rzi a e ohweyà ŋmɛ̀ndì ema mo rza enje ndi ŋmɛ̀ndì mo ama Yerzù Krirztò, ema irzɔ i hwèlì lì e ohweyà inyɔ e mo emeyà. Tɔ̀ e hwɛ ndi ema mɔ̀ à e ohwèlì tɛ ndi eyà ya lì hvomɛ̀nɛ̀ èlìŋgɛ̀ ema rzeketɛ yɔ ndi irzɔ je e ohweyà e emeyà. Tɔ̀ mòtò a e ohwèlì tɛ ŋmɛ̀ndì mò gbamù ema rzɛ̀kɛtɛ mo ndi irzɔ je e ohweyà, inyɔ e mo emeyà.

2 Kɔ̀rintìyà 12:11

Nà ohwa ndi nàa èèti ya mòtò ndi inyɔ ndi e gbèyi ɔ̀ndeŋgàtɛ̀ na ohwa nanù. Oma inyɔ e ohwa ndi hweyà hwe gbamù o lì no hvomɛ̀nɛ̀. Tɔ̀ e hwɛ ndi nanù ema na rza enje tɔ̀ yoma, ndi hwatò ema inyɔ e hwɛlɛ i àpɔ̀rzìtòlò ndɛnɛ, i rza no akani tɔ̀ eyà.

2 Kɔ̀rintìyà 5:13

Lòŋgo la hwatò hwa ohwa ndi nanù ema jo òhwa ndi nàa hwatò ema hwa kpanyi. Ène eyà e hwèlì tɛ e jɔ̀kɛ̀, nanù oma Lohwɛ̀ mɔ̀ ndi irzɔ i kànɛ. Jo òhwa tɛ hweyà nàa hwatò ema hwa rza kpanyɛ nanù oma jo òhwa ndi o lì e oŋgòwànà.

Hibrù 5:2

O àjùlɛ̀nɛ̀ hwatò ema hwà mà hvònda e njiya, ehwànja wɔ̀ hwa rza hwi hweyà ema hwa gbeyà, ndèŋgànɛ̀lɛ̀ mɔ̀ hvɛ a hwèlì ndi e mòtò wa hwènàmà ndeŋga ehwànja mɔ̀ hvɛ a ohvi màtona.