2 Kɔ̀rintìyà 10:2 - Mokpwe: Bakwery (New Testament)

² Nà e rzorzomelì ema e rzi gbeyà na oma hwaŋga hwatò hwa gbeyà aŋga nanù na e jɛlɛlɛ tɛ, na e ohwirzɛnɛ e rzi hwɛ tɔ̀ wɔ̀ŋgɔ̀ tɔ̀ wɔ̀kɔ. Hwatò ema na o òhwirzɛnɛ, wɔ̀ ndi hwa hwèlì hwaŋga hwatò ema hwa ohwa nanù ema irzɔ i gbeyà ndi èwòlò nàa hwatò hwa ene rze hwa e gbeyà.

2 Kɔ̀rintìyà 10:2 Mawu Ofanana

Ròmànì 8:1

O nàŋgɛ, Lohwɛ̀ a rza tùulɛ̀ mòtò ema a hwèlì na Yerzù Krirztò ŋmàŋgò.

Ròmànì 8:4

Lohwɛ̀ à mà gbeyà ndi nanù, aŋga nanù hwatò ema hwa rza òŋgama hweyà na e ŋginyà ya e mòtò wa hwènàmà ndi ema hwa òŋgama ndi hweyà na e ŋginyà ya Èlìŋgɛ̀ ya ama Lohwɛ̀, hwa ò gbeyà ndi hweyà ema hwe hvòmɛ̀nɛ̀yi na òma e mbenda e òhwi nanù ema hwa gbeye.

Ròmànì 8:5

Hwàŋga hwatò ema hwa lìya lòŋgɛ na òma e nyàmà ya nyò ya arza, hwa ika ndi mèèmà me awu ò hwèèmà hwe e nyò ya e mòtò wa hwènàmà. Ndi hwatò ema hwa gbeyà hweyà na òma Èlìŋgɛ̀ yà ama Lohwɛ̀ e òhwa, hwa ika ndi mèèmà me awu ò Èlìŋgɛ̀ ya ama Lohwɛ̀.

2 Kɔ̀rintìyà 1:17

Nà omà na mà tɛ̀yirzɛ hwenè hwètɛ̀yìrzèlèlì, na rzi tànɛyi lì tikowa mèèmà mo ami. Nà rzi tɛ̀yirzɛ hwenè hwètɛ̀yìrzèlèlì nàa e mòtò wa hwènàmà a tɛ̀yirzɛ. Nà rza enje mɔ̀kɔ ema a imanɛlɛ nanù ema, “Ɛ̀ɛ na gbeyà” rzi o mburzà ya hvonda hvɛ rzi a ohwa a ma, “Jàyɛ̀, na rza e gbeyà.”

2 Kɔ̀rintìyà 11:21

Nà oki ìrzɔnì nanù ema i rzi hwɛnɛ ene nyayi ya ŋmèma, o lì e gbeyà ene nyayi ya eyà. Nà ohwà ndi o nàŋgɛ nanù nàa èetì ya mòtò. Nà o ayèkirzɛ nà lì kùmba lìya la ami o kòkò lì hvomɛ̀nɛ̀ hweyà na gbeyà, molemilemi na oma i àpɔ̀rzìtòlò ja mòlàŋgà i gbeyà.

2 Kɔ̀rintìyà 13:10

Ɔ̀ndeŋgàtɛ̀ na tìla hwene hweyà tɔ̀ nɛ na rza enje na inyɔ. Nà e tìleya ndi nanù, aŋga nanù na e jɛlɛlɛ tɛ, na rza o gbeyàna e ŋginyà ema e Rzàŋgo e no ŋgbelì, o lì e lomeya. Lìkànèyà ema e Rzàŋgo e no ŋgbelì lì hwèlì ndi nanù ema imba na e oŋgowane o lì e ètìrzɛ̀, rzeketɛ o lì li gbeyàna o lì e rzuulɛ.

2 Kɔ̀rintìyà 13:2

È hvonda ema nà mà e jèeya o ŋgèlì ema e ùkirzɛ̀ ihwakɛ, nà mà e ohweyà nanù ema na o kɔ̀kìrzɛ̀ hwatò ema hwa gbeyà wòhwe o ìtììtènì ja anyu. Nà hwèlì na hwa ohweyà hvɛ nàŋgɛ, ndèŋgànɛlɛ na ohweyà hvɛ hwahvɛhvɛ hwatò ema wɔ̀ hvɛ hwa gbeyà wòhwe tɔ̀ nàŋgɛ ema na rza enje na inyɔ. È hvonda ema na o jɛ̀ɛ̀ hvɛ na rza o òkeya tɔ̀ mòtò tɔ̀ ììlì.