2 Kɔ̀rintìyà 1:6 - Mokpwe: Bakwery (New Testament)

⁶ Ò èŋgànɛ̀lɛ̀ rzɔ i lu tɛ mètàkà, è hwèlì ndi ò lì e ètirzɛ mèèmà nà o lì luwa loŋgirzɛ. È hwèlì tɛ ema, Lohwɛ̀ a jo etìrzɛ̀yi mèèmà me arzu mèèmà me anyu meyɔ̀hvɛ me ètìrzɛ̀hwɛ. Àŋga ndi e lùwa màyìmbì mà lì àjùlɛ̀nɛ̀ mòlèmìlèmi mo mètàkà, nà lì kaka là mèèmà, nà oma irzɔ hvɛ i me àjùlɛ̀nɛ̀yi.

2 Kɔ̀rintìyà 1:6 Mawu Ofanana

Hwègbèèlì 21:5

Ndi na òma e hvònda ya arzu na wɔ e ma ɔ̀lɛ irzɔ i ma hwa lìiya aŋga, rzi je ɛndɛ e ya arzu. Wɔ hwa arzɛ na i jòjìyɛ̀ ja awu na hwàanà hwa awu, hwà mà jò lìyɛlɛ ò lì wurza ò tenì ya eŋge mbòwa ndɛnɛ. I ma hwɛmɛ e mbòwa rzìi jò uka ò rzàawà. Irzɔ hwa arzɛ i ma rzuma màwɔ̀ŋgɔ̀ŋgɔ̀ ma arzu ò mòkòkò rzi i kànɛ.

Ròmànì 8:28

I hwi nanù ema tɔ̀ mamɛ ema e gbèyɛ̀nɛ, Lohwɛ̀ à mà e gbèeyà ò gbaamù ò hwatò ema hwa mò lìŋgàni, wɔ̀ ema mɔ̀ à hwɛlɛyi ò lì gbeyà na òma mɔ̀ à arza.

2 Kɔ̀rintìyà 1:4

À jò ètirzɛ mèèmà mè arzu ò lì hvomɛ̀nɛ̀ i ndùtù ja arzu ja àrzɛ ema i lùwa. O lì àrza nanù ema irzɔhvɛ i ètirzɛ mèèmà me hwanɛ̀yi hwatò ema wɔ̀ hvɛ hwa ohvi nyayi nà nyayi ja ndùtù. Inyɛ̀ i hwa ètìrzɛ̀ mèèmà me awu, nà omà Lohwɛ̀ mɔ̀ hvɛ à jo ètìrzɛ̀, e me arzu mèèmà.

2 Kɔ̀rintìyà 12:15

Nà o òka mɔ̀nyɛ̀ŋgì o lì gbeyàna tɔ̀ ima yoma ema na ohvi tɔ̀ e nyo ya ami o lì e oŋgòwànà. Nà e lìŋgàni tɛ rzayi-rzayi, rzeke inyɔ hvɛ e hwɛni o lì no lìŋgàna rzayi-rzayi.

2 Kɔ̀rintìyà 5:5

Lohwɛ̀ mɔ̀ ŋmìti ndi à jo rzekelì o lì luwa hwene hwetikowelì, ndèŋgànɛlɛ a jo òmelì Èlìŋgɛ̀ ya eni ya wòtani o lì uŋmɛ̀lɛ̀ nanù ema ene eyà e o gbèyɛ̀nɛ.

Ɛ̀hvìrzìyà 3:1

Lìtiŋga lìni ema imba Pàwolò na e kanɛ̀lɛ̀lɛ̀. Nà hwèlì ndi e mòtò wa hwèwòwà èhwanja na hwèlì ndi mògbèèlì wa ama Yerzù Krirztò ndeŋga na e ohweyà eyà yà Lohwà.

Ɛ̀hvìrzìyà 3:13

Ò èŋgànɛ̀lɛ̀ rzɔ nà è àtɛ̀kɛ̀ ema, è rzi tùùhweyà ŋmèma èhwanja mètàkà ema nà lùwa inyɔ ndeŋgatɛ nà mè lùwa. Imba nà hwèlì ndi ò lì è tàkeyà. Moŋgo mòtakà mɔ̀ ndi mò è jàneyà mɔ̀rzɛ̀ŋgi.

Hvìlipìyà 1:19

Nà oka ndi mɔ̀nyɛ̀ŋgì nanù mɛnɛ ehwànja na hwi nanù ema lì kànɛ ema e no kànɛlɛlɛ ndèŋgànɛ̀lɛ̀ lì oŋgowàna ema Èlìŋgɛ̀ ya ama Yerzù Krirztò e o no ŋgba, hwe o no gbeyà imba o lì luwa lì rzuŋgàhwa.

2 Tìmotì 2:10

O eŋgànɛ̀lɛ̀ na àjùlɛ̀nɛ̀ mono mòtàkà, aŋga nanù hwatò ema Lohwɛ̀ à hvɔ̀rzì wɔ̀hvɛ hwa ò luwa lìrzùŋgàhwa ema lì uwɛ̀lɛ̀lɛ̀yi ò mà Yerzù Krirztò, ndèŋgàna hwa o hwɛ ndi o rze ya èluhwe ya ama Lohwɛ̀ o gbìndèyà na o gbìndèyà.