2 Kɔ̀rintìyà 1:23 - Mokpwe: Bakwery (New Testament)

²³ Lohwɛ̀ ndi à hwèlì e mboŋgi ya ami, e uŋmɛ̀lɛ̀ ema màmɛ ya arzɛ ema na ohwa e hwèlì ndi e jɔ̀kɛ̀. Lìtìŋga ndèŋgàtɛ̀ na rzi timbe hvɛ o Kɔ̀rintò, lì hwèlì ndi ema, na rzi arze ema e hweye wòhwe.

2 Kɔ̀rintìyà 1:23 Mawu Ofanana

Hwègbèèlì 18:1

O mburzà hwenè hweyà hwe arzɛ, Pàwolò à mà anjiya ò mbòwa ndɛnɛ ya Atɛ̀nrzì rzi a ɛ̀ndɛ ò mbòwa ndɛnɛ ya Kɔ̀rintò.

Hwègbèèlì 18:8

Klìrzpùrzì, ema mɔndi à mà hwɛ e mòkànèlì wa e ndawò ya màkanɛ̀ ya wònyà Yudà, mɔ̀ na lìtumba la eni la arzɛ, hwà mà lòkɛ̀ e Rzàŋgò. Rzayì-rzayì ja hwatò hvɛ ò Kɔ̀rintò hwà mà hweyà Ŋmɛ̀ndì mò Gbamù, hwà mà mò lòkɛ̀ ndèŋgàna hwà mà lùhwìrzɛ̀hwɛ̀.

Ròmànì 1:9

Lohwɛ̀ ema nà gbèeyà nà ŋmèma mɔ̀kɔ ò lì òhwa Ŋmɛ̀ndì mò Gbamù mò ama è Ŋmanà wà eni, mɔ̀ ndi à hwèlì è mbòŋgi yà ami nanù ema nà è ɔ̀ŋgɛ̀lɛ,

Ròmànì 9:1

Nà òhwa ndi e jɔ̀kɛ̀ nàa e mòtò ema a lòkɛ̀ Krirztò, na rza kɔwu hweyà. Ŋmèma mò ami ema èlìŋgɛ̀ yà wòtani e kànèyà mò nò òhweyà nanù ema na rza kɔwu hweyà.

1 Kɔ̀rintìyà 4:21

Mamɛ inyɔ e hvɔ̀rzì e? Nà jelì tɛ na e kɔ̀kìrzɛ̀ èhwanja e ondi kumba, ŋga na jàne ndi e ndìŋgɛ, na èlìŋgɛ̀ ema ya arzirzɛ e?

1 Kɔ̀rintìyà 5:5

È ŋgbe rzɔ òŋgo mòtò o ma Mòkarzɛ̀, oma èŋge nyo ya eni ya wòhwe e ma hvàŋgahwà o lì mo rzuŋga èlìŋgɛ̀ ya eni o wùnyà ema Rzàŋgo Yerzù a jà.

2 Kɔ̀rintìyà 1:1

Imba Pàwolò e Àpɔ̀rzìtòlò yà ama Yerzù Krirztò, nà omà e mà tɛyìrzɛhwɛ na Lohwɛ̀. Imba ndi na tìlì ene kààtì o irzɔ nà ŋmànyàŋgò wà arzu wà Krirztò Tìmòtì je omelì ikɔ̀mi. Inyɔ, lì arzàŋganɛ là hwatò hwa Lohwà ema e hwèlì ò è mbowà yà Kɔ̀rintò, na hwanɛ̀yi hwatò hwa arzɛ hwa Lohwà ema hwa hwèlì o erzoòkà ya Àkayiyà.

2 Kɔ̀rintìyà 1:18

O worzò wo ama Lohwɛ̀ ema a gbeyà mamɛ ema a ohwi à mà a gbeyà, jo òhwi tɛ ema i gbeyà eyà, je e gbeyà.

2 Kɔ̀rintìyà 10:2

Nà e rzorzomelì ema e rzi gbeyà na oma hwaŋga hwatò hwa gbeyà aŋga nanù na e jɛlɛlɛ tɛ, na e ohwirzɛnɛ e rzi hwɛ tɔ̀ wɔ̀ŋgɔ̀ tɔ̀ wɔ̀kɔ. Hwatò ema na o òhwirzɛnɛ, wɔ̀ ndi hwa hwèlì hwaŋga hwatò ema hwa ohwa nanù ema irzɔ i gbeyà ndi èwòlò nàa hwatò hwa ene rze hwa e gbeyà.

2 Kɔ̀rintìyà 11:10

Nà oma na ohwa e jɔ̀kɛ̀ na mòtò wa Krirztò, tɔ̀ mòtò tɔ̀ mɔ̀kɔ o erzòòkà ya Àkayiyà a rza tanɛ a no tɛmirzɛ o lì kùmba lìya la ami o kòkò ema na rza lu etàŋgì na inyɔ.

2 Kɔ̀rintìyà 11:11

È ɔ̀ŋgɛ̀lɛ̀yi ema na ohwa ndi nanù èhwanja na rza e lìŋgàni e? Lohwɛ̀ a hwi ema na e lìŋgàni.

2 Kɔ̀rintìyà 11:31

Lohwɛ̀, e Tatɛ̀ ya ama Rzàŋgo Yerzù Krirztò a hwi nanù ema na rza kɔ hweyà. Jèka i hwɛ na mɔ̀ o gbìndèyà nà ò gbìndèyà.

2 Kɔ̀rintìyà 12:20

Nà oka wɔ̀ŋgɔ̀ nanù ema na jelì tɛ o lì e ɛnɛ na e ùŋmanɛlɛ e gbeyà hweyà ema na rza lìŋganɛyi, ndèŋgànɛlɛ imba hvɛ na gbeyà hweyà ema inyɔ hvɛ e rza lìŋgànɛyi. Nà oka wɔ̀ŋgɔ̀ nanù ema na jelì tɛ na e ùŋmanɛlɛ o motaŋgo, e anònànɛ̀yì mɔ̀kɔ na ɔ̀nɛyi, e ahwɛ̀nɛ̀nɛ̀yi hwètàtò, e rza o arza nanù ema ohvɛhvɛ mòtò a hwɛnɛ èluhwe, e àhwɛ̀nyɛ̀nɛ̀yì, e a o àyìndànɛ̀, e o òhva kumba ndèŋgàna e o gbeyà ndi hweyà hwe mbùnakɛ̀.

2 Kɔ̀rintìyà 13:10

Ɔ̀ndeŋgàtɛ̀ na tìla hwene hweyà tɔ̀ nɛ na rza enje na inyɔ. Nà e tìleya ndi nanù, aŋga nanù na e jɛlɛlɛ tɛ, na rza o gbeyàna e ŋginyà ema e Rzàŋgo e no ŋgbelì, o lì e lomeya. Lìkànèyà ema e Rzàŋgo e no ŋgbelì lì hwèlì ndi nanù ema imba na e oŋgowane o lì e ètìrzɛ̀, rzeketɛ o lì li gbeyàna o lì e rzuulɛ.

2 Kɔ̀rintìyà 13:2

È hvonda ema nà mà e jèeya o ŋgèlì ema e ùkirzɛ̀ ihwakɛ, nà mà e ohweyà nanù ema na o kɔ̀kìrzɛ̀ hwatò ema hwa gbeyà wòhwe o ìtììtènì ja anyu. Nà hwèlì na hwa ohweyà hvɛ nàŋgɛ, ndèŋgànɛlɛ na ohweyà hvɛ hwahvɛhvɛ hwatò ema wɔ̀ hvɛ hwa gbeyà wòhwe tɔ̀ nàŋgɛ ema na rza enje na inyɔ. È hvonda ema na o jɛ̀ɛ̀ hvɛ na rza o òkeya tɔ̀ mòtò tɔ̀ ììlì.

2 Kɔ̀rintìyà 6:6

Ima awuŋmɛ̀lɛ̀ hvɛ nanù ema i hwèlì ndi hwàgbèelì hwa ama Lohwɛ̀ na oma i ma gbeye hweyà hwe gbamù na mèèmà ema me rzaŋgi, Lohwɛ̀ à mà jo ŋgba lì rzɔŋgìtɛ̀nɛ̀ o lì hwiya e nyayi ya lòŋgɛ ema i hwɛni lì lìya, lì àjùlɛ̀, na lì ohva ŋmèma mo gbamù o lì oŋgòwànà hwatò. Èlìŋgɛ̀ ya wòtani ndi e jo timba, ndèŋgànɛlɛ i lìŋgàni hwatò hwa arzɛ na ŋmèma mɔ̀kɔ.

Gàletìyà 1:20

Hweyà ema na e tìleyà hwe hwèlì ndi è jɔ̀kɛ̀. Lohwɛ̀ a hwi nanù ema na rza kɔ̀ ndi hweyà.

Hvìlipìyà 1:8

Lohwɛ̀ ndi à hwèlì è mboŋgi yà ami nanù ema ŋmèma ema nà è hwɛ̀nèlì mò hwèlì ndi nyàyi hvɔ̀kɔ nà oma Yerzù Krirztò mɔhvɛ à è hwɛ̀nèlì.

1 Tɛ̀rzàlonìyà 2:5

Inyɔ hwiti e hwi nanù ema na oma i ma hwɛ na inyɔ, i rzi e ohweyà ndi mbɔrzi ema e tɛɛ, ndèŋgànɛ̀lɛ̀ i rzi hwɛ njɔ̀ŋgu. Lohwɛ̀ mɔ̀ ŋmìti a jo tɛmelì mboŋgi.

1 Tìmotì 1:20

Ò ìtììtènì ja hwatò ema nà ohwa nanù, mɔ̀kɔ à hwèlì ndi Hìmɛ̀nàyèyùrzì ɔ̀nɛyi hvɛ Àlɛ̀rzanda. Hwanu hwatò nà hwa lìyèlì mòkarzɛ̀ ò màà. Àŋga nanù hwa hwiya nanù ema ò rza lɔ̀wu lì ohwàna Lohwɛ̀ ìrzìlàkò.