2 Kɔ̀rintìyà 1:22 - Mokpwe: Bakwery (New Testament)

²² Lohwɛ̀ à mà jo ika embànèlì ya eni o lì uŋmɛ̀lɛ̀ nanù ema i hwèlì ndi hwatò hwa eni. A ika hvɛ Èlìŋgɛ̀ yà Wòtani o mèèmà me arzu, o lì uŋmɛ̀lɛ̀ ema i lùwa mamɛ ya arzɛ ema a jo kàkɛ̀nɛ̀yi.

2 Kɔ̀rintìyà 1:22 Mawu Ofanana

Yòwanìrzɛ̀ 3:33

Tɔ̀ ima mɔ̀ ema a emeyà mamɛ ema a òhwi, nanù ò ma a emelì na ŋmèma mò eni mò arzɛ ema Lohwɛ̀ a hwèlì ndi Lohwɛ̀ na e jɔ̀kɛ̀.

Yòwanìrzɛ̀ 6:27

È rza atàkìrzɛ̀ ò mòlelì ema mò hvaŋgeyà, ndi è atàkìrzɛ̀ ndi ò mòlelì ema mò ò hwɛ̀ɛ natɛ̀ɛ na ò gbìndèyà mòŋgò mòlelì ndi mò ŋgba lòŋgɛ ema lì rza kuwa. Mòŋgò mòlelì ndi è Ŋmanà wà è Mòtò wà Hwènàmà a ò e ŋgba. Mɔ̀ ndi Tatɛ̀ Lohwɛ̀ à mà ika èèmbanelì ò lì gbeyà nanù.”

Ròmànì 4:11

Hwa mà mò endà ò mburza hvònda ema Lohwɛ̀ à mà màa lì mò emeyà. Nà òma hwa mà mò endè, eŋge è mà hwɛ ndi ɛ̀mɛ̀nɛ̀nì, ò lì òndìrzɛ̀ nanù ema, à mà emeyàlɛhwɛ ò wòrzò wò ama Lohwɛ̀ nàa mòtò ema à tɛmì ehve-ehve èhwanja à mà lòkɛ̀ Lohwɛ̀. Tɔ̀ nɛ è hvònda ema à mà emeyàlɛhwɛ ema à tɛmì ehve-ehve òma à rza endàhwi. Èŋge eyà è mà hwɛ ndi nanù aŋga nanù Abràhamù mɔ̀ ndi à hwɛ è tatɛ̀ yà hwaŋga hwatò hwa arzɛ ema hwa rza endàhwɛ̀, ema hwa emeyàlɛhwɛ nàa hwatò ema hwa tɛmì ehve-ehve èhwanja hwa lòkɛ̀ Lohwɛ̀.

Ròmànì 8:23

Rzeketɛ ewèkèlì yiti mɛnɛ ndi e ɔnyɔ. Irzɔ hvɛ ema jò òhvi Èlìŋgɛ̀ ema Lohwɛ̀ à mà lòma lì jò ŋgba nàa jàhwèyà ja wòrzò, irzɔ hvɛ i hwèlì jò ɔnyɔ ò mèèmà me arzu. I ma ika mèèmà me arzu me arzɛ ò lì ambɛ̀lɛ̀ eŋge hvònda ema Lohwɛ̀ a ò jò gbèèyɛ̀ hwàanà hwa eni, ò lì jò rzòlòwà inyò ja arzu ja arzɛ ò ŋgɔkɔhwi rzi a jò ŋgba nyò hvènya.

Ròmànì 8:9

Ndi inyɔ, e rza enje hwatò ema yòwò ya nyò ye e kànèyà, ndi inyɔ e lìya ndi na òma Èlìŋgɛ̀ yà Wòtani ye e kànèyà ò lì lìya. Nà e jɔ̀kɛ̀ Èlìŋgɛ̀ ya Lohwɛ̀ e hwèlì ò tenì ya anyu. Tɔ̀ njɛ̀nɛ ema a rza hwɛnɛ Èlìŋgɛ̀ ya ama Krirztò, a rza enje na Krirztò.

2 Kɔ̀rintìyà 5:5

Lohwɛ̀ mɔ̀ ŋmìti ndi à jo rzekelì o lì luwa hwene hwetikowelì, ndèŋgànɛlɛ a jo òmelì Èlìŋgɛ̀ ya eni ya wòtani o lì uŋmɛ̀lɛ̀ nanù ema ene eyà e o gbèyɛ̀nɛ.

Ɛ̀hvìrzìyà 4:30

È rzi gbeyà hweyà ema hwe gbèeyà Èlìŋgɛ̀ yà Wòtani e hwɛ̀ɛ rzɔ̀lùu. Èlìŋgɛ̀ yà Wòtani e gbèyi ndi nàa embànèlì ema Lohwɛ̀ à mà e ika o lì ambɛlɛlɛ wùùnya wo lìrzùkù ema a e kɔ̀tɔ̀.

1 Tɛ̀rzàlonìyà 4:8

O eŋgànɛ̀lɛ rzɔ tɔ ima mòtò ema a rzɔ̀rzi hwene hwèyòkòlèlì, a rza rzɔ̀rzi ndi e mòtò wà hwènàmà ndi à rzɔ̀rzi ndi Lohwɛ̀ ema a e ŋgbelì èlìŋgɛ̀ yà wòtani.

2 Tìmotì 2:19

Ndi tɔ̀ nanù hweyà ema Lohwɛ̀ à mà rzeeya, hwe rza tikowahwa. Ndèŋgana e tìlahwì o ŋmanyu ya eni nanù ema, “È Rzàŋgo e hwi hwaŋga hwatò ema hwa hwèlì e hwe eni,” ndèŋgàna e tìlahwì nanù ema, “Hwaŋga hwatò hwa arzɛ ema hwa ohwa nanù ema wɔ̀ hwa hwèlì ndi na e Rzàŋgo, hwa hwɛni lì kumbɛ e mburza o hwègbèèlì hwe wòhwe.”

Hwèwulùwèlì 2:17

Tɔ̀ njɛnɛ ema à hwɛnì matò inyɛ à okànèyà mamɛ Èlìŋgɛ̀ è ohweyà ŋmèmba. Hwàto ema hwa akayi wòhwe, imba nà ò hwa ŋgbà mana ema imba nà hwa utelì, ndèŋgànɛ̀lɛ̀ nà ò hwa ŋgba hvɛ lìŋyàyi ema lì ɛneyà mbɔ̀mi. Ò ŋmanyu yà lìŋgi lìŋyàyi, hwa mà tìla lìnà lì hvènya ema tɔ̀ mòtò à rza hwiyɛ, lì aka tɛ è mòtò mɛnɛ ema à ò ŋgbahwa lìŋgi lìŋyàyi.’”

Hwèwulùwèlì 7:3

rzìi a hwa ohweyà nanù ema, “Inyɔ e rzi hvàŋga e rze ya mɔ̀nyɛ̀, tɔ̀ ŋmàànja, tɔ̀ mayi, natɛ̀ɛ e hvonda ema i kukɛ eembànelì o imbɔ̀mbɔ̀ ja hwàgbèèlì hwa ama Lohwɛ̀.”

Hwèwulùwèlì 9:4

Hwà mà ohweyà megbambembe nanù ema hwa rzi keka lì hvàŋga hwèwùlè, hweyàlì na mayi. Ndi hwà mà hwa ohweyà nanù ema, hwa hvàŋge ndi hwatò ema hwa rza kukɛhwɛ eembànelì ya ama Lohwɛ̀ o imbɔ̀mbɔ ja awu.