2 Kɔ̀rintìyà 1:17 - Mokpwe: Bakwery (New Testament)

¹⁷ Nà omà na mà tɛ̀yirzɛ hwenè hwètɛ̀yìrzèlèlì, na rzi tànɛyi lì tikowa mèèmà mo ami. Nà rzi tɛ̀yirzɛ hwenè hwètɛ̀yìrzèlèlì nàa e mòtò wa hwènàmà a tɛ̀yirzɛ. Nà rza enje mɔ̀kɔ ema a imanɛlɛ nanù ema, “Ɛ̀ɛ na gbeyà” rzi o mburzà ya hvonda hvɛ rzi a ohwa a ma, “Jàyɛ̀, na rza e gbeyà.”

2 Kɔ̀rintìyà 1:17 Mawu Ofanana

Matiyò 1:19

Kànàtɛ̀ Jòrzɛ̀hvù è mùnyanà wà eni à mà hwɛ ndi mòtò wà gbamù, à rzi lìŋgàne lì jàneyà Màliyɛ̀ ìrzɔnì. O èŋgànɛ̀lɛ̀ à mà lùtèya ò ŋmèma ò lì hvaŋga ehwàndà ò jututa.

Matiyò 5:37

È òhwi tɛ nanù ema e gbèya eyà, e òhwe ndi ema, ‘Ɛ̀ɛ, na e gbèya.’ Tɔ e ò hwɛ ndi nanù ema, ‘Jàyɛ̀, na rza e gbèya.’ Tɔ̀ mamɛ ema e òhwi lì aka nanù, e uhwɛ̀lɛ̀lɛyi ndi na Mòkarzɛ̀.”

Yòwanìrzɛ̀ 8:15

Inyɔ e kàyìrzɛ̀ ndi hwetɛmelì hwe ami hwe mòtò wa hwènàmà, imba na rza kàyìrzɛ̀ tɔ̀ mòtò mɔ̀kɔ

2 Kɔ̀rintìyà 1:12

Mamɛ ya arzɛ ema e gbèyɛ̀nɛ̀yi, e jò ŋgbelì kumba. I tànɛyi lì ohwà na mèèmà me rzaŋgi ema o hwɛ̀ɛ̀mɛ̀ hwɛ arzu hwe arzɛ anù rze, rzɛ̀hvɔ̀nì na oma i hwèlì na inyɔ na mèèmà me wòtani, na e jɔ̀kɛ̀ ya arzu. Nànù ndi Lohwɛ̀ a mà tɛ̀yirzɛ ema e hwɛ. Rzeketɛ o lìhwiyè la arzù la mòtò wa hwènàmà, ììlì ja ama Lohwɛ̀.

2 Kɔ̀rintìyà 11:18

Nà oma rzayì-rzayì ja hwatò hwa hwèlì o lì kùmba i kòkò na màà mà awu, nàa hwatò hwa ene rze, imbahvɛ na gbeyà nanù mɛnɛ.

Gàletìyà 1:16

A ma no wuluhweyà è Ŋmanà wà eni, aŋga nanù imba na ohweyà hwaŋga hwatò ema hwa rza enje wònyà Yudà ŋmɛ̀ndì mò gbamù mo ama oŋgo ŋmanà wa eni. Nà oma à mà gbeye nanù, na rzi ɛndɛ o lì ùŋmànɛ̀lɛ̀ tɔ̀ mòtò tɔ̀ mɔ̀kɔ wa hwènàmà o lì no òkolɛ mamɛ ema na hwɛni lì gbeyà.

Gàletìyà 2:2

Nà mà ɛndɛ ndi èhwanja Lohwɛ̀ à mà nò wuluhweyà nanù ema nà ɛndɛ aŋga. Nà oma nà mà hwɛ aŋga, ì mà tàneyà wùndɛ̀ nà hwàtìmbèlì hwa ŋmèmba, nà mà hwa telɛlɛ ŋmɛ̀ndì mò gbamù ema nà mà ohweyà hwaŋga ema hwa rza enje wònyà Yudà. Nà mà gbeyà ndi nanù ò lì oka wɔ̀ŋgɔ̀ nanù ema èwòlò ema nà mà gbèyi nà è yɔ̀ ema nà hwèlì nà gbeyà è rzi hwɛ ŋgundu.

1 Tɛ̀rzàlonìyà 2:18

Ène eyà e ma hwɛ ndi nanù ehwànja i ma arza lì e jèeya. Imba mbiti Pàwolò nà mà atàkìrzɛ ŋgèlì rzayi-rzayi o lì e jèeya ndi Mòkarzɛ̀ a rzi ŋgbe ehvolo.

Jèmìrzì 5:12

Ìi wònyànyàŋgo wa ami kòkò, o ŋmanyu ya hweyà hwe arzɛ, e rzi aàtɛ tɔ̀ o lìna la e ŋmanyu yà lohwà, tɔ̀ o e lɔ la ene rze, tɔ̀ o tɔ̀ mamɛ ya ene rze. Ndi e ohwi tɛ nanù ema, “Ɛ̀ɛ” eŋge ŋgànà e hwèlì ndi ɛɛ, ndèŋgànɛ̀lɛ̀ e ohwi hvɛ tɛ nanù ema, “Jàyɛ̀” eŋge ŋgànà e hwɛ ndi jàyɛ̀. È gbèyi tɛ nanù, Lohwɛ̀ a rza e kɔ̀kìrzɛ̀.