2 Kɔ̀rintìyà 1:13 - Mokpwe: Bakwery (New Testament)

¹³ Mamɛ ya arzɛ ema je e tilelì, e hwèlì ndi mamɛ e tànɛyi lì laŋga nà lì rzɔ̀ŋgìtɛ̀nɛ̀. Nà àhvìtɛ̀ ema e rzɔ̀ŋgìtɛ̀nɛ̀ hwenè hweyà hwe arzɛ i hvonda ja arzɛ.

2 Kɔ̀rintìyà 1:13 Mawu Ofanana

Hwègbèèlì 27:39

Nà òma wùnyà wò ma yahwe, hwatò ema hwà mà hwɛ lì lukà mèelì me ŋmànja hwa rzi embe e rzàawà ema hwà mà hwɛ. Ndi hwà mà ɛnɛ e rzàawa ema mèelì me ŋmànja me ma tanɛ lì rzilɛ̀wɛ̀ aŋga. Wɔ̀ hwà mà kaka nanù ema e hwèlì tɛ nanù ema meŋge melì me ŋmànja me tànɛyi tɛ lì uka aŋga wɔ̀ hwa me hwɛmɛ ò lì àyɛ̀rzɛ̀ ò eŋge rzàawà.

1 Kɔ̀rintìyà 1:8

Rzàŋgo Yerzù mɔ̀hvɛ à hwɛnì lì è etìrzɛ̀ màlòkɛ̀ mà anyu, natɛ̀ɛ nà ò lìrzukù là ene rze. Ò lì arza nanù ema è rza hwɛnɛ lùùrzè ò wùnyà wà ama Rzàŋgo Yerzù Krirztò a o jà o lì kàyìrzɛ̀ hwatò hwa arzɛ.

2 Kɔ̀rintìyà 13:6

Nà lòkɛ̀ nanù ema inyɔ e embi nanù ema èwòlò ema i gbeyà, e uŋmɛ̀lɛ̀ nanù ema i hwèlì ndi àpɔ̀rzìtòlò ja jɔ̀kɛ̀.

2 Kɔ̀rintìyà 4:2

I rzɔnjɛ̀lɛ̀ hwègbèèlì hwe arzu hwe wùndɛ̀ ja wòhwe, na hweyà ema hwe jànà ìrzɔnì. I rza e lùkɛ̀lɛ̀ na jòòhwì ja arzu ja wàna tɔ̀ lì tìkòwà e mbɔrzi ya Lohwà o lì e ɔnjɔ. Ndi jo òkolɛ hwatò Eyà ya Lohwɛ̀ nyayi ema hwa e rzɔŋgìtɛ̀nɛ̀. Nà oma jo òkolɛ Èya yà Lohwà na ŋmèma mɔ̀kɔ, tɔ̀ mòtò a rza tànɛyi lì ohwa o ŋmèma mo eni nanù ema i mo lukɛlɛ ndi lì lukɛlɛ. Irzɔ i hwi nanù ema Lohwɛ̀ a hwi tɔ̀ mamɛ ema i gbeyà.

2 Kɔ̀rintìyà 5:11

Nà oma i hwi nanù ema e Rzàŋgo e o kàyìrzɛ̀ hwatò, ndèŋgànɛlɛ hvɛ na oma i mo ŋgba èluhwe, i keka o lì gbeyà nanù ema hwatò hwa hwiye nanù ema ŋmɛ̀ndì i hwa ohweyà mo hwèlì ndi e jɔ̀kɛ̀. Lohwɛ̀ a hwi i nyayi ja hwatò ema irzɔ i hwèlì, imba hvɛ na hwi nanù ema inyɔ hvɛ e hwi i nyayi ja hwatò ema irzɔ hvɛ i hwèlì, na lòkɛ̀yi hvɛ nanù ema inyɔ e hwi nanù ema, jo òhwa ndi e jɔ̀kɛ̀.

Hvìlɛ̀mɔ̀nì 1:6

Nà kanɛ̀ nanù ema, là arzàŋgànɛ là arzu nàa hwàlòkèlì hwe gbeyà inyɔ è rzɔ̀ŋgìtɛ̀nɛ̀ kɔ̀yi-kɔ̀yi hweyà hwe gbamù hwe arzɛ ema Lohwɛ̀ à mà jò ŋgbɛ. Ène eyà è gbeyà nanù ema ŋmàye mò ama Krirztò mò ɛneyà.