2 Kɔ̀rintìyà 1:12 - Mokpwe: Bakwery (New Testament)

¹² Mamɛ ya arzɛ ema e gbèyɛ̀nɛ̀yi, e jò ŋgbelì kumba. I tànɛyi lì ohwà na mèèmà me rzaŋgi ema o hwɛ̀ɛ̀mɛ̀ hwɛ arzu hwe arzɛ anù rze, rzɛ̀hvɔ̀nì na oma i hwèlì na inyɔ na mèèmà me wòtani, na e jɔ̀kɛ̀ ya arzu. Nànù ndi Lohwɛ̀ a mà tɛ̀yirzɛ ema e hwɛ. Rzeketɛ o lìhwiyè la arzù la mòtò wa hwènàmà, ììlì ja ama Lohwɛ̀.

2 Kɔ̀rintìyà 1:12 Mawu Ofanana

Hwègbèèlì 23:1

Pàwolò à mà ɔ̀ŋgɔ hwatò hwa hwèlìyelì hwe lìkànèyà la mbòwa kòò rzìi a òhwa nanù ema, “Ìi wònyànyàŋgò hwa ami kòkò hwa wònyà Yudà! Nàtɛ̀ɛ na ò wònò wùnyà wò yawònò èlìŋgɛ̀ ya ami e hwèlì gbamù, ò lì hvòmɛ̀nɛ̀ lòŋgɛ la ami ò wòrzò wa ama Lohwɛ̀.”

Hwègbèèlì 24:16

O èŋgànɛ̀lɛ̀ na keka ihvònda ja arzɛ nanù ema ŋmèma mò ami mò rzaŋge ò wòrzò wò ama Lohwɛ̀ na ò wòrzò wò ama e mòtò wa hwènàmà.

Ròmànì 9:1

Nà òhwa ndi e jɔ̀kɛ̀ nàa e mòtò ema a lòkɛ̀ Krirztò, na rza kɔwu hweyà. Ŋmèma mò ami ema èlìŋgɛ̀ yà wòtani e kànèyà mò nò òhweyà nanù ema na rza kɔwu hweyà.

1 Kɔ̀rintìyà 1:17

Krirztò à rzì nò omè ò lì lùhwìrzɛ̀ hwatò. À mà nò omà ndi ò lì ohwà Ŋmɛ̀ndì mò Gbamù mò ama Lohwɛ̀. Nà rza è ohwane hvɛ nà tɔ̀ mbɔrzi yà gbàŋgò. Nà gbeyànì tɛ è mbɔrzi yà gbaŋgo, èŋge ŋgàna è hwɛ ndi ema, è kpelì yà ama Krirztò ò mbàrza è rze enje tɔ̀ eyà.

1 Kɔ̀rintìyà 12:8

Èlìŋgɛ̀ yà Wòtani e lìyɛlɛ mòtò mɔ̀kɔ o lì ohwa hweyà hwe lìhwiyè, èŋge èlìŋgɛ̀ yà wòtani mɛnɛ e lìyɛlɛ o hvɛhvɛ mòtò o lì okolɛ̀ hwatò na lìhwiyè.

1 Kɔ̀rintìyà 15:10

Ndi o ììlì jà amà Lohwɛ̀, imba na hwèlì ndi ema na hwèlì, rzìi ììlì ja eni ema a no ŋgbelì i rza enyi ŋgundu. Ndi imba na gbèyi èwòlò lì aka inɛyi àpɔ̀rzìtòlò jarzɛ wɔ̀ tɔ̀ nɛ rzeketɛ o e ŋginyà ya ami ndi nà mà gbeyàne ene èwòlò ndi o ììlì jà mà Lohwà ema i hwèlì na imba.

1 Kɔ̀rintìyà 2:13

I rza gbeyàna ndi è mbɔrzi ema e mòtò wà hwènàmà a gbeyàna lìhwiyè là eni o lì okolɛ̀nɛ hwatò. Ndi i gbeyàna ndi mamɛ Èlìŋgɛ̀ yà Wòtani e jo lìyɛlɛ o lì ohwa. I gbeyàna ndi e mbɔrzi ema Èlìŋgɛ̀ yà Wòtani e jo òhweyà lì hvomɛ̀nɛ̀ hwèŋge hweyà.

1 Kɔ̀rintìyà 4:4

Ŋmèma mo ami mo rzaŋgi o tenì, ndi èŋge e rza no ŋgbelì wònjà o lì ohwa nanù ema na hvomɛ̀nɛ̀yi. Rzàŋgo Mɔ̀ ŋmìti ndi à no kàyìrzɛ̀.

1 Kɔ̀rintìyà 5:8

O èŋgànɛ̀lɛ̀ rzɔ ya anjàwòlɛ̀ o ene ndèma, rzeketɛ na lìwu la mbarzi lì hvènya, na ehwindi ya mbolowa. Ɛ̀ɛmɛ̀ ya arzu ihvonda ja arzɛ e hwɛnì ndi lì hwɛ nàa hwatò hwa ama Lohwɛ̀, ene ŋgàna e hwèlì ndi ema i rza gbeyà hweyà hwe wòhwe ndèŋgàna i rza ohva hvɛ ɛkɔ̀ni. Irzɔ i hwɛnì lì hwɛnɛ hwɛ̀ɛ̀mɛ̀ hwe hvènya, o lì oŋgamà Krirztò na ŋmèma mɔ̀kɔ, i hwɛnì hvɛ lì ohwa e jɔ̀kɛ̀.

2 Kɔ̀rintìyà 1:17

Nà omà na mà tɛ̀yirzɛ hwenè hwètɛ̀yìrzèlèlì, na rzi tànɛyi lì tikowa mèèmà mo ami. Nà rzi tɛ̀yirzɛ hwenè hwètɛ̀yìrzèlèlì nàa e mòtò wa hwènàmà a tɛ̀yirzɛ. Nà rza enje mɔ̀kɔ ema a imanɛlɛ nanù ema, “Ɛ̀ɛ na gbeyà” rzi o mburzà ya hvonda hvɛ rzi a ohwa a ma, “Jàyɛ̀, na rza e gbeyà.”

2 Kɔ̀rintìyà 11:3

Ndi tɔ̀ nanù, na oka wɔ̀ŋgɔ̀ nanù ema, na oma Mòkarzɛ̀ à mà lukɛlɛ Èhva, nanù mɛnɛ hvɛ ndi hwa e o lukɛlɛ aŋga nanù e rza ika mèèmà me anyu me arzɛ oma Yerzù Krirztò, ndèŋgànɛlɛ e rza o mo gbèeyà na mèèmà me anyu me arzɛ.

2 Kɔ̀rintìyà 2:17

O èŋgànɛ̀lɛ̀ rzɔ, i rza enje ndi nàa rzayi-rzayi ja hwanɛyi hwatò ema hwa ohwa eyà ya Lohwɛ̀ o lì yalɛ wolì. O irzɔ i rza gbeyà nanù èhwanja Lohwɛ̀ à mà jo òma o lì ohwa ŋmɛ̀ndì mò gbamù ndèŋgànɛlɛ i ma ohwa na ŋmèma mɔ̀kɔ na oma irzɔ i hwèlì mɔ̀kɔ na Krirztò. Irzɔ i hwi hvɛ nanù ema Lohwɛ̀ ndi à jo òmi o lì gbeyà ene èwòlò.

2 Kɔ̀rintìyà 4:2

I rzɔnjɛ̀lɛ̀ hwègbèèlì hwe arzu hwe wùndɛ̀ ja wòhwe, na hweyà ema hwe jànà ìrzɔnì. I rza e lùkɛ̀lɛ̀ na jòòhwì ja arzu ja wàna tɔ̀ lì tìkòwà e mbɔrzi ya Lohwà o lì e ɔnjɔ. Ndi jo òkolɛ hwatò Eyà ya Lohwɛ̀ nyayi ema hwa e rzɔŋgìtɛ̀nɛ̀. Nà oma jo òkolɛ Èya yà Lohwà na ŋmèma mɔ̀kɔ, tɔ̀ mòtò a rza tànɛyi lì ohwa o ŋmèma mo eni nanù ema i mo lukɛlɛ ndi lì lukɛlɛ. Irzɔ i hwi nanù ema Lohwɛ̀ a hwi tɔ̀ mamɛ ema i gbeyà.

2 Kɔ̀rintìyà 8:8

Nà rza e kànèyà ndi ema e gbeye ndi nanù. Ndi na oma na ɛnɛ hwatò ema hwa lòkɛ̀ hwa oŋgòhwànà hwanɛ̀yi hwatò, na arza nanù ema inyɔ hvɛ e awuŋmɛ̀lɛ̀ na oma e lìŋgàni hwanɛ̀yi hwatò.

Gàletìyà 6:4

Tɔ̀ ima mɔ̀ wa anyu àkàyìrzɛ̀ hwègbèèlì hwe eni mɛnɛ. Mòtò a gbèyi tɛ eyà ema e lɔ̀wu, mɔ̀ ŋmìti a oka mɔ̀nyɛ̀ŋgì. Ndèŋgana a rza a kitirzɛnɛ mɔ̀ ŋmìti na hwahvɛhvɛ hwàtò.

Ɛ̀hvìrzìyà 6:14

O èŋgànɛ̀lɛ̀ rzɔ, inyɔ e akpatɛ o lì ohwa e jɔ̀kɛ̀ o ihvonda ja arzɛ. Inyɔ e gbèyi tɛ nanù, e o hwɛ ndi nàa mòtò ema a nyamì e ŋgolì o woluhwe wa eni, ema a wòŋgìrzɛ̀nɛ o lì gbèeyà eyà. Inyɔ e lìmeya ndi o lì gbeyà hweyà hwe jɔ̀kɛ̀ ehwànja o lì gbèeyà hweyà ema hwe hvomɛ̀nɛ̀yi e hwèlì ndi nàa mòtò ema a wɔ̀ti e mbɔ̀ti ya hwɛ̀ɛkɛ̀ o lì ahwàndɛ mɔ̀ ŋmìti o hvonda ya njuma.

Hvìlipìyà 1:10

Àŋga nanù inyɔ e o hwiya hweyà ema hwe lɔ̀wu rzayi-rzayi. Ène eyà e gbeyà inyɔ e hwɛ wòtani o worzo wo ama Lohwɛ̀, ndèŋgànɛ̀lɛ̀ inyɔ e rza o hwɛnɛ hvɛ tɔ mehwɛlɛ, o Wùnyà ema Krirztò a o jɛ̀ɛ̀ hvɛ.

1 Tɛ̀rzàlonìyà 2:10

È hwèlì ndi imboŋgi ja arzu, ndèŋgànɛ̀lɛ̀ Lohwɛ̀ mɔ̀ hvɛ a hwèlì ndi e mboŋgi ya arzu, e hvonda ema i ma hwɛ o ìtììtènì ja anyu, inyɔ ema e lòkɛ̀yi, ɛ̀ɛ̀mɛ̀ ya arzu e ma rzàŋga, i ma hwɛ lì gbeyà hweyà hwe gbamù ndèŋgànɛ̀lɛ̀ i rzi hwɛnɛ tɔ̀ njɔ̀mi tɔ̀ hvɔ̀kɔ o inyo ja arzu.

1 Tìmotì 1:5

Lìtìŋga ndèŋgàtɛ̀ nà mà e ohweyà ema o òkolɛ hwatò hwèyòkòlèlì hwe jɔ̀kɛ̀ hwe hwèlì ndi nanù ema, hwatò hwa alìŋgànɛ mɔ̀kɔ na ɔ̀nɛyi. È hwɛni lì hwɛnɛ ndìŋgɛ ema e uwɛ̀lɛ̀lɛ̀yi o ŋmèma ema me rzaŋgi, ŋmèma ema mo hwi mamɛ e hvomɛ̀nɛ̀ na mamɛ ema e rza hvomɛ̀nɛ̀, na ŋmèma ema mo hwi lì lòkɛ̀ ema lì hwèlì e jɔ̀kɛ̀.

Tàyìtùrzì 2:7

O hweyà hwe arzɛ ema o gbeyà o hwa o uŋmɛ̀lɛ̀ hwèmbànèlì hwe gbamù. O okolɛ tɛ, eyà ema o okolɛ e àŋgàmɛ̀nɛ̀yi ndi lì hwɛ e jɔ̀kɛ̀, ndèŋgànɛ̀lɛ̀ o àŋgàmɛ̀nɛ̀yi ndi lì hwɛ mòtò ema a oŋgama hweyà gbamù.

Hibrù 13:18

È jo kanɛ̀lɛ̀lɛ̀ èhwanja màlùtèyà ma arzu ma rzaŋgi, ndèŋgànɛ̀lɛ̀ hvɛ irzɔ ja arza lì lìya na èluhwe o tɔ̀ ima eyà ema i gbeyà.

Jèmìrzì 4:6

Ndi e ndèli ema, Lohwɛ̀ a jo ŋgbàà e rza hwɛni lìmɛni. Ɔndèŋgàtɛ̀ e tìlahwì o kààtì ya Lohwà nanù ema, “Lohwɛ̀ a kumbɛlɛlɛ hwatò hwa àyekìrzɛ e mburza ndi e wɔ̀ ema hwa arzìhwìrzɛ̀yi a hwa ŋgbàà ììlì ja eni.”

1 Pètrò 3:16

Ndi e gbeye nanù na mèèmà ema me lìhvohwèlì. Inyɔ e gbeyà tɛ nanù, inyɔ e arzihwirzɛ na èluhwe ya arzɛ ndèŋgànɛ̀lɛ̀ inyɔ e lìhvowe mèèmà me anyu o hwatò ema hwa ohwa hweyà hwe wòhwe o lì e teŋgɛ̀nɛ̀ ehwànja e oŋgama Krirztò. Wɔ̀ hwa o òka ìrzɔnì hwa ɛni tɛ hwɛ̀ɛ̀mɛ̀ hwe anyu hwe gbamù.

1 Pètrò 3:21

Ndeŋgànɛ̀lɛ̀ manù malìhwà mà tɛmelì ndi lìlùhwìrzɛ̀. O naŋgɛ, lìŋgi lìlùhwìrzɛ̀ lɔ ndi lì gbèyi ɔ̀ndeŋgàtɛ̀ hwatò hwa rzùŋgahwì o lì akeyà na e ŋginyà ya hwèhvùmuwèlì hwe ama Yerzù Krirztò. Lìlùhwìrzɛ̀ lì rza enje ndi o lì ulɛ la ŋmiŋgo ò nyo, ndi lì hwèlì ndi o lì emeyà o lì gbèeyà Lohwɛ̀ na ŋmèma mo rzàŋgi.