2 Kɔ̀rintìyà 1:10 - Mokpwe: Bakwery (New Testament)

¹⁰ Tɔ̀ nɛ i mà kombɛ̀nɛ̀ è kpelì, Lohwɛ̀ à mà jo rzùŋga. I hwèlì tɛ o ndùtù, à jò rzùŋga ndi nanù mɛnɛ. Lìhvìta là arzu lì hwèlì ndi ema Lohwɛ̀ à ò jò rzùŋga hvɛ i hvonda ja arzɛ, i hwèlì tɛ ò ndùtù.

2 Kɔ̀rintìyà 1:10 Mawu Ofanana

Hwègbèèlì 26:21

Ŋmɛ̀ndì mò gbamù ema nà mà hwɛ lì òhwa mɔ̀ ndi mò ma gbeyà hwatò hwa Wònyà Yudà hwà mà nò lɛmbɛ, e hvònda ema nà mà hwɛ ò Ndawò yà Lohwà, ndeŋgànɛlɛ hwà mà arza lì nò òŋwa.

Ròmànì 15:31

È nò kanɛ̀lɛ̀lɛ̀ nanù ema na ò rzùŋgàhwà ò màà mà hwatò ema hwa rza lòkɛ̀yì Krirztò ò erzòòkà ya Jùdeyà nanù ema hwa rzi nò gbeyà tɔ̀ wòhwe. Ndèŋgànɛ̀lɛ̀ e kànɛ hvɛ nanù ema wòlì ema na ò ɛndɛneya mèlìrza me hwatò ema me hwèlì ò mòndeŋge mò hwatò hwa Lohwà ò Jèrurzalɛ̀mù, hwa wò emeyà.

2 Kɔ̀rintìyà 1:9

Nà è jɔ̀kɛ̀ ima ɔ̀ŋgɛ̀lɛ̀ ema hwa akɛ̀lɛ̀ mbako ema jo oŋwahwa. Ima lùwa mene mètàkà nanù, aŋga nanù i rza àyikɛ̀ màhvìta na irzɔ mɛ̀nɛ, ndi ji ika ndi màhvìta na Lohwɛ̀ ema à hvùmùlɛ̀ è wɔ̀ ema hwa ŋwelì.

2 Kɔ̀rintìyà 6:9

Hwatò hwa jo hwi kɔ̀yi-kɔ̀yi ndi hwanɛyi hwa jo ɛnɛ ndi nàa hwèèti hwe hwatò. Hwatò hwa lùtèyà ndi nanù ema i rza o hwɛ o lòŋgɛ, ndi tɔ̀ nanù i hwèlì lòŋgɛ. I hwèlì lì luwa mètàkà o màa hwatò, tɔ̀ nɛ hwa rza jo òŋwa.

1 Tìmotì 4:10

O eŋgànɛ̀lɛ̀ rzɔ ɔ̀ndeŋgàtɛ̀ ja a atàkìrzɛ̀ na lì gbeyà èwòlò ema e imbami èhwanja irzɔ i ma ika lìhvìtà la arzu na Lòohwà ema lì hwèlì lòŋgɛ. Mɔ̀ ndi à ŋgbelì tɔ̀ ima mòtò lì oŋgirzɛ, rzɛhvɔ̀ni hwaŋga ema hwa mo lòkɛ̀yi.

2 Tìmotì 4:17

Ndi Rzàŋgo à mà hwɛ na imba à nò ŋgba hvɛ e ŋginyà. O eŋgànɛ̀lɛ̀ nà mà tànɛyi lì ohwa Ŋmɛ̀ndì mò Gbamù mò arzɛ mò ama Lohwɛ̀ nyayi ema hwaŋga hwatò ema hwa rza enje wònyà Yudà hwà mà mò òkànèyà. Rzàŋgo à mà no rzùŋgà ema hwa rzi no akɛ̀lɛ̀lɛ̀ e mbako ya kpelì.

2 Pètrò 2:9

O eŋgànɛ̀lɛ̀ rzɔ, e Rzàŋgo e hwi nɛ a kombɛ hwatò ema hwa hwi Lohwɛ̀ o màkèkirzɛnɛ ma awu. Nà nɛ hvɛ o lì ika hwatò hwa wòhwe o rze ya hwèkɔ̀kìrzèlì o lì ambɛ̀lɛ̀ Wùnyà wo hwèkàyìrzèlì.