2 Kɔ̀rintìyà 1:1 - Mokpwe: Bakwery (New Testament)

¹ Imba Pàwolò e Àpɔ̀rzìtòlò yà ama Yerzù Krirztò, nà omà e mà tɛyìrzɛhwɛ na Lohwɛ̀. Imba ndi na tìlì ene kààtì o irzɔ nà ŋmànyàŋgò wà arzu wà Krirztò Tìmòtì je omelì ikɔ̀mi. Inyɔ, lì arzàŋganɛ là hwatò hwa Lohwà ema e hwèlì ò è mbowà yà Kɔ̀rintò, na hwanɛ̀yi hwatò hwa arzɛ hwa Lohwà ema hwa hwèlì o erzoòkà ya Àkayiyà.

2 Kɔ̀rintìyà 1:1 Mawu Ofanana

Hwègbèèlì 16:1

Hwa Pàwolò hwa mà ɛ̀ndɛ ò mbòwa ndɛnɛ yà Dɛ̀bì na Lìrzìtìrà. Mòtò mɔ̀kɔ à mà hwɛ aŋga ema à mà hwɛ̀lɛ̀hwɛ̀ Tìmòtì. Nyàŋgò wà eni à mà hwɛ ndi mòlanà wa wònyà Yudà ndèŋgànɛ̀lɛ̀ mɔ̀ hvɛ à mà lòkɛ̀ Yerzù, ndi e tatɛ̀ ya eni e ma hwɛ ndi mòtò wa Grìki.

Ròmànì 15:26

Hwàtò hwa ama Krirztò ema hwa hwèlì ò erzòòkà ya Màrzèdonìyà na ò erzòòkà ya Àkayiyà, wɔ̀ hwà mà ɛnɛ nanù ema hwa gbeye mòrzàŋgɛ̀ rzìi hwa òmeya mèlìrza me hwatò ema me hwèlì ò ìtììtènì ja hwatò hwa ama Lohwɛ̀ ema hwa hwèlì ò mbòwa ya Jèrurzalɛ̀mù.

Ròmànì 16:21

Tìmòtì, ema irzɔ nà mɔ̀ i gbèèyɛ̀nɛ̀ èwòlò à è òmelì ikɔ̀mi. Lùrzìyùrzì, Jèrzɔ̀nì nà Rzòrzìpàtà, wònyanyàŋgò wà ami wà wònyà Yudà, wɔ̀ hvɛ hwa e òmelì ikɔ̀mi.

Ròmànì 16:5

È nò kɔmèya hvɛ ŋmèmba ema mò taneya ò ndawò ya awu. È nò kɔmèya hvɛ e mbunda ya ami ya mèrziŋge Èpànɛ̀tùrzì, ema mɔ̀ ndi à mà hwɛ, e mòtò wa wòrzò ò lì lòkɛ̀ Krirztò ò erzòòkà ya Èrzìyà.

1 Kɔ̀rintìyà 10:32

È lìya nyayi ya ŋgàna ema e rza gbeyà mòhvùŋgu nà wònyà Yudà, hwaŋga ema hwa rza enje wònyà Yudà tɔ̀ na miitelì me ama Lohwɛ̀.

1 Kɔ̀rintìyà 16:10

Tìmòtì a e jèlɛlɛ tɛ, e mo àŋgoweyà kɔ̀yi-kɔ̀yi èhwanja èwòlò ema a gbeyà Rzàŋgo yɔ ndi imba hvɛ na gbeyà.

1 Kɔ̀rintìyà 16:15

Ìi wònyamòwè naŋgɛ rzɔ, è hwi ema lìtumba lì arzɛ lì ama Rztehvànàrzì lɔ̀ndi lì ma hwɛ e lɔ la worzò o erzòòkà ya Àkayiyà o lì lòkɛ̀ Krirztò, ndèŋgàna hwà mà aŋgbɛ wɔ̀ hwiti o lì gbeyà hwatò hwa ama Lohwɛ̀. Nà e atɛkɛ nanù ema,

1 Kɔ̀rintìyà 16:24

Nà e lìŋgàni inyɔ hwatò hwa arzɛ o lìnà lì ama Yerzù Krirztò.

1 Kɔ̀rintìyà 6:11

Nànù ndi lòŋgo là hwa inyɔ è mà hwɛ. Ndi inyɔ è mà rzàŋgìrzɛ̀hwɛ̀ ò wòhwe wò anyu, è emànɛ̀lɛ̀hwɛ̀yì nà Lohwɛ̀, è tɛmìrzɛ̀hwɛ̀yi ehve-ehve nà Lohwɛ̀ lì akeyà nà Rzàŋgo Yerzù Krirztò nà Èlìŋgɛ̀ yà Lohwà là arzu.

2 Kɔ̀rintìyà 1:19

È hwèlì ndi nanù èhwanja, Ŋmɛ̀ndì mò Gbamù lì hvomɛ̀nɛ̀ e ŋmana wa Lohwà Yerzù Krirztò, ema imba, Rzàyìlàrzì, na Tìmòtì, ima e ohweyà. Yerzù a rza ohwa ama a gbeyà eyà ema a rza o gbeyɛ. A gbeyà mamɛ ema a ohwi à mà a gbeyà.

2 Kɔ̀rintìyà 1:23

Lohwɛ̀ ndi à hwèlì e mboŋgi ya ami, e uŋmɛ̀lɛ̀ ema màmɛ ya arzɛ ema na ohwa e hwèlì ndi e jɔ̀kɛ̀. Lìtìŋga ndèŋgàtɛ̀ na rzi timbe hvɛ o Kɔ̀rintò, lì hwèlì ndi ema, na rzi arze ema e hweye wòhwe.

2 Kɔ̀rintìyà 11:10

Nà oma na ohwa e jɔ̀kɛ̀ na mòtò wa Krirztò, tɔ̀ mòtò tɔ̀ mɔ̀kɔ o erzòòkà ya Àkayiyà a rza tanɛ a no tɛmirzɛ o lì kùmba lìya la ami o kòkò ema na rza lu etàŋgì na inyɔ.

2 Kɔ̀rintìyà 9:2

Nà hwi ŋmèma ema e ohvi o lì hwa òŋgòwàna, ndèŋgànɛlɛ na e ohvani kumba o ŋmèma ema e ohvi o lì oŋgòwànà hwatò hwa erzòokà ya Màrzèdonìyà. Nà ma hwa ohweyà nanù ema, “Inyɔ ema e hwèlì o erzòokà ya Àkayiyà, e ma wòŋgìrzɛ̀nɛ̀ natɛ̀ɛ na o ŋma mo mburza o lì hwa ŋgba wolì.” Ŋmèma ema e hwɛni o lì oŋgòwànà hwatò me ma kɔ̀mɛ̀lɛ̀ rzayi-rzayi ja hwatò ò lì gbeyà nanù mɛnɛ.

Gàletìyà 1:1

Ìmba Pàwolò ema nà hwèlì àpɔ̀rzìtòlò ndi na tilì ene kààtì, rzeketɛ hwatò wà hwènàmà ndi hwa no hvɔ̀rzì o lì hwɛ àpɔ̀rzìtòlò. Ndèŋgana na rza gbeyàna ndi lìkànèyà la hwatò. Ndi na hvɔ̀rzɔ̀hwì ndi na Yerzù Krirztò nà Lohwɛ̀ Tatɛ̀ ema à mà hvùmùlɛ̀ Yerzù Krirztò o kpelì.

Gàletìyà 3:26

Inyɔ hwa arzɛ è hwèlì ndi hwàanà hwa ama Lohwɛ̀ èhwanja è lòkɛ̀yì Yerzù Krirztò.

Ɛ̀hvìrzìyà 1:1

Ìmba Pàwolò ndi nà e omelì inì itita ema nà ma hwɛ̀lɛ̀hwɛ̀ na lemeyà la ama Lohwɛ̀ o lì hwɛ àpɔ̀rzìtòlò ya ama Yerzù Krirztò. Ìmba na e tìleya inyɔ hwatò hwa ama Lohwɛ̀ ema hwa lìya o mbowà ya Ɛ̀hvɛ̀rzɔ̀rzì. È hwèlì ndi mòtò mɔ̀kɔ na Yerzù Krirztò ema e mo òŋgama hvɛ na ŋmèma mɔ̀kɔ.

Hvìlipìyà 1:1

Imba Pàwolò, mòndeŋgè na Tìmòtì imba ndi na tilì ene kààtì. Nà tìleya ndi hwatò hwa ama Lohwɛ̀, hwatò ema hwa hwèlì mòtò mɔ̀kɔ na Yerzù Krirztò ema hwa hwèlì o mbowà ndɛnɛ ya Hvìlìpì, mondeŋge na hwàtìmbèlì na hwatò ema hwa oŋgowàna èwòlò ya ama Lohwɛ̀ o lì ɛndɛ o worzo.

1 Tɛ̀rzàlonìyà 1:1

Imba Pàwolò, mòndèŋgè nà Rzàyìlàrzì nà Tìmòtì ndi nà è tìleyà ene kààti. Nà è tìleyà ndi inyɔ hwatò ema è hwèlì ò ŋmèmba mò è mbowà ndɛnɛ yà Tɛ̀rzàlonìya, inyɔ ema è hwèlì hwatò hwa ama Tatà Lohwɛ̀, ndèŋgànà inyɛ inyɔ è hwɛ hwatò hwa ama è Rzàŋgo Yerzù Krirztò. Inyɛ̀ è ndèli nà ɛ̀yɔ̀lɛ̀ yà ama Lohwɛ̀ è hwɛ nà inyɔ.

1 Tɛ̀rzàlonìyà 3:2

I ma e omeya ŋmanyàŋgò wa arzu Tìmòtì. Irzɔ na mɔ̀ i gbèeyà èwòlò ya ama Lohwɛ̀ ema e hwèlì o lì ohwa ŋmɛ̀ndì mò gbamù mo ama Krirztò. I ma e omeya e mɔ̀, aŋga nanù a e embɛ na lì e kɔ̀mɛlɛ o lìlòkɛ̀ la anyu.

2 Tɛ̀rzàlonìyà 1:1

Imba Pàwolò mondeŋge na Rzàyilàrzì na Tìmòtì ndi na e tilelì ene kààti. Nà e tilelì ndi inyɔ hwatò ema e hwèlì o ŋmèmba mo e mbowà ndɛnɛ ya Tɛ̀rzàlonìya, inyɔ ema e hwèlì e hwa ama Lohwɛ̀ Tatɛ̀ wa arzu na e hwa ama Rzàŋgo Yerzù Krirztò.

1 Tìmotì 1:1

Imba Pàwolò, ema na hwèlì e àpɔ̀rzìtòlò ya ama Yerzù Krirztò, ndi na tilì ene kààtì. Lohwɛ̀ ndi à no kànèlì ema na gbeye ene èwòlò mɔ̀ ema a jo rzùŋgi o wòhwe hwa arzu. Lini lìkànèyà lì uwɛ̀lɛ̀lɛ̀yi hvɛ oma Krirztò Yerzù ema ji ikayi lìhvìta.

2 Tìmotì 1:1

Imba Pàwolò ema na hwèlì e àpɔ̀rzìtòlò ya ama Yerzù Krirztò ndi na tilì ini itita. Lohwɛ̀ a arzi nanù ema imba na ohwe ŋmɛ̀ndì mò gbamù lì hvomɛ̀nɛ̀ lìŋgi lòŋgɛ ema a ohwi nanù ema i luwa na oma i hwèlì mòtò mɔ̀kɔ na Yerzù Krirztò.

Tàyìtùrzì 1:1

Ìmba Pàwolò ema nà hwèlì e mògbèèlì wà ama Lohwɛ̀ nà è àpɔ̀rzìtòlò ya ama Yerzù Krirztò ndi nà tilì ene kààtì. Yerzù ndi à mà nò hvɔ̀rzɔ̀ rzìi à nò oma o lì ɛndɛ lì ètìrzɛ̀ lìlòkɛ̀ la hwatò ema Lohwɛ̀ à mà hvɔ̀rzɛ̀, nà o lì hwa oŋgowàna o lì hwiya e jɔ̀kɛ̀ lì hvomɛ̀nɛ̀ Yerzù, na o lì gbeyà na oma Lohwɛ̀ a àrzeyà.

Hvìlɛ̀mɔ̀nì 1:1

Imba Pàwolò, mòtò ema nà hwèlì ò hwèwòwà o nyòla lìinà là ama Yerzù Krirztò imba ndi na tilì ini itita. Ŋmànyàŋgo wa arzu wa Krirztò Tìmòtì na imba je e omelì ikɔ̀mi. Hvìlɛ̀mɔ̀nì irzɔ jo ò kɔ̀mi e mbunda ya arzu wa ndìŋgɛ màlìŋgo ema wàhvɛ o gbeyà nyàyi hvɔ̀kɔ ya èwòlò ema irzɔ̀hvɛ i gbeyà.

Hibrù 13:23

Nà arza ema e hwiye ema ŋmanyàŋgo wa arzu Tìmòtì, à mà ulɛ̀hwɛ o ndawò ya hwèwòwà. A no ùŋmànɛ̀lɛ̀ tɛ karzi-karzi je e jèeya.