1 Yòwanìrzɛ̀ 4:1 - Mokpwe: Bakwery (New Testament)

¹ Imbùnda jà ami kòkò, è rza lòkɛ̀ hwatò hwa arzɛ ema hwa ohwa nanù ema hwa ohvi Èlìŋgɛ̀ yà ama Lohwɛ̀. Ndi è hwa kèkìrzɛ̀ ò lì hwiyà ŋga èlìŋgɛ̀ ema è hwèlì ò tenì yà awu, è uwɛ̀lɛ̀lɛ̀yi ndi ò mà Lohwɛ̀. È hwa kèkìrzɛ̀ ehwànja rzayi-rzayi jà hwà-òhwèlì hwa hwèlìŋgɛ̀ hwe mòlàŋgà hwa mà bùweyà ò è rze yà arzɛ.

1 Yòwanìrzɛ̀ 4:1 Mawu Ofanana

Makòrzì 13:21

O èŋge hvònda mòtò à òhwèlì tɛ nanù ema, ‘Ɔ̀ŋgɔ̀, è Mɔ̀ à Ɔ̀kirzɛ̀hwɛ̀yi mɔ̀ ònò’ tɔ̀ ‘Ɔ̀ŋgɔ, mɔ̀ ɔnɛyi,’ ò rzi mò lòkɛ̀.

Lukàrzɛ̀ 12:57

“Mamɛ ndeŋgàtɛ è rza tanɛ̀yi lì akàyìrzɛ inyɔ hwìti ema eyà ya gbamù enè ò lì gbeyà e?

Lukàrzɛ̀ 21:8

Yerzù rzìi a hwa alàhwɛ̀ nanù ema, “È aŋgòwà, hwa rzì èmirzɛ, èhwanja rzayì-rzayì ja hwatò hwa ò jà lì gbeyàna lìinà la amì lì òhwà ema, ìmba ndi nà hwèlì è Mɔ̀ ema à Ɔ̀kirzɛ̀hwɛ̀yi. Wɔ̀ hwa òhwa ema lìrzukù lì ma jà. Ndi e rzì hwa òŋgama.

Hwègbèèlì 17:11

Hwàtò hwa wònyà Yudà ema hwà mà hwɛ ò mbòwa ndɛnɛ ya Bèrìyà hwà mà hwɛnɛ nyɔ̀ŋgi ya lì òkànèyà eyà ya Lohwà lì aka hwatò hwa e mbòwa ndɛnɛ ya Tɛ̀rzàlònìkà. Wùnyà tɛ wɔ̀ hwà mà hwɛ lì làŋga e kààtì ya ama Lohwà ò lì rzɔ̀ŋgìtɛ̀nɛ̀ na lì ɛnɛ ŋga hweyà ema Pàwolò na Rzàyilarzi hwà mà hwɛ lì òhwa hwe ma hwɛ ndi e jɔ̀kɛ̀.

Hwègbèèlì 20:29

Nà hwi nanù ema, imba nà mà ɛndɛ tɛ, hwatò hwa ò e jà ò ìtììtènì ja anyu ŋgànà hvɔ̀kɔ na òma mòkanyi mò njuwɛ mò kpèeyà ò lìhwemba la mbòlì. Ndeŋgànɛ̀lɛ̀ hwa rza o tànɛ lì ɛndɛ ema hwa rza e hvàŋgelɛ̀ ŋmèmba mò anyu.

1 Kɔ̀rintìyà 12:10

Rzi Èlìŋgɛ̀ e ŋgbaà hvɛ mòtò mɔ̀kɔ, e ŋginyà ya lì gbeyà hweyà hwe mànyakà, rzi a ŋgbaà ɔhvɛ làhweyà la lì ohwa ŋmɛ̀ndì mo Lohwà. O ma ohvɛhvɛ mòtò, èlìŋgɛ̀ yà wòtani e ŋgba e ŋgilì ya lì rzɔ̀ŋgìtɛ̀nɛ̀ màahweyà ema mà uwɛ̀lɛ̀lɛ̀yi o èlìŋgɛ̀ yà wòtani, na e lɔ̀wu ema lì rza uwɛ̀lɛ̀lɛ̀yi o èlìŋgɛ̀ yà wòtani. Èŋge èlìŋgɛ̀ mɛnɛ e ŋgba mòtò mɔ̀kɔ lìhwiyè la lì ohwa ihvɛhvɛ mbɔrzi, e ŋgba ohvɛhvɛ mòtò lìhwiyè o lì tikowa mamɛ hwaŋga hwatò hwa ohwa.

1 Kɔ̀rintìyà 14:29

È hwèlì tɛ ema hwatò hwàhwàkɛ̀ tɔ̀ Hwàyàwò hwa ohwa tɛ ŋmɛ̀ndì mo ama Lohwɛ̀, inyɛ hwanɛ̀yi hwatò hwa arzɛ hwa okànèyà kɔ̀yi-kɔ̀yi, o lì hwiya ŋga mamɛ ema hwa ohwà e hvomɛ̀nɛ̀yi.

1 Tɛ̀rzàlonìyà 5:20

È rzi rzɔ̀njɛlɛ o lì ohwa ŋmɛ̀ndì ema Lohwɛ̀ a ohwi nanù ema e ohwe.

1 Tɛ̀rzàlonìyà 5:21

Ndi e kèkirzɛ hweyà hwe arzɛ ema wɔ̀ hwa ohwa. È lɛmbɛ hweyà ema hwe hvomɛ̀nɛ̀ ema hwa ohwa na ŋginyà.

2 Tɛ̀rzàlonìyà 2:2

e rzi keka lì ahwèŋgɛ̀ o lì tameya màlùtèyà ma anyu, tɔ̀ e rzi keka lì emeyà nanù ema na oma hwatò hwa ohwa nanù ema wùùnya wo ama Rzàŋgo wo ma uka. Aŋgàmɛnɛ hwatò hwa hwèlì hwa lùteyà nanù ema, irzɔ i ma ohwa ene eyà na oma èlìŋgɛ̀ e ma jo lìyɛlɛ o lì ohwa hweyà ema i ma ohwe, tɔ̀ na oma i ma hwɛ lì e ohweyà ŋmɛ̀ndì mò gbamù, tɔ̀ na oma i ma e tìleya e yɔ o kààti. Ndi irzɔ i rzi gbeye nanù.

1 Tìmotì 4:1

Èlìŋgɛ̀ yà Wòtani e telɛlɛyi nanù ema o mene mèenyà me lìrzùkù, lòŋgo la hwatò hwa o hwɛmɛ lì lòkɛ̀ la awu la jɔ̀kɛ̀ ndèŋgàna hwa o lòkɛ̀ ndi hwatò ema hwa okolɛ hwèyòkòlèlì hwe mòlàŋga. Hweyokowelì hwene ema èlìŋgɛ̀ ya wòhwe e arza nanù ema hwa lòkɛ̀.

2 Tìmotì 3:13

Ndi hwatò hwa wòhwe na hwatò hwa menito, hwa o ɛndɛ ndi o worzo ò lì gbeyà hweyà hwe wòhwe, o lì lukɛlɛ hwatò, ndèŋgàna hwahvɛhvɛ hwa o hwa lukɛlɛ.

2 Pètrò 2:1

Ò è hvonda yà kòhwàà ò mà wurza hwà-òhwèlì hwa hwèlìŋgɛ̀ hwa mòlaŋgà ò ìtììtènì jà hwatò. Ŋgànà hvɔ̀kɔ hvɛ nanù mɛnɛ ɔndi hwà-òkòlèlì hwa mòlaŋgà hwa ò wurzɛ ò ìtììtènì jà anyu. Wɔ̀ hwa ò gbeyàna meyàno ò lì okòlɛ̀ hwèyòkòlèlì hwe mòlaŋgà, hweŋge hwèyòkòlèlì hwe ò hvàŋga hwatò ema hwa hwe lòkɛ̀. Hwàŋga hwà-òkòlèlì hwa mòlàŋga hwa ò rzɔ̀rzɔ̀ è Rzàŋgo ema mɔ̀ ndi à hwa ulɛ̀yi ò tenì yà wòhwe. Ène eyà è ò gbeyà hwa ò ahvàŋgelɛ wɔ̀ hwiti kàrzi-kàrzi.

1 Yòwanìrzɛ̀ 2:18

Inyɔ ema è hwèlì nàa hwàànà hwa ami, è hvonda yà lìrzùkù è mà kombɛnɛ. Ndèŋgàna, nà oma inyɔ è mà hwèyɛ nanù ema è Mɔ̀kɔ̀yèlì wà ama Krirztò à ò jà, tɔ̀ ò naŋgɛ, rzayi-rzayi jà hwàkɔ̀ɔ̀yèlì hwa ama Krirztò hwa mà màà lì jà. Ò eŋgànɛ̀lɛ̀, è hwiyè nanù ema è hvonda lìrzùkù è mà kombɛ̀nɛ̀.

1 Yòwanìrzɛ̀ 2:7

Imbùnda jà ami kòkò, ene mbenda ema nà è tìleyà nanù, è rza enje ndi mbenda hvènya, è hwèlì ndi mbenda yà mbolowa ema è mà hwɛnɛ natɛ̀ɛ nà ò hwèwòteli. Ène mbenda yà mbolowa è hwèlì ndi ŋmɛ̀ndì mò gbamù ema è mà lòmɛ lì hweyà.

2 Yòwanìrzɛ̀ 1:7

Hwàlùkèlì rzayì-rzayì hwa mà kpèeyà ò rze, hwatò ema hwa rza emeyà nanù ema Yerzù Krirztò à mà ŋyàahwa ò rze nàa mòtò wà hwènàmà. Tɔ̀ ima mòtò wà nanù à hwèlì ndi molùkelì ndèŋgàna è mɔ̀kɔ̀yèlì wà ama Krirztò.

3 Yòwanìrzɛ̀ 1:11

È mbunda ya ami kòkò, o rza embàneyà wòhwe ema hwatò hwa gbeyà, ndi o embàneyà hweyà hwe gbamù ema hwatò hwa gbeyà. Tɔ̀ njɛnɛ ema a gbèyi gbamù e uŋmɛ̀lɛ̀ ndi nanù ema a hwèlì ndi e ŋmanà wa ama Lohwɛ̀. Tɔ̀ njɛnɛ hvɛ ema a gbeyà wòhwe, wòhwe wo eni wo uŋmɛ̀lɛ̀ ndi nanù ema mɔ̀ à rza hwi Lohwɛ̀.

Hwèwulùwèlì 2:2

Nà hwi hweyà hwe arzɛ ema è gbeyà. Nà hwi hwèwòlò hwe anyu hwe ŋginyà ema è gbeyà ndèŋgànɛlɛ nà hwi nanù ema è kaki mèèmà o lì àjùlɛ̀. Nà hwi nanù ema o rza tanɛyi lì emeyà hwatò hwa wòhwe. Nà hwi na oma e gbeyà rzìi e emba hwatò ema hwa ahwàŋgɛ̀lɛ̀ nanù ema hwa hwèlì ndi i àpɔ̀rzìtòlò ema hwa rza enje àpɔ̀rzìtòlò, rzìi inyɔ e àyèmbɛ nanù ema hwa hwèlì ndi hwà-òhwèlì hwa hwèlìŋgɛ̀ hwa mòlaŋgà.