1 Yòwanìrzɛ̀ 3:4 - Mokpwe: Bakwery (New Testament)

⁴ Tɔ̀ njɛnɛ ema a gbèyi wòhwe, a tùu ŋmàŋgo ehwànja a undi e mbenda ya ama Lohwɛ̀. O lì ohwa la jɔ̀kɛ̀, wòhwe wo hwèlì ndi lì unda la mbenda la ama Lohwɛ̀.

1 Yòwanìrzɛ̀ 3:4 Mawu Ofanana

Matiyò 5:19

O èŋgànɛ̀lɛ̀ rzɔ tɔ̀ ima mòtò ema à undi tɔ̀ mbenda tɔ̀ hvɔ̀kɔ ò ini mbenda ja ama Lohwɛ̀, tɔ̀ eŋge mbenda ema hwa ɔ̀ŋgɛ̀lɛ̀ nanù ema è rza òhvi wòlìtò, rzìi à è òkòlɛ̀ hwahvɛhvɛ hwatò ema wɔ̀hvɛ hwa gbèye nanù mɛnɛ, eŋge tumba mòtò è hwɛ ndi è wà lìrzùkù ò likànèyà là ama Lohwɛ̀. Ndi tɔ̀ njɛnɛ ema à gbèyi mamɛ ema è mbenda è òhwa rzìi à a òkòlɛ̀ hwahvɛhvɛ hwatò nanù mɛnɛ, à ò hwɛ̀nɛ̀ wòlìtò rzayi-rzayi ò ìtììtènì ja hwatò ema hwa hwèlì ò rze yà likànèyà là ama Lohwɛ̀.

Hwègbèèlì 23:3

Pàwolò rzìi a mò òhweyà nanù ema, “Lohwɛ̀ mɔ̀ hvɛ a ò hvahva. O wa èhwèlèlè ya yòma! O wa ema o lìyayi aŋga nanù rzìi wa a gbeyàna e mbenda ò lì nò kàyìrzɛ ndi tɔ̀ nanù ò wà witi ò gba e mbenda ò lì òhwa nanù ema hwa nò hvahve.”

Ròmànì 3:20

O èŋgànɛ̀lɛ̀ rzɔ ò rza enje tɔ̀ mòtò tɔ̀ mɔ̀kɔ ema a tɛ̀mɛ̀ ehve-ehve ò wòrzò wò ama Lohwɛ̀ èhwanja, a gbeyà mamɛ ema e mbenda e òhwa. È mbenda e hwèlì ndi ò lì uŋmɛ̀lɛ̀ hwatò nanù ema hwà mà gbeyà wòhwe.

Ròmànì 4:15

Èya ema e mbenda è gbeyà e hwèlì ndi ò lì jàneyà hwatò hwètàtò hwe ama Lohwɛ̀. Ndi ò rzà ènje tɛ mbenda, ò rzà enje lì unda la mbenda.

2 Kɔ̀rintìyà 12:21

Nà oka wɔ̀ŋgɔ̀ hvɛ nanù ema na e jɛlɛlɛ hvɛ tɛ, Lohwɛ̀ a o no enyìrzɛ̀ o worzo hwa anyu. Ndèŋgànɛ̀lɛ̀ na o hwɛ rzɔ̀lùu èhwanja rzayì-rzayì ja hwatò ò ìtììtènì ja anyu hwa lìmelì ndi o lì gbeyà hweyà hwe wòhwe ema hwà mà hwɛ lì gbeyà o mòlòmɛ̀ e rzi hwɛ lì atìkòwɛ̀ o lì gbeyà mamɛ ema Lohwɛ̀ a arza. Hwa gbeyà hweyà hwe mbindo, hwa gbeyà hweyà hwe mòrzònje na lì gbeyà hweyà hwe mbindo ema hwe hwa jànà ìrzɔnì.

Jèmìrzì 5:15

Hwa mo kànɛlɛlɛ tɛ na ŋmèma mɔ̀kɔ, Lohwɛ̀ a hwa hweyàna màkanɛ̀ ma awu, ndeŋgànɛlɛ eŋge e gbeyà e mòokelì a wɔ̀wɔ. È Rzàŋgo e gbeyà ema oŋgo mòtò a anjiye o lìnɔ̀ŋgɔ la eni la nyàmbɛ a hwɛ gbamù, ndèŋgànɛ̀lɛ̀ tɔ̀ wòhwe ema mɔ̀ à gbèyi Lohwɛ̀ a mo làkìrzɛ e lɔ̀ɔ.

1 Yòwanìrzɛ̀ 5:17

Màtonà mà arzɛ ma hwèlì ndi wòhwe ndi o hwèlì wòhwe ema wo rza oŋwa èlìŋgɛ̀.