1 Yòwanìrzɛ̀ 3:3 - Mokpwe: Bakwery (New Testament)

³ Tɔ̀ njɛnɛ ema a hwɛni lìni lìhvìtà o ma Krirztò, a arzàŋgìrzɛ̀ mɔ̀ ŋmìti ŋgànà hvɔ̀kɔ hvɛ na oma Krirztò a rzàŋgi.

1 Yòwanìrzɛ̀ 3:3 Mawu Ofanana

Matiyò 5:48

È gbèèyè ndi hweyà hwe gbamù, nà òmà Tatɛ̀ wa anyu wa ŋmanyu yà lohwà mɔ̀hvɛ à hwe gbeyà.”

Lukàrzɛ̀ 6:36

È hwɛnɛ̀ ììlì nà òmà Tatɛ̀ Lohwà la anyu a hwɛnì ììlì.

Yòwanìrzɛ̀ 17:19

Wɔ̀ hwa èŋgànɛ̀lɛ̀ nà mà aŋgbɛ imba mbiti ò lì ò gbèeyà ò lì arza nanù ema wɔ̀ hvɛ hwa aŋgbɛ wɔ̀ hwiti ò lì ò gbèeyà.

Hwègbèèlì 15:9

Lohwɛ̀ a rzi gbèye tɔ̀ ndandò ò wɔ̀ tɔ̀ irzɔ, èhwanja mɔ̀ à mà hwa làkirzɛ wòhwe wò awu lì akeyà na lìlòkɛ̀ la awu.

Ròmànì 15:12

È mòòhwèlì wà èlìŋgɛ̀ Àyìrzayà rzìi mɔ̀hvɛ a òhwi na òma e tìlahwì nanù ema, “O ò wurza mòtò ò mòtende mò ama Jɛ̀rzɛ̀, a ò jà ò lì kànèyà hwaŋga hwatò ema hwa rza enje wònyà Yudà. Ndeŋgànɛ̀lɛ̀ wɔ̀ hwa ika màhvìtà mà awu na mɔ̀.”

2 Kɔ̀rintìyà 7:1

Ìi Wònyamòwè kòkò, nà oma Lohwɛ̀ a ohwi ama mɔ̀ ndi à hwèlì e Tatɛ̀ ya arzu, irzɔhvɛ i hwɛ hwàanà hwa eni. Inyɛ̀ i rzɔnjɛ̀lɛ̀ hweyà ema hwe rzɔkɔ i nyo na hwèlìŋgɛ̀ hwe arzu. Inyɛ̀ i luwɛ Lohwɛ̀ na lì hwɛnɛ lòŋgɛ ema lì tani. Ène ŋgàna ndi e jo gbeyà o lì kanɛ̀ Lohwɛ̀ na oma ya àrzàhweyà.

Kòlòrzìyà 1:5

I hwi nanù ema inyɔ è gbeyà ndi nanù ehwànja è mà rzèkeyà mèèmà mè anyu nanù ema è ò lùwa mònàmɛ̀ ema Lohwɛ̀ à mà è ùteya ò ŋmanyu yà lohwà. Inyɔ è mà màa lì hweya hweyà lì hvomɛ̀nɛ̀ moŋgo mònàmɛ̀, è hvonda ema hwa mà lòme lì è ohweyà ŋmɛ̀ndì mò gbamù.

2 Tɛ̀rzàlonìyà 2:16

Inyɛ̀ Rzàŋgo wà arzu, Yerzù Krirztò mɔ̀ ŋmìti nà Lohwɛ̀, Tatɛ̀ wà arzu, mɔ̀ ema à mà jò lìŋgàna ndèŋgànɛ̀lɛ̀ ò è ndèli yà eni, à jò ètìrzɛ̀ mèèmà mè arzu nà gbèti ema wò rza kuwa, ndèŋgànɛlɛ à jò ŋgbe lìhvìtà ò hweyà hwe gbamù.

Tàyìtùrzì 3:7

Lohwɛ̀ à mà gbeyà nanù, aŋga nanù e ndèli ya eni e gbeyà jo o emeyàhwa o worzo wo eni, rzìi irzɔ hvɛ jo o hwɛnɛ lìhvìtà nanù ema jo ò luwa lòŋgɛ la gbìndèyà.

Hibrù 12:14

È keke e hwɛnɛ ɛ̀yɔ̀lɛ̀ na hwatò hwa arzɛ na lì lìya lòŋgɛ la wòtani, èhwanja hwaŋga ema hwa rza nɔ̀ŋgɔ lòŋgɛ la wòtani hwa rza o ɛnɛ e Rzàŋgo.

Hibrù 6:18

Lohwɛ̀ à mà ŋgbà hwene hweyà hweahwàkɛ ema hwe rza tanɛ lì àyèŋgowɛ̀, ehwànja Lohwɛ̀ a rza kɔ̀ɔ hweyà. A ma jo ŋgba yòombò na lìkàkɛ̀nɛ. A ma gbeyà ndi nanù, aŋga nanù irzɔ ema i lɛmbi lìni lìkàkɛ̀nɛ na màyìmbi jo o rzulɛhwɛ, na o lì àhvìtɛ̀ o hwèèmà ema mɔ̀ à ohwi nanù ema a o jo ŋgba.

Hibrù 7:26

Yerzù mɔ̀ ndi à hwèlì èŋge tumba ya Pìlìrzì e Kàrzàmi ema a jo lɔ̀ɔ̀nì, èhwanja mɔ̀ à ondi na wòtani, a rza ohvi hvɛ tɔ̀ mehwɛlɛ, tɔ̀ wòhwe tɔ̀ wɔ̀kɔ wo rzi mo rzɔ̀ki. Mɔ̀ à mà akakowɛ o hwatò ema hwa gbeyà wòhwe, ndèŋgànɛ̀lɛ̀ a ikahwi o ŋmanyu ya e konda ndɛnɛ ya lìkànèyà o ŋmanyu yà lohwà.

Jèmìrzì 4:8

È jèe e kombɛ̀nɛ̀ Lohwɛ̀ aŋga nanù mɔ̀ hvɛ a e kombɛ̀nɛ̀. Inyɔ̀ hwatò hwa wòhwe e hwɛmɛ o lì gbeyà wòhwe. Inyɔ̀ hwatò hwa mèhvìlì e ika màlùtèyà ma anyu o lì gbeyà hweyà ema hwe rzàŋgi.

1 Pètrò 1:15

Ndi, inyɔ e hwɛ wòtani o mamɛ ya arzɛ ema e gbèeyà, nàa oma Lohwɛ̀ ema a e hwɛlɛyi a hwèlì wòtani.

1 Pètrò 1:3

Jèka ì hwɛ nà Lohwɛ̀ è Tatɛ̀ yà ama è Rzàŋgo wà arzu Yerzù Krirztò. À mà hvùmùlɛ̀ Yerzù Krirztò ò kpelì. Ò eŋgànɛ̀lɛ̀ i mà luwa lòŋgɛ lì hvènya. Nà oma mɔ̀ à gbèyi nanù, à mà jò ŋgba lìhvìta là lòŋgɛ là gbìndèyà.

2 Pètrò 1:4

Ò ene ŋgàna rzɔ̀, mɔ̀ à ohwi nanù ema à jò gbèeyà hweyà hwe gbamù hwe ndɛnɛ. A gbèyi hwene hweyà hwe arzɛ nanù, aŋga nanù inyɔ e rza kpèeyà o tenì ya hweyà hwe wòhwe ema hwe hwèlì o rze. È nyɔ̀ŋgi ya hweyàrzèlì hwe hweyà hwe e nyàma ya nyo yɔ̀ ndeŋgàtɛ hwatò hwa gbeyà hwene hweyà hwe arzɛ. Hweŋge hweyà hwe gbamù hwe ndɛnɛ hwe gbèyɛ̀nɛ tɛ, ɛ̀ɛ̀mɛ̀ ya anyu e rzàŋga ndi nàa ɛ̀ɛ̀mɛ̀ ya ama Lohwɛ̀.

2 Pètrò 3:14

O eŋgànɛlɛ imbùnda ja ami kòkò, na oma ya ambɛlɛlɛ woŋgo wùnyà, e gbeye gbamù wo anyu o lì hwɛ Wòrzàŋgì ema e rza ohva njɔ̀mi o worzo wa ama Lohwɛ̀. Nà o lì hwɛ hvɛ o ɛ̀yɔ̀lɛ̀ na mɔ̀.

1 Yòwanìrzɛ̀ 2:6

Tɔ̀ njɛnɛ ema à ohwa nanù ema à hwèlì nà Lohwɛ̀ ò ì hvonda jà arzɛ, lòŋgɛ là eni lì àŋgàmɛ̀nɛ̀yi ndi lì hwɛ nàa è là ama Yerzù Krirztò.

1 Yòwanìrzɛ̀ 4:17

È ndìŋgɛ ema è hwèlì ò tenì yà arzu è òndìrzɛ̀hwɛ̀yi nyayi ema mèèmà mè arzu mè eta ò wùnyà wò hwèkàyìrzèlì. È ò ondìrzɛ̀hwɛ̀ nyàyi ema mèèmà mè arzu mè eta ò tenì ò wùnyà wò hwèkàyìrzèlì, ehwànja anu rze ì hwèlì ndi mòtò nà Lohwɛ̀ nyayi hvɔ̀kɔ nà oma Krirztò hvɛ à mà hwɛ nà mɔ̀.