1 Yòwanìrzɛ̀ 3:2 - Mokpwe: Bakwery (New Testament)

² Wònyàmòwe kòkò, o naŋgɛ nanù irzɔ i hwèlì ndi hwàanà hwa ama Lohwɛ̀, ndèŋgànɛlɛ hvɛ mamɛ ema irzɔ jo ò hwɛ o e ŋmɛlɛ irzɔ i rzi e hwi. Ndì i hwi hvɛ nanù ema Krirztò a jelì tɛ, irzɔ jo ò hwɛ ndi nàa mɔ̀, ehwànja i hwɛni lì mo ɛnɛ na oma mɔ̀ à hwèlì.

1 Yòwanìrzɛ̀ 3:2 Mawu Ofanana

Matiyò 5:8

Mònàmɛ̀ nà hwatò ema hwa rzàŋgi mèèmà, èhwanja wɔ̀ hwa ò ɛnɛ Lohwɛ̀.

Lukàrzɛ̀ 17:30

Nànù mɛnɛ ndi e ò hwɛ̀ɛ ò wòŋgò wùnyà ema è Ŋmanà wà è Mòtò wà Hwènàmà a ò ɛnɛ̀hwɛ.

Lukàrzɛ̀ 20:36

Èhwànja hwa ò hwɛ ndi nàa i aŋgèlì, ndèŋgànà hwa rza ò ŋwa hvɛ. Hwa hwèlì ndi hwàanà hwa ama Lohwɛ̀, èhwanja hwà mà hvùmùwà ò kpelì.

Yòwanìrzɛ̀ 1:12

Ndi e wɔ̀ ema hwà mà mò kàrzɛ na lì mò lòkɛ̀ hwanu ndi à mà ŋgbèe è wònjà ò lì hwɛ hwàànà hwa ama Lohwɛ̀.

Yòwanìrzɛ̀ 11:52

Rzekɛtɛ ò wònyà Yudà mɛnɛ ndi ò lì rzàŋga hwatò hwa arzɛ hwa ama Lohwɛ̀ ema hwa wuhwèlì ò èki yɔ̀kɔ, aŋga nanù hwa hwɛ mòtò mɔ̀kɔ.

Yòwanìrzɛ̀ 17:24

Ìi Tatà ò nò ŋgbelì e wɔ̀, na arza nanù ema, hwa hwɛ na imba èki ema imba na hwèlì, aŋga nanù hwa ɛnɛ èluhwe ya ami. O ma nò ŋgbà èluhwe èhwanja ò ma nò lìŋgana ndèŋgàna e rze ye e wekahwa.

Ròmànì 8:16

Èlìŋgɛ̀ ya ama Lohwɛ̀ e ma jò gbeyà ò lì hwiya ò mèèmà me arzu nanù ema i hwèlì ndi hwàanà hwa ama Lohwɛ̀.

Ròmànì 8:18

Imba na ɛni nanù ema mètàkà ema jò ò luwa nàŋgɛ me rza enje tɔ̀ eyà nàa èluhwe ema hwa ò jò uŋmɛ̀lɛ̀hwɛ ò e hvònda ema e ò jɛ̀ɛ̀.

Ròmànì 8:19

Hweema hwe arzɛ ema Lohwɛ̀ a wèki ò rze ya mɔ̀nyɛ̀ hwe hwèlì lì ambɛ̀lɛ̀ na nyɔ̀ŋgi ndɛnɛ ò lì ɛnɛ na òma Lohwɛ̀ a ò uŋmɛ̀lɛ̀ hwàna hwa eni, a ò gbeyà eŋge na èluhwe ya eni ya arzɛ.

Ròmànì 8:29

Lohwɛ̀ mɔ̀ à màa lì tɛ̀yirzɛ nanù ema hwatò ema à mà lòme lì hvɔ̀rzɔ̀, ɛ̀ɛ̀mɛ̀ ya awu e ò hwɛ ndi nàa e ya ama è Ŋmanà wà eni aŋga nanù òŋgò Ŋmanà à ò hwɛ ndi è Ŋmanà wà wòrzò ò ìtììtènì ja ama wònyanyàŋgò wa eni.

1 Kɔ̀rintìyà 13:12

Mamɛ ema jɛ̀ɛ̀ ɛnɛ̀ naŋgɛ̀ e hwèlì ndi nàa lìmbaki ndi o mburzà hvonda ja o ɛnɛ Lohwɛ̀ wòrzo na wòrzo. Tɔ̀ naŋgɛ nanù, imba na rza rzɔ̀ŋgìtɛ̀nɛ̀ Lohwɛ̀ kɔ̀yi-kɔ̀yi, Ndi o e hvonda ema e o jɛ̀ɛ̀, na o mo rzɔ̀ŋgìtɛ̀nɛ̀ na oma mɔhvɛ a no rzɔ̀ŋgìtɛ̀nɛ̀ kɔ̀yi-kɔ̀yi.

1 Kɔ̀rintìyà 15:49

Nà oma ja ɛneya na Adàmu e mòtò ema à mà wèkahwà na mɔ̀nyɛ̀ mo rze, nanù mɛnɛ hvɛ ndi jo ò ɛneya nàa e mɔ̀ ema à mà uwɛ̀lɛ̀lɛ̀yi o ŋmanyu yà lohwà.

1 Kɔ̀rintìyà 2:9

Èya èŋge ema e tìlahwì o kààtì ya wòtani nanù ema, “Tɔ̀ mòtò a rza ɛni, tɔ̀ mòtò a rzi hweyi, tɔ̀ mòtò a rzi lutelì hwenè hweyà Lohwɛ̀ à rzɛ̀ŋgɛnɛ hwaŋga hwatò ema hwà mò lìŋgàni.”

2 Kɔ̀rintìyà 3:18

Irzɔ ema Lohwɛ̀ à mà ulɛ lìhwatu ema lì ma jo hwanda marzo, ɛ̀ɛ̀mɛ̀ ya arzu e ma gbèeyà ema hwatò hwa hwiye nɛ èluhwe ya ama Lohwɛ̀ e hwèlì. Wɔ̀ hwà mà ɛnɛ nanù ema i hwèlì ndi hwatò ema i gbèeyà hweyà na oma Lohwɛ̀ a àrzeyà. Èlìŋgɛ̀ ya wòtani e jo tikowa ndi i hvonda ja arzɛ o lì hwɛ nàa Yerzù, aŋga nanù hwatò hwa ɛnɛ nɛ mɔ̀ à imbami. Rzàŋgo, mɔ̀ ema a hwèlì ndi Èlìŋgɛ̀ mɔ̀ ndi à gbeyà hwene hweyà hwe arzɛ.

2 Kɔ̀rintìyà 4:17

Hwanu hwàna hwa mètàkà rzɔ ema i taka nàŋgɛ, rzeketɛ e meyɔ ema i tàkìrzɛ̀ mèèmà o lùuŋga. I taka o nàŋgɛ, ndi èluhwe ema e o hwɛ na irzɔ e o koka nyàyi ema i rza o ɔ̀ŋgɛ̀lɛ tɔ̀ mene mètàkà ema i luwa nàŋgɛ anu rze. Ndèŋgànà ene èluhwe e o hwɛ na irzɔ o gbìndèyà.

Gàletìyà 3:26

Inyɔ hwa arzɛ è hwèlì ndi hwàanà hwa ama Lohwɛ̀ èhwanja è lòkɛ̀yì Yerzù Krirztò.

Gàletìyà 4:6

Nà oma e hwèlì ndi hwàanà hwa ama Lohwɛ̀, eŋge eyà e ma gbeyà Lohwɛ̀ o lì jo òmeya Èlìŋgɛ̀ ya ama Ŋmanà eni o mèèmà me arzu. Èŋge Èlìŋgɛ̀ e ma gbeyà ema nàŋgɛ i hwɛlɛ Lohwɛ̀ nanù ema, “Ìi Tatɛ̀.”

Hvìlipìyà 3:21

Mɔ̀ a o gbeyàna màyìmbi ma eni ema mɔ̀ à gbeyàna o lì kànèyà hweyà hwe arzɛ, ndèŋgànɛ̀lɛ̀ mɔ̀ à o tikowa inyo ja arzu ja e rze, inyo ja arzu ema i rza hwɛnɛ màyìmbi aŋga nanù jo luwa inyo ndɛnɛ ja màyìmbi na oma mɔ̀ à mà luwe e hvonda ema Lohwɛ̀ à mà mo hvùmùlɛ o kpelì.

Kòlòrzìyà 3:4

Krirztò ndi à hwèlì lòŋgɛ là arzu, ndeŋgànɛlɛ mɔ̀ à jelì tɛ ò ene rze, inyɔ hvɛ è hwɛ nà mɔ̀ ò èluhwe yà eni yà arzɛ.

Hibrù 9:28

Nànù hvɛ mɛnɛ ndi Krirztò à mà aŋgbɛ mɔ̀ ŋmìti o ŋgelì hvɔ̀kɔ o iŋgèlì ja arzɛ nàa jàhwèyà o lì ulɛ wòhwe ema wo koki o hwatò. Ndeŋgànɛ̀lɛ̀ mɔ̀ à o jà hvɛ e ŋgelì ema e ùkirzɛ̀ ihwàkɛ, rzeketɛ o lì ulɛ wòhwe o hwatò, ndi mɔ̀ à o jà o lì rzùŋgà mòŋgɛ ma hwatò ema hwa mo ambɛ̀lɛ.

2 Pètrò 1:4

Ò ene ŋgàna rzɔ̀, mɔ̀ à ohwi nanù ema à jò gbèeyà hweyà hwe gbamù hwe ndɛnɛ. A gbèyi hwene hweyà hwe arzɛ nanù, aŋga nanù inyɔ e rza kpèeyà o tenì ya hweyà hwe wòhwe ema hwe hwèlì o rze. È nyɔ̀ŋgi ya hweyàrzèlì hwe hweyà hwe e nyàma ya nyo yɔ̀ ndeŋgàtɛ hwatò hwa gbeyà hwene hweyà hwe arzɛ. Hweŋge hweyà hwe gbamù hwe ndɛnɛ hwe gbèyɛ̀nɛ tɛ, ɛ̀ɛ̀mɛ̀ ya anyu e rzàŋga ndi nàa ɛ̀ɛ̀mɛ̀ ya ama Lohwɛ̀.

1 Yòwanìrzɛ̀ 2:28

Ò eŋgànɛ̀lɛ̀ rzɔ inyɔ ema è hwèlì nàa hwàanà hwa ami, è lììya ndi ò lì ahvìyànɛ̀ nà Krirztò, aŋga nanù ò wùnyà ema mɔ̀ à ò jɛ̀ɛ̀ è hwɛnɛ kumba è rza ò òhva tɔ̀ irzɔ̀ni ò lì mò uŋmànɛlɛ.

1 Yòwanìrzɛ̀ 2:7

Imbùnda jà ami kòkò, ene mbenda ema nà è tìleyà nanù, è rza enje ndi mbenda hvènya, è hwèlì ndi mbenda yà mbolowa ema è mà hwɛnɛ natɛ̀ɛ nà ò hwèwòteli. Ène mbenda yà mbolowa è hwèlì ndi ŋmɛ̀ndì mò gbamù ema è mà lòmɛ lì hweyà.

1 Yòwanìrzɛ̀ 3:1

È ɔŋgɔ tɛ e ndìŋgɛ ndɛnɛ ema Tatɛ̀ a jo lìŋgàni. Èŋge ndìŋgɛ e olo natɛ̀ɛ irzɔ i hwɛ̀lɛ̀hwɛ̀ hwàanà hwa ama Lohwɛ̀, ndèŋgànɛ̀lɛ̀ nanù ndi irzɔ i hwèlì. Lìtiŋga ndeŋgatɛ ene rze e rza jo hwi lì hwèlì ndi ehwànja hwa rzi lome lì hwiya e Tatɛ̀.

1 Yòwanìrzɛ̀ 3:10

Nànù ndi irzɔ ì hwɛni lì hwiya njɛnɛ hwàànà hwa ama Lohwɛ̀ hwa hwèlì, nà njɛnɛ hwàànà hwa ama Mòkarzɛ̀ hvɛ hwa hwèlì, tɔ̀ njɛnɛ ema à rza gbèyɛ mamɛ ema è hvomɛ̀nɛ̀yi à rza enje è ŋmanà wà ama Lohwɛ̀. Ŋgànà hvɔ̀kɔ hvɛ nà tɔ̀ njɛnɛ ema à rza lìŋgànɛ̀ ŋmanyàŋgò tɔ̀ è ndomɛ̀ yà eni.

1 Yòwanìrzɛ̀ 3:21

Ìi wònyàmòwe kòkò, màlùtèyà ma arzu ma rza jo òhwèlì tɛ nanù ema i hwèlì ndi hwatò hwa wòhwe, i rza ohva wɔ̀ŋgɔ̀ i kànɛ tɛ o worzo wo ama Lohwɛ̀.

1 Yòwanìrzɛ̀ 5:1

Tɔ̀ ima mòtò ema à lòkɛ̀ nanù ema Yerzù mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi à hwèlì ndi nàa è ŋmanà wà ama Lohwɛ̀, ndèŋgàna tɔ̀ njɛnɛ ema à lìŋgàni Tatɛ̀ nanù oma à lìŋgàni hvɛ è Ŋmanà wà eni.

Hwèwulùwèlì 2:28

Ŋgàna hvɔ̀kɔ nà oma Tatɛ̀ wà ami à nò ŋgbelì màyìmbì. Imba hvɛ nà ò ŋgba hwatò ema hwa lìya lì aka wòhwe màyìmbì. Ò eŋgànɛ̀lɛ̀ rzɔ, nà oma wɔ̀ hwa lìya lì aka wòhwe nà ò hwa ŋgba è rzòmbe yà èluhwe.

Hwèwulùwèlì 22:4

Hwa o ɛnɛ Lohwɛ̀ worzo na worzo ndèŋgànɛ̀lɛ̀ lìinà la eni lì o hwɛ o imbɔ̀mbɔ ja awu ja meyohvo.