1 Yòwanìrzɛ̀ 2:7 - Mokpwe: Bakwery (New Testament)

⁷ Imbùnda jà ami kòkò, ene mbenda ema nà è tìleyà nanù, è rza enje ndi mbenda hvènya, è hwèlì ndi mbenda yà mbolowa ema è mà hwɛnɛ natɛ̀ɛ nà ò hwèwòteli. Ène mbenda yà mbolowa è hwèlì ndi ŋmɛ̀ndì mò gbamù ema è mà lòmɛ lì hweyà.

1 Yòwanìrzɛ̀ 2:7 Mawu Ofanana

Matiyò 5:43

“È ma hwèya ema è mà òhwahwa nanù ema, ‘Lìŋgàna ŋmànyàŋgò wà aŋgɔ̀, kɔ̀ɔ̀ hvɛ è mòtò ema à ò kɔ̀ɔ̀.’

Yòwanìrzɛ̀ 13:34

Mbenda hvènya ene ema nà è ŋgbà naŋgɛ, è alìŋgànɛ mɔ̀kɔ nà ɔ̀nɛyi. Nà òma nà mè lìŋganè, ò èŋgànɛ̀lɛ̀ è hwɛnì lì alìŋganɛ̀ mɔ̀kɔ nà ɔ̀nɛyi.

Hwègbèèlì 17:19

O eŋgànɛ̀lɛ̀ wɔ̀ hwà mà wòwa Pàwolò rzi hwa mò ɛ̀ndɛ̀nɛ̀ ò wòrzò wò hwèlìyelì hwe mbòwa ema hwe hwɛ̀lɛ̀hwɛ̀ Àrèyòpàgùrzì, ema hwà mà òhwe nanù ema, “I tanɛyi lì hwiya mamɛ hwene hwèyòkòlèlì hwe hvènya ema ò òkòlɛ hwe hwèlì e?

Hibrù 6:9

Ìi wònyamòwè kòkò, ndi tɔ̀ nɛ na e ohweyà nanù, na lòkɛ̀yi nanù ema inyɔ e gbeyà hweyà o ŋgana ema è ò luwɛ hwèèmà hwe gbamù hwe lìrzùŋgàhwa.

1 Yòwanìrzɛ̀ 2:24

Inyɔ è àŋgàmɛ̀nɛ̀yi ò lì ɛnɛ nanù ema, ŋmɛ̀ndì ema inyɔ è mà hwèyɛ natɛ̀ɛ nà ò hwèwòtèlì, mò lìyayi ò tenì yà anyu. Ŋmɛ̀ndì ema è mà hwèyɛ mò lìyelì tɛ ò tenì yà anyu, è ò hwɛ nà è Ŋmanà wà ama Lohwɛ̀ nà è Tatɛ̀.

1 Yòwanìrzɛ̀ 3:11

Ŋmɛ̀ndì mò gbamù ema è mà hwèye natɛ̀ɛ nà ò hwèwòtèlì mò hwèlì ndi nanù ema, è alìŋgànɛ mɔ̀kɔ nà ɔ̀nɛyi.

1 Yòwanìrzɛ̀ 3:2

Wònyàmòwe kòkò, o naŋgɛ nanù irzɔ i hwèlì ndi hwàanà hwa ama Lohwɛ̀, ndèŋgànɛlɛ hvɛ mamɛ ema irzɔ jo ò hwɛ o e ŋmɛlɛ irzɔ i rzi e hwi. Ndì i hwi hvɛ nanù ema Krirztò a jelì tɛ, irzɔ jo ò hwɛ ndi nàa mɔ̀, ehwànja i hwɛni lì mo ɛnɛ na oma mɔ̀ à hwèlì.

1 Yòwanìrzɛ̀ 3:21

Ìi wònyàmòwe kòkò, màlùtèyà ma arzu ma rza jo òhwèlì tɛ nanù ema i hwèlì ndi hwatò hwa wòhwe, i rza ohva wɔ̀ŋgɔ̀ i kànɛ tɛ o worzo wo ama Lohwɛ̀.

1 Yòwanìrzɛ̀ 3:23

È mbenda ema a ŋgbelì e hwèlì ndi nanù ema, i lòkɛ̀ o lìinà la ama è Ŋmanà wà eni Yerzù Krirztò na o lì alìŋgànɛ mɔ̀kɔ na ɔ̀nɛyi. Ène mbenda hvɛ mɛnɛ ndi Krirztò à mà jo ŋgbe.

1 Yòwanìrzɛ̀ 4:1

Imbùnda jà ami kòkò, è rza lòkɛ̀ hwatò hwa arzɛ ema hwa ohwa nanù ema hwa ohvi Èlìŋgɛ̀ yà ama Lohwɛ̀. Ndi è hwa kèkìrzɛ̀ ò lì hwiyà ŋga èlìŋgɛ̀ ema è hwèlì ò tenì yà awu, è uwɛ̀lɛ̀lɛ̀yi ndi ò mà Lohwɛ̀. È hwa kèkìrzɛ̀ ehwànja rzayi-rzayi jà hwà-òhwèlì hwa hwèlìŋgɛ̀ hwe mòlàŋgà hwa mà bùweyà ò è rze yà arzɛ.

1 Yòwanìrzɛ̀ 4:11

Imbùnda jà ami kòkò, kànàtɛ Lohwɛ̀ à jò lìŋgàni rzayi-rzayi, irzɔhvɛ jà àŋgàmɛ̀nɛ̀yi lì alìŋgànɛ mɔ̀kɔ nà ɔ̀nɛyi.

1 Yòwanìrzɛ̀ 4:21

Ò eŋgànɛ̀lɛ̀ è mbenda yà ene ema e ŋgbàahwì tɔ̀ njɛnɛ ema à lìŋgàni Lohwɛ̀, à aŋgàmɛ̀nɛ̀yi hvɛ lKì lìŋgàna ŋmanyàŋgò wà eni.

1 Yòwanìrzɛ̀ 4:7

Imbùnda jà ami kòkò, inyɛ jà alìŋgànɛ mɔ̀kɔ nà ɔ̀nɛyi, ehwànja Lohwɛ̀ ndi à jò gbèeyà ema ì lìŋgàne hwatò. Tɔ̀ ima mòtò ema à lìŋgàni hwatò nanù oma à hwèlì ndi nàa è ŋmanà wà ama Lohwɛ̀ ndèŋgànɛlɛ à hwi Lohwɛ̀.