1 Yòwanìrzɛ̀ 2:5 - Mokpwe: Bakwery (New Testament)5 Tɔ̀ njɛnɛ ema à gbeyà mamɛ ema eyà yà ama Lohwɛ̀ è ohwa, à uŋmɛ̀lɛ̀ nà è jɔ̀kɛ̀ nanù ema à mò lìŋgàni kɔ̀yi-kɔ̀yi. Nànù ndi irzɔ ì tànɛyi lì hwiya kɔ̀yi-kɔ̀yi nanù ema ì hwèlì nà Lohwɛ̀. Onani mutuwo |
Lohwɛ̀ ndi à è jani ò lì hwɛ mòtò mɔ̀kɔ nà Yerzù Krirztò. Hweyà ema Yerzù Krirztò à mà gbèye hwe jò gbèyi ò lì hwiya nanù ema mɔ̀ ndi à hwèlì lìhwiyè là ama Lohwɛ̀. Ène ŋgàna è uŋmɛ̀lɛ̀ nanù ema Yerzù Krirztò ndi à jò gbèyi ò lì gbeyà hweyà hwe jɔ̀kɛ̀, ò lì hwɛ hwatò ema hwa hwèlì wòtani, nà lì ulɛ̀hwɛ̀ ò wòhwe.
È mòtò ema Lohwɛ̀ à lìŋgàni oŋgo mòtò à rza ohvi tɔ̀ wɔ̀ŋgɔ̀ ò tenì ya eni. Ndi è ndìŋgɛ ema è òndìrzɛ̀hwɛ̀yi è hvàya wɔ̀ɔ̀ŋgɔ̀ wò arzɛ. Lì òokà là wɔ̀ŋgɔ̀ wò lì kɔ̀kìrzɛ̀hwɛ̀ lɔ̀ ndi lì jànà wɔ̀ɔ̀ŋgɔ̀, ò eŋgànɛ̀lɛ̀ rzɔ tɔ̀ ima mòtò ema à ohvi wɔ̀ŋgɔ̀ ò tenì yà eni eŋge ŋgànà è hwèlì ndi nanù ema è ndìŋgɛ è rza ondìrzɛ̀hwɛ̀ ò tenì yà eni.
Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.