1 Yòwanìrzɛ̀ 2:4 - Mokpwe: Bakwery (New Testament)

⁴ Tɔ̀ ima mòtò ema à ohwa nanù ema, “Nà mò hwi” ndi à rzi ika imbenda jà eni, à hwèlì ndi mòtò wà mòlàŋgà ndèŋgànɛlɛ è jɔ̀kɛ̀ è rza enje ò tenì yà eni.

1 Yòwanìrzɛ̀ 2:4 Mawu Ofanana

Yòwanìrzɛ̀ 8:44

È hwèlì ndi e hwa ama e rzàŋgò ya anyu, Mòkarzɛ̀, ɔ̀ndeŋgàtɛ̀ e arza ndi lì òndìrzɛ̀ e nyɔ̀ŋgi ya eni. Mɔ̀ à mà hwɛ ndi mòòŋwèlì natɛ̀ɛ na ò hwewòtelì. A rza alɛ̀mbɛnɛ ò jɔ̀kɛ̀, èhwanja a rza òhvi jɔ̀kɛ̀. Mɔ̀ a kɔ tɛ hweyà, a òhwa ndi e mbɔrzi ya eni ya mbòwà. Èhwanja mɔ̀ à hwèlì ndi mòtò wa mòlàŋgà, ndèŋgànɛ̀lɛ̀ a hwèlì ndi e rzàŋgò ya mòlàŋgà.

Tàyìtùrzì 1:10

Nà ohwa ndi ene eyà nanù ehwànja, rzayi-rzayi ja hwatò hwa rzɔ̀rzɔ̀ o lì ika lìkànèyà la ama hwàtimbèlì wa ŋmèmba. Hwanu hwatò hwa okolɛ hwahvɛhvɛ hwatò na e mbɔrzi ema e rza ohvɛ janda ndèŋgànɛ̀lɛ̀ hwa lukɛlɛ hwatò. Rzayi-rzayi ja hwanu hwatò ema hwa okolɛ ene nyàyi ya hwèyòkòlèlì, hwa hwèlì ndi hwatò ema hwa hwèlì o eŋge ehvehva ema e ohwa nanù ema, hwa àŋgàmɛ̀nɛ̀ o lì endà hwatò.

Tàyìtùrzì 1:16

Hwàto ema hwa okolɛ hweŋge hwèyòkòlèlì hwe mòlàŋgà wɔ̀ hwa ohwa nanù ema hwa hwi Lohwɛ̀, ndi hwègbèèlì hwe awu hwe uŋmɛ̀lɛ̀ nanù ema hwa rza hwi Lohwɛ̀. Hwa gbeyà hweyà ema hwatò hwa rza lìŋgànɛ, wɔ̀ hwa rza gbeyà hweyà na oma Lohwɛ̀ a hwe àrzeyà ndeŋgànɛlɛ hwa rza tànɛ lì gbeyà tɔ̀ eyà yɔ̀kɔ ya gbamù.

1 Yòwanìrzɛ̀ 1:10

Irzɔ jo òhwi tɛ nanù ema i rzi gbèyi tɔ̀ wòhwe, nanù oma i gbèyi ndi Lohwɛ̀ o lì hwɛ e mɔ̀ wa mòlàŋgà, ndèŋgànɛ̀lɛ̀ eyà ya ama Lohwɛ̀ e rza enje na irzɔ.

1 Yòwanìrzɛ̀ 1:6

Irzɔ jo òhwa tɛ nanù ema i hwèlì mɔ̀kɔ na mɔ̀ rzi e hwɛ nanù ema mòŋgɛ ma arzu ma hwèlì ndi mòŋgɛ ma jìtìtì, oma i kɔ hweyà, ndèŋgànɛlɛ hwɛ̀ɛ̀mɛ̀ hwe arzu hwe rza enje jɔ̀kɛ̀.

1 Yòwanìrzɛ̀ 1:8

Jo òhwi tɛ ema i rza ohvi tɔ̀ wòhwe, nanù oma ja alukɛlɛ ndi irzɔ hwiti ndèŋgànɛlɛ o ma e jɔ̀kɛ̀ e rza enje na irzɔ.

1 Yòwanìrzɛ̀ 2:3

È hwèlì tɛ nanù ema irzɔ jè ika imbenda jà ama Lohwɛ̀, ò jɔ̀kɛ̀ ì mò hwi.

1 Yòwanìrzɛ̀ 2:9

Tɔ̀ njɛnɛ ema à ohwa nanù ema à hwèlì ò ŋmàye ndi à kɔ̀wu ŋmanyàŋgò tɔ̀ ndomɛ wà eni, eŋge tùmba mòtò è hwèlì ndi ò jììtìtì nanù mɛnɛ.

1 Yòwanìrzɛ̀ 3:6

Tɔ̀ ima mòtò ema a hwèlì na Krirztò, a rza o lìmeya o lì gbeyà wòhwe. Ndi tɔ̀ njɛnɛ ema a lìmelì o lì gbeyà wòhwe eŋge ŋgànà e hwèlì ndi nanù ema mɔ̀ à rzi ɛni tɔ̀ lì hwiya Krirztò.

1 Yòwanìrzɛ̀ 4:20

Mòtò à ohwi tɛ nanù ema à lìŋgàni Lohwɛ̀ rzìi à rzìŋgɛ̀ ŋmanyàŋgò wà eni wà ama Krirztò, nanù ò mà à kɔ̀ɔ hweyà. Èhwànja tɔ̀ njɛnɛ ema à rza lìŋgànɛ ŋmanyàŋgò wà eni wà ama Krirztò ema mɔ̀ à ɛnɛ, à rza tànɛ lì lìŋgàna Lohwɛ̀ ema mɔ̀ à rza ɛnɛ.

1 Yòwanìrzɛ̀ 4:7

Imbùnda jà ami kòkò, inyɛ jà alìŋgànɛ mɔ̀kɔ nà ɔ̀nɛyi, ehwànja Lohwɛ̀ ndi à jò gbèeyà ema ì lìŋgàne hwatò. Tɔ̀ ima mòtò ema à lìŋgàni hwatò nanù oma à hwèlì ndi nàa è ŋmanà wà ama Lohwɛ̀ ndèŋgànɛlɛ à hwi Lohwɛ̀.