1 Yòwanìrzɛ̀ 2:3 - Mokpwe: Bakwery (New Testament)

³ È hwèlì tɛ nanù ema irzɔ jè ika imbenda jà ama Lohwɛ̀, ò jɔ̀kɛ̀ ì mò hwi.

1 Yòwanìrzɛ̀ 2:3 Mawu Ofanana

Lukàrzɛ̀ 6:46

“Mamɛ ndeŋgàtɛ è nò hwɛlɛ nanù ema, ‘Ìi Rzàŋgò, Ìi Rzàŋgò,’ ndi e rza gbeyà mamɛ ìmba na òhwa e?

Yòwanìrzɛ̀ 14:15

Yerzù rzìi a òhwa hvɛ nanù ema, “È hwèlì tɛ ema e nò lìŋgàni, e hwɛnì lì ika imbenda ja ami.

Yòwanìrzɛ̀ 15:10

È ikayi tɛ imbenda ja ami, aŋga ndi na e lìŋgàna nanù mɛnɛ. Nànù ndi imba hvɛ na hweyàni imbenda ja ama Tatà wa ami ndèŋgàna a nò lìŋgàni nanù mɛnɛ.

Yòwanìrzɛ̀ 15:14

È hwèlì ndi imbunda ja ami e gbèyi tɛ mamɛ ya arzɛ na arza ema e gbeye.

Yòwanìrzɛ̀ 17:3

Lòŋgɛ la gbìndèyà lì hwèlì ndi nanù ema wɔ̀ hwa ò hwiye, ò wa ema ò hwèlì Lòohwà la jɔ̀kɛ̀ na ò lì hwiya Yerzù Krirztò ema ò wa ò òmi.

2 Kɔ̀rintìyà 4:6

Lohwɛ̀ ema à mà ohwa nanù ema, “Ŋmàye mo hvanye o èki ema e ma loma lì hwɛ jìtìtì,” Mɔ̀ ndi à gbèyi moŋgo ŋmɛ̀ndì mo ama Yerzù o lì hwɛ nàa ŋmàye ema mo hvànya o mèèmà me arzu. Lohwɛ̀ à mà jo gbeyà ene o irzɔ hwa arzɛ ema i lòkɛ̀yi Yerzù ene eyà. Lohwɛ̀ à mà gbeyà ndi nanù, aŋga nanù hwatò hwa hwiya nanù ema mɔ̀ à hwèlì wòlìto ò ma hwatò hwà mà hwiya nanù ema Yerzù Krirztò a hwèlì ndi nàa mɔ̀.

Hibrù 5:9

Lohwɛ̀ à mà mo gbeyà o lì hwɛ e Pìlìrzì e Kàrzàmi ema e hvomɛ̀nɛ̀, aŋga nanù, hwatò ema hwa mo hweyàna, hwa o luwa lìrzùŋgàhwa ema lì o hwɛ natɛ̀ɛ na o gbìndèyà.

1 Yòwanìrzɛ̀ 2:13

Inyɔ ema è hwèlì nàa ì tatɛ̀ ja ami, na e tìleya ehwànja e mo hwi e mɔ̀ ema a hwèlì natɛ̀ɛ na o hwewotelì. Hwèrzɔ̀mbɛ̀ hwe hwatò, na e tìleya ehwànja e akayi e Mɔ̀ ema a hwèlì Wòhwe.

1 Yòwanìrzɛ̀ 3:14

Irzɔ ì hwi nanù ema ì mà rzuwàna è ŋginyà yà è kpelì ò naŋgɛ ì hwɛni lòŋgɛ là gbìndèyà, ì hwi nanù ehwànja jà alìŋgànɛ̀yi mɔ̀kɔ nà ɔ̀nɛyi. Tɔ̀ ima mòtò ema à rza uŋmɛ̀lɛ̀ wònyànyàŋgo hwa Krirztò è ndìŋgɛ à èlelì ndi ò rze yà è ŋginyà yà kpelì.

1 Yòwanìrzɛ̀ 3:19

Ja awùŋmɛ̀lɛ̀nɛ̀yi tɛ e ndìŋgɛ mɔ̀kɔ nà ɔ̀nɛyi, aŋga ndi irzɔ i hwiya nanù ema i hwèlì ndi hwatò hwa jɔ̀kɛ̀, ndèŋgànɛ̀lɛ̀ i hwi nanù ema mèèmà me arzu me eta o worzo wo ama Lohwɛ̀.

1 Yòwanìrzɛ̀ 3:6

Tɔ̀ ima mòtò ema a hwèlì na Krirztò, a rza o lìmeya o lì gbeyà wòhwe. Ndi tɔ̀ njɛnɛ ema a lìmelì o lì gbeyà wòhwe eŋge ŋgànà e hwèlì ndi nanù ema mɔ̀ à rzi ɛni tɔ̀ lì hwiya Krirztò.

1 Yòwanìrzɛ̀ 4:13

Èŋge eyà ndi è gbeyà irzɔ ì hwiya nanù ema ì hwèlì nà Lohwɛ̀ ndèŋgànɛ̀lɛ̀ Lohwɛ̀ hvɛ à hwèlì nà irzɔ, ehwànja mɔ̀ à jò ŋgbelì Èlìŋgɛ̀ yà eni.

1 Yòwanìrzɛ̀ 4:7

Imbùnda jà ami kòkò, inyɛ jà alìŋgànɛ mɔ̀kɔ nà ɔ̀nɛyi, ehwànja Lohwɛ̀ ndi à jò gbèeyà ema ì lìŋgàne hwatò. Tɔ̀ ima mòtò ema à lìŋgàni hwatò nanù oma à hwèlì ndi nàa è ŋmanà wà ama Lohwɛ̀ ndèŋgànɛlɛ à hwi Lohwɛ̀.

1 Yòwanìrzɛ̀ 5:19

Ì hwi nanù ema irzɔ ì hwèlì ndi hwàanà hwa ama Lohwɛ̀, tɔ̀ nɛ ì hwi nanù ema è Mɔ̀ wà Wòhwe ndi à kànèyà hwatò ò rze ema hwa rza hwiyɛ Lohwɛ̀.

1 Yòwanìrzɛ̀ 5:2

Nànù ndi ì hwiya ema ì lìŋgàni hwàanà hwa ama Lohwɛ̀, è hwèlì ndi ò lì lìŋgàna Lohwɛ̀ nà lì ika hvɛ imbenda jà eni.

1 Yòwanìrzɛ̀ 5:3

Ì lìŋgàni tɛ Lohwɛ̀ nà è jɔ̀kɛ̀, nanù oma irzɔ ì hwɛni lì ika imbenda jà eni. Ndèŋgana imbenda jà eni ì rza ambi ò lì ika.

Hwèwulùwèlì 12:17

Rzìi eŋge dragɔ̀ni e tàtànà oŋgo molàna, rzìi e ɛndɛ o lì anana enɛyi nyɔ̀ŋgɔ̀ni ya ama oŋgo molàna, na hwatò hwa arzɛ ema hwa gbeyà na oma Lohwɛ̀ a àrzeyà, ndèŋgànɛ̀lɛ̀ hwaŋga ema hwa tɛmeya Yerzù e mboŋgi.

Hwèwulùwèlì 14:12

Ène eyà è hwèlì ndi nanù ema, hwatò hwa wòtani hwa ama Lohwɛ̀ hwa àŋgàmɛ̀nɛ̀ lì ajùlɛ̀ ò tenì yà mètàkà, ò lì ika imbenda jà ama Lohwɛ̀ nà ò lì kombɛ̀ lìlòkɛ̀ là awu nà Yerzù.

Hwèwulùwèlì 22:14

Mònàmɛ̀ nà hwaŋga hwatò ema hwa rzòrza mèŋgombe me awu, hwa o luwa è wònjà ya lì akeyà o lìyohva la kɔ̀tɔ̀ o lì kpèeyà o eŋge mbowà ndɛɛndɛ aŋga nanù wɔ̀ hwa o laa hwehvùma ema hwe gbeyà hwatò hwa hwɛ o lòŋgɛ natɛ̀ɛ na o gbìndèyà.