1 Yòwanìrzɛ̀ 1:9 - Mokpwe: Bakwery (New Testament)

⁹ Ndì i purzɛlɛyi tɛ wòhwe wo arzu, mɔ̀ à ondìrzɛ̀ lì kàkɛ̀nɛ̀ la eni ndèŋgànɛ̀lɛ̀ a lì gbeyà o ŋgànà ema e hvomɛ̀nɛ̀yi. Mɔ̀ a o jo làkìrzɛ̀ wòhwe wo arzu, ndèŋgànɛ̀lɛ̀ a jo rzorza wòhwe wo arzu wo arzɛ.

1 Yòwanìrzɛ̀ 1:9 Mawu Ofanana

Matiyò 3:6

Nà òma hwaŋga hwatò hwa mà purzɛ̀lɛ̀ wòhwe wò awu, rzìi Yòwanìrzɛ̀ à hwa lùhwìrzɛ̀ ò mòrzò mò Jɔdànì.

Makòrzì 1:5

Hwatò hwa mà uhwɛlɛlɛ ò erzòòkà yà arzɛ yà Jùdeyà, nà ò mbòwà ndɛ̀ɛ̀ndɛ̀ yà Jèrurzalɛ̀mù, hwa mà wurza lì mò òkànèyà. Nà òma hwaŋga hwatò hwa mà purzɛ̀lɛ̀ wòhwe wò awu, rzìi Yòwanìrzɛ̀ à hwa lùhwìrzɛ̀ ò mòrzò mò Jɔdànì.

Lukàrzɛ̀ 22:57

Pètrò à mà hvèyìŋgòwa, rzìi à òhwa nanù ema, “Ìi mòlanà, nà rza mò hwi à hwiyà.”

Yòwanìrzɛ̀ 17:25

Ìi Tatà ò tɛmi ehve-ehve. È rze e rza ò hwi ndi imba na ò hwi, rzìi hwanù hwa hwi nanù ema ò wa ndi ò nò òmi.

Hwègbèèlì 19:18

Rzayi-rzayi ja hwaŋga ema hwà mà lòkɛ̀yì hwà mà jà, rzìi hwa purzɛlɛ ò mòte wòhwe wò arzɛ ema hwà mà gbeyɛ.

Ròmànì 3:26

Ndi ò ene hvònda ya nàŋgɛ, a uŋmɛ̀lɛ̀ hwatò nanù ema a gbeyà hweyà wa eni ŋgàna ema e hvòmɛ̀nɛ̀yi. Ndèŋgana à mà uŋmɛ̀lɛ̀ hwatò nanù ema a ò emeyà tɔ̀ ima mòtò ema a lòkɛ̀yì Yerzù.

1 Kɔ̀rintìyà 1:9

Lohwɛ̀ à hwèlì à gbeyà mamɛ yà arzɛ ema à mà ohwe nanù ema à gbeyà. Mɔ̀ à è hvɔ̀rzì ò lì hwɛ mɔ̀kɔ nà è ŋmanà wà mùnyanà wà eni Yerzù Krirztò, è Rzàŋgo yà arzù.

1 Kɔ̀rintìyà 6:11

Nànù ndi lòŋgo là hwa inyɔ è mà hwɛ. Ndi inyɔ è mà rzàŋgìrzɛ̀hwɛ̀ ò wòhwe wò anyu, è emànɛ̀lɛ̀hwɛ̀yì nà Lohwɛ̀, è tɛmìrzɛ̀hwɛ̀yi ehve-ehve nà Lohwɛ̀ lì akeyà nà Rzàŋgo Yerzù Krirztò nà Èlìŋgɛ̀ yà Lohwà là arzu.

Ɛ̀hvìrzìyà 5:26

À mà hwa ŋwèeyà aŋga nanù hwa hwɛ worzaŋgi. À mà gbeyàna malìhwa nà è mbɔrzi yà eni ò lì rzaŋgirzɛ là arzàŋganɛ là hwatò hwa Lohwà.

1 Tìmotì 1:15

Hwèyòhwèlì hwe jɔ̀kɛ̀ hwène, ema irzɔ i hwɛni lì èmeyà nà lì lòkɛ̀ kɔ̀yi-kɔ̀yi. Yerzù Krirztò à mà jà ò rze ò lì rzùŋga hwatò hwa wòhwe. Imba ndi nà hwèlì è mɔ̀ ema wòhwe wò eni wò koki lì aka wòhwe wò hwahvɛhvɛ hwatò.

Tàyìtùrzì 2:14

Yerzù Krirztò à mà aŋgbɛ mɔ̀ ŋmìti o lì jo kɔ̀tɔ̀ o wòhwe wo arzu wo arzɛ. A ma jo gbèeyà o lì hwɛ hwatò ema hwa hwèlì wòtani, ndèŋgànɛ̀lɛ̀ à mà jo gbeyà o lì hwɛ hwatò hwa eni mɛnɛ, ema hwa ohvi e nyɔ̀ŋgi ya lì gbeyà hweyà hwe gbamù.

Hibrù 10:23

Inyɛ̀ i lɛmbɛ lìhvìtà là arzu kɔ̀yi-kɔ̀yi, e rzi hwɛ lì nyiŋgirzɛhwɛ, èhwanja irzɔ i lòkɛ̀yi nanù ema Lohwɛ̀ ema a ohwi à mà a gbeyà mamɛ ema a ohwa nanù ema a gbeyà a e gbeyà.

Hibrù 11:11

Lìlòkɛ̀ ndi lì ma gbeyà Rzèla ema à mà aka mokèka mo lìyalì o lì lìta lemi. A ma hwɛnɛ lìŋgi lìlòkɛ̀ èhwanja à mà lòkɛ̀ nanù ema Lohwɛ̀ a ohwi tɛ ema a gbeyà eyà a e gbeyà na e jɔ̀kɛ̀.

Hibrù 6:10

Lohwɛ̀ à mà gbeyà hweŋge hwèma o ŋgana ema e hvomɛ̀nɛ̀. Mɔ̀ a rza hvoŋga tɔ̀ èwòlò yɔ̀kɔ ema mòtò a gbeye ndèŋgànɛ̀lɛ̀ mɔ̀ à rza hvoŋga e ndìŋgɛ ema mòtò a mo uŋmɛ̀lɛ̀ na oma inyɔ e hwèlì o lì gbèeyà hwahvɛhvɛ hwatò hwa ama Lohwɛ̀.

1 Yòwanìrzɛ̀ 1:7

Ndi i hwɛni tɛ lòŋgɛ la ŋmàye, na oma mɔ̀ ŋmìti hvɛ a hwɛni, aŋga nanù i hwɛ mɔ̀kɔ na ɔ̀nɛyi, ndèŋgànɛ̀lɛ̀ màyija ma ama e ŋmanà wa eni Yerzù, ma jo rzàŋgìrzɛ̀ o wòhwe wo arzu wa arzɛ.

Hwèwulùwèlì 15:3

Hwà mà hwɛ lì emba mɔ̀rzɔ̀kɔ̀ mo ama Morzè e mògbèèlì hwa ama Lohwɛ̀ na mɔ̀rzɔ̀kɔ̀ mo ama e Ŋguma ya Mɔ̀lɛ̀ŋgù nanù ema, “Rzàŋgo Lohwɛ̀ lì Kàrzàmi, hwègbèèlì hwe aŋgɔ hwe olo ndeŋgànɛlɛ hwe hwèlì hwètàmirzelì. Kìŋgɛ ya hwèkòmè, hwègbèèlì hwe aŋgɔ hwe hvomɛ̀nɛ̀, ndèŋgànɛ̀lɛ̀ o hwèlì jɔ̀kɛ̀.