1 Yòwanìrzɛ̀ 1:2 - Mokpwe: Bakwery (New Testament)

² È mɔ̀ ema a jànà lòŋgɛ à mà àyèŋgòwɛ̀ moto hwa hwènàmà, ema hwà mà ɛnɛ na mirzɔ̀ ma awu, ndeŋgànɛ̀lɛ̀ irzɔhvɛ i ma mo ɛnɛ. I mo tɛmelì mboŋgi ndèŋgànɛ̀lɛ̀ jo e ohweyà hweyà lì mo hvomɛ̀nɛ̀ mɔ̀ ema a ŋgba lòŋgɛ la gbìndèyà, mo ema à mà hwɛ na Tatɛ̀, ndèŋgànɛ̀lɛ̀ à mà jo àwùlùhweyà.

1 Yòwanìrzɛ̀ 1:2 Mawu Ofanana

Yòwanìrzɛ̀ 1:18

Tɔ̀ mòtò à rzi ɛni Lohwɛ̀ tɔ̀ wùnyà lì aka tɛ ehvòwà yà eni yà ŋmanà ema è hwèlì ò ŋmanyu yà Lohwà ò tòŋgòŋgò yà eni. Mɔ̀ ndi à jò wùlùhwèlì Tatà Lohwɛ̀.

Yòwanìrzɛ̀ 1:4

Lòŋgɛ la arzɛ lì ma uhwɛlɛlɛ ndi ò eyà. À ma òhva lòŋgɛ rzi lìŋgi lòŋgɛ hvɛ lì mà jàneya hwatò ŋmàye.

Yòwanìrzɛ̀ 10:28

Nà ŋgbà mɛ̀ɛlɛ̀ŋgù me ami lòŋgɛ là gbìndèyà, ò èŋgànɛ̀lɛ̀ me rza ŋwa tɔ̀ wùnyà. Tɔ̀ mòtò arza tànɛyi lì nò hvùmana e meyɔ ò lìya la ami.

Yòwanìrzɛ̀ 14:6

Yerzù rzìi a alàhwɛ̀ nanù ema, “Imba ndi na hwèlì e njiya ema e ɛndɛ òma Tatɛ̀ wa ami, e jɔ̀kɛ̀ e uwɛ̀lɛ̀lɛ̀yi ndi na imba, imba hvɛ ndi na ŋgbà lòŋgɛ. Tɔ̀ mòtò tɔ̀ mɔ̀kɔ a rza tànɛyi lì jà òma Tatɛ̀ wa ami ema a rza akelɛ na imba.”

Yòwanìrzɛ̀ 15:27

Rzìi inyɔ hvɛ e ò òhwa hweyà lì nò hvòmɛ̀nɛ̀, èhwanja e ma hwɛ na imba natɛ̀ɛ na ò hwewòtelì.

Yòwanìrzɛ̀ 16:28

Nà mà uwɛ̀lɛ̀lɛ̀yi ndi òma Tatɛ̀, rzi nà jà ò rze. Nàŋgɛ nanù imba nà è lìya è rze ò lì ɛ̀ndɛ lì tìmba ò mà Tatɛ̀.”

Yòwanìrzɛ̀ 17:3

Lòŋgɛ la gbìndèyà lì hwèlì ndi nanù ema wɔ̀ hwa ò hwiye, ò wa ema ò hwèlì Lòohwà la jɔ̀kɛ̀ na ò lì hwiya Yerzù Krirztò ema ò wa ò òmi.

Yòwanìrzɛ̀ 17:5

Ìi Tatà wuluhwa èluhwe ya ami ò èki ema ò wà witi ò hwèlì, mòlemilemi mò èluhwe ema nà mà hwɛnɛ na ò hwa ndèŋgàna hwewòtelì hwe ene rze.

Yòwanìrzɛ̀ 19:35

È mòtò ema à mà ɛnɛ hwene hweyà na òma hwe ma gbèyɛ̀nɛ à mà tɛ̀mɛ̀ mbòŋgi, ndèŋgàna e mbòŋgi ya eni e hwèlì ndi e jɔ̀kɛ̀. A hwi nanù ema a òhwa ndi e jɔ̀kɛ̀, ndèŋgàna a òhwa ndi hwene hweyà nanù ema inyɔ hvɛ e lòkɛ̀.

Yòwanìrzɛ̀ 21:14

Ène ŋgèlì ndi e ma ùkirzɛ̀ ŋgèlì iyàwò ema Yerzù à mà wurzeya Hwà-òkòwèlì hwa eni ò mburza ya hwèhvùmùwèlì hwe eni.

Yòwanìrzɛ̀ 3:13

O rza enje tɔ̀ mɔ̀kɔ ema à mà ɛ̀ndɛ ò ŋmanyu ya Lohwà lì aka tɛ è Ŋmanà wà è Mòtò wà Hwènàmà ema a uhwɛlɛlɛ ò ŋmanyu ya Lohwà lì jà ò rze ya mɔ̀nyɛ̀.”

Yòwanìrzɛ̀ 7:29

Ndi nà mò hwi èhwànja nà uwɛ̀lɛ̀lɛ̀yi ndi ò mbe eni, mɔ̀ ndi à nò òmi.”

Yòwanìrzɛ̀ 8:38

Imba na e òhweyà ndi mamɛ ema na ɛni ò ma Tatɛ̀. Ndi inyɔ e gbeyà ndi mamɛ e ɛni na e rzàŋgò ya anyu.”

Hwègbèèlì 1:22

lìwòteyà e hvònda ema Yòwanìrzɛ̀ à mà hwɛ lì lùhwìrzɛ̀ hwatò lì uka e hvònda ema Lohwɛ̀ à mà gbeye Yerzù a ɛndɛ ò ŋmanyu ya Lohwà. Mɔ̀ hvɛ a hwɛni ndi lì hwɛ mòtò ema à mà tɛ̀mɛ̀ mbòŋgi ò hwèhvùmùwèlì hwe ama Yerzù.”

Hwègbèèlì 10:41

Rzeketɛ hwatò hwa arzɛ ndi hwà mà mò ɛnɛ. Hwàtò ema Lohwɛ̀ à mà lòme lì hvɔ̀rzɔ̀ wɔ̀ ndi hwà mà mò ɛnɛ. Èŋge ŋgàna e hwèlì ndi nanù ema, irzɔ ema i ma làlɛnɛ̀ na lì nyɔlɛnɛ na mɔ̀ ò mburza hwèhvùmùwèlì hwe eni hwe kpelì.

Hwègbèèlì 2:32

Lohwɛ̀ a mà hvùmùlɛ̀ òŋgò Yerzù ò kpelì ndèŋgàna irzɔ hwa arzɛ i hwèlì mbòŋgi nanù ema à mà hvùmuwa.

Hwègbèèlì 3:15

O eŋgànɛ̀lɛ̀ rzɔ inyɔ e ma gbeyà e mòtò ema a jànà hwatò lòŋgɛ la jɔ̀kɛ̀ à mà òŋwahwa ndi Lohwɛ̀ à mà mò hvùmùlɛ̀ ò kpelì. Irzɔ hwiti i ma ɛnɛnɛ hweŋge hweyà na mìirzɔ̀ ma arzu.

Hwègbèèlì 5:32

Irzɔ ì hwèlì ndi mbòŋgi ò hwenè hweyà hwe arzɛ ema hwe mà gbèyɛ̀nɛ̀. Èlìŋgɛ̀ yà Wòtani yɔ̀ hvɛ è hwèlì ndi mbòŋgi. Ndeŋgànɛ̀lɛ̀ yɔ̀ ndi è hwèlì làhweyà ema Lohwɛ̀ à ŋgba hwatò ema hwa mò hweyàna.”

Ròmànì 8:3

È mbenda e rzi tanɛ lì kulɛ wòhwe èhwanja e mòtò wa hwènàmà a rzi hwɛnɛ e ŋginyà ya lì e òŋgama. O èŋgànɛ̀lɛ̀ Lohwɛ̀ à mà gbeyà eyà ema e mbenda e rzi tanɛ lì gbeyà. A ma òma è Ŋmanà wà eni na e nyò ya e mòtò wa hwènàmà ema e gbeyà wòhwe, ò lì lìmìrzɛ̀ e ŋginyà ya wòhwe. Nà òma Lohwɛ̀ à mà gbeye nanù e ma kulɛ e ŋginyà ya wòhwe ò tenì ya e mòtò wa hwènàmà.

Gàletìyà 4:4

Ndi lìrzako ema e hvonda ya jɔ̀kɛ̀ e ma uke ema Lohwɛ̀ à mà kàkɛ̀nɛ̀, Lohwɛ̀ à mà oma Ŋmanà wa eni o rze. Oŋgo ŋmanà à mà uwɛ̀lɛ̀lɛ̀yi ndi o luŋga la molanà rzi a oŋgeya o rze ya e mbenda.

1 Tìmotì 3:16

Lohwɛ̀ à mà jo gbeyà o lì hwiya nanù ema ŋmɛ̀ndì mo eni mo hwɛni wòlìto rzayi-rzayi. Nànù ndi mo hwèlì: Krirztò à mà jà, ndèŋgàna mɔ̀ à mà hwɛ ndi mòtò wa hwènàmà, Èlìŋgɛ̀ yà Wòtani e ma jo uŋmɛ̀lɛ̀ nanù ema a hwèlì ndi è Ŋmanà wà Mùnyanà wa ama Lohwɛ̀, ndeŋgànɛ̀lɛ̀ i aŋgèlì i ma mo ɛnɛ. Hwà mà ohweyà hwatò hwa arzɛ hwa ene rze ya mɔ̀nyɛ̀ ndèŋgànɛ̀lɛ̀ hwà mà mo lòkɛ̀. Lohwɛ̀ à mà mo hvùmùlɛ̀, à mà ɛndɛ o ŋmanyu ya Lohwà o tenì ya ŋmàye.

2 Tìmotì 1:10

Nàŋgɛ Lohwɛ̀ à mà jò ùŋmɛ̀lɛ è ndèli yà eni ò hwèjèelì hwe ama Yerzù Krirztò è mòrzùŋgèlì hwa arzu. Mɔ̀ à mà tìtòwà è ŋginyà yà è kpelì, ndèŋgàna à mà gbeyàna ŋmɛ̀ndì mò gbamù ò lì jò uŋmɛ̀lɛ̀ lòŋgɛ là gbìndèyà.

Tàyìtùrzì 1:2

Aŋga nanù, hwatò hwa ama Krirztò hwa ò luwa lìhvìta là lì luwa lòŋgɛ la gbìndèyà. Ndèŋgana Lohwɛ̀ à è wèka è rze, a mà kàkɛ̀nɛ̀ nanù ema, hwatò hwa eni hwa o hwɛ na mɔ̀ natɛ̀ɛ nà ò gbìndèyà. Mɔ̀ a rza kɔ̀ hweyà.

1 Pètrò 5:1

Imba nàa mòtìmbèlì mɔ̀kɔ wa anyu, na lìŋgàna lì ŋgba màyòwà o hwatò ema hwa e kànèyà. Nà hwèlì ndi mɔ̀kɔ ema nà mà ukeya o motàkà mo ama Krirztò. Èluhwe ema Lohwɛ̀ à mà uŋmɛ̀lɛ̀ Krirztò e no ukeya imba hvɛ. Nà e kòkòwɛ̀lɛ̀ nanù ema,

1 Yòwanìrzɛ̀ 1:1

Nà e tìleya o lì hvomɛ̀nɛ̀ e mɔ̀ ema a hwèlì e mbɔrzi yama Lohwɛ̀ ema e jànà lòŋgɛ. Mɔ̀ à mà hwɛ nàtɛ̀ɛ na o hwewotelì, I ma hweya hweyà o lì mo hvomɛ̀nɛ̀, i ma mo ɛnɛ̀ na mìirzɔ ma arzu, i ma mo ɔ̀ŋgɔ, ndèŋgànɛlɛ i ma mo tahva na màà mà arzù.

1 Yòwanìrzɛ̀ 2:25

Èya ene ema Krirztò ŋmìti à jò kàkɛ̀nɛ̀yi, ene eyà è hwèlì ndi lòŋgɛ là gbìndèyà.

1 Yòwanìrzɛ̀ 3:5

Ndi inyɔ e hwi nanù ema Krirztò à mà jà o e rze ya mɔ̀nyɛ̀ o lì kulɛ wòhwe. Ndeŋgànɛ̀lɛ̀ inyɔ e hwi nanù ema mɔ̀ à rza ohvi tɔ̀ wòhwe.

1 Yòwanìrzɛ̀ 3:8

Tɔ̀ njɛnɛ ema a lìmelì o lì gbeyà wòhwe a hwèlì ndi e wa ama Mòkarzɛ̀, ehwànja Mòkarzɛ̀ à mà gbeyà wòhwe lì wòteyà o hwewotelì. Lìtiŋga ema è Ŋmanà wà ama Lohwɛ̀ à mà jèe o e rze ya mɔ̀nyɛ̀ lì hwèlì ndi o lì hvàŋga èwòlò ya ama Mòkarzɛ̀.

1 Yòwanìrzɛ̀ 4:14

Ndèŋgànɛ̀lɛ̀ irzɔ ì mà ɛnɛ nà lì ohweyà hwahvɛhvɛ hwatò nanù ema Tatɛ̀ à mà oma è Ŋmanà wà eni ò lì hwɛ è Mòrzùŋgèlì hwa è rze.

1 Yòwanìrzɛ̀ 4:2

Nànù ndi è àŋgàmɛ̀nɛ̀yi lì gbeyà ò lì hwiya ŋga Èlìŋgɛ̀ yà ama Lohwɛ̀ è hwèlì ò tenì yà awu; tɔ̀ ima mòtò ema à ohwa nanù ema Yerzù Krirztò à mà jà anu rze yà mɔ̀nyɛ̀ nàa mòtò wà hwènàmà nanù oma oŋgo mòtò à ohvi Èlìŋgɛ̀ yà ama Lohwɛ̀.

1 Yòwanìrzɛ̀ 5:11

Èya ema Lohwɛ̀ a jo òhwèlì e hwèlì ndi nanù ema; Mɔ̀ à mà jo gbeyà o lì luwa lòŋgɛ la gbìndèyà. Lini lòŋgɛ lì hwèlì ndi lòŋgɛ ema è Ŋmanà wà eni a ŋgbelì.

1 Yòwanìrzɛ̀ 5:13

Nà e tìleya ndi inyɔ ema e lòkɛ̀ lìinà la ama è Ŋmanà wà ama Lohwɛ̀ hwene hweyà, aŋga nanù oma e ma hwiya ema e ohvi lòŋgɛ la gbìndèyà.

1 Yòwanìrzɛ̀ 5:20

Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.