1 Tìmotì 6:6 - Mokpwe: Bakwery (New Testament)

⁶ Ndi mòtò a hwɛni lì oka mɔ̀nyɛ̀ŋgì e hwèlì tɛ nanù ema a gbèyi ndi na oma Lohwɛ̀ a àrzeyà, e hwèlì tɛ ema mɔ̀ o mamɛ ya arzɛ ema a ohvi e mo kanɛ̀.

1 Tìmotì 6:6 Mawu Ofanana

Lukàrzɛ̀ 12:15

Yerzù rzìi a hwa òhweyà hwa àrzɛ̀ nanù ema, “È aŋgòwè! È rzì ika mèèmà me anyu ò èrzàŋgò jɔ̀ɔjɔ̀ɔ èhwanja rzèkɛtɛ èrzàŋgò ya rzayì-rzayì ema mòtò a hwɛnì ndi e mò ŋgbà lòŋgɛ.”

Lukàrzɛ̀ 3:14

Lòŋgò la hwàànèlì hwa njùma hvɛ hwa mà mò ijòwa nanù ema, “Mamɛ irzɔ hvɛ ì gbeyà e?” Yòwanìrzɛ̀ à mà hwa alàhwɛ̀ nanù ema, “È rzì ɔ̀njɔnɔ hwatò màlì. È rzì òhwa ema hwatò hwa gbèyi hweyà ema hwa rzà gbèyɛ ndi e òke mɔ̀nyɛ̀ŋgì nà mamɛ ema e lùwa nàa etàŋgì ya anyu.”

Ròmànì 8:28

I hwi nanù ema tɔ̀ mamɛ ema e gbèyɛ̀nɛ, Lohwɛ̀ à mà e gbèeyà ò gbaamù ò hwatò ema hwa mò lìŋgàni, wɔ̀ ema mɔ̀ à hwɛlɛyi ò lì gbeyà na òma mɔ̀ à arza.

2 Kɔ̀rintìyà 4:17

Hwanu hwàna hwa mètàkà rzɔ ema i taka nàŋgɛ, rzeketɛ e meyɔ ema i tàkìrzɛ̀ mèèmà o lùuŋga. I taka o nàŋgɛ, ndi èluhwe ema e o hwɛ na irzɔ e o koka nyàyi ema i rza o ɔ̀ŋgɛ̀lɛ tɔ̀ mene mètàkà ema i luwa nàŋgɛ anu rze. Ndèŋgànà ene èluhwe e o hwɛ na irzɔ o gbìndèyà.

Hvìlipìyà 1:21

O imba, na oma imba na hwèlì lòŋgɛ, e hwèlì ndi o lì gbèeyà Krirztò, ndeŋgànɛlɛ e hwèlì tɛ nanù ema na ŋwelì tɛ e hwɛ gbamù na imba.

1 Tìmotì 4:8

O hwèlì ndi eyà ya gbamù o lì okolɛ e nyàmà ya nyo ya eni o lì eta. Ndi o lɔ̀wu rzayi-rzayi nanù ema mòtò a atàkìrzɛ̀ tɛ o lì gbeyà tɔ̀ ima eyà na oma Lohwɛ̀ a àrzeyà. Inyɛ̀ i gbèyi na oma Lohwɛ̀ a arza èhwanja Lohwɛ̀ à mà ohwa nanù ema a jo ŋgba lòŋgɛ ema lì rza hwɛnɛ lìrzùkù nàŋgɛ na o e hvonda ema e o jɛ̀ɛ̀.

1 Tìmotì 6:8

O eŋgànɛ̀lɛ̀ rzɔ, irzɔ jo òhvi tɛ mòlelì mo lì laa na màatù ma lì wɔtɔ̀ eŋge e jo loŋgàmɛ̀nɛyi.

Hibrù 13:5

È rzì keka lì ika mèèmà me anyu o lì lìŋgàna wolì ndeŋgànɛ̀lɛ̀ e ohve mɔ̀nyɛ̀ŋgì na mamɛ ema e ohvi èhwanja Lohwɛ̀ à ma ohwa nanù ema, “Nà rza e hwɛmɛ, ndeŋgànɛ̀lɛ̀ hvɛ na rza e rzɔ̀rzɔ̀.”