1 Tìmotì 6:5 - Mokpwe: Bakwery (New Testament)

⁵ Ène e ma hwa gbeyà ema hwa tɔ̀wɔ mòtaŋgo ihvonda ja arzɛ ŋgàna ema o ambi wɔ̀ lì hwiya mamɛ ema e hvomɛ̀nɛ̀. Hwa rza tànɛyi lì rzɔŋgìtɛ̀nɛ̀ eyà ema e hwèlì e jɔ̀kɛ̀ na e yɔ ema e hwèlì mòlàŋgà. Wɔ̀ hwa ɔ̀ŋgɛ̀lɛ̀ nanù ema, hwa gbèelì tɛ Lohwɛ̀, oma hwà mà tuwa hwèwàŋgì.

1 Tìmotì 6:5 Mawu Ofanana

Matiyò 12:33

“Ehvùma e lɔ̀wu tɛ nanù òma gbèe ema wò ŋyàayi eŋge ehvùma wɔ̀ hvɛ wò lɔ̀wu. Ehvùma e rza lɔ̀wu tɛ nanù òma gbèe ema wò ŋyaayi eŋge ehvùma wɔ̀ hvɛ wò rza lɔ̀wu. Ehwanja ò hwehvùma ndi gbèe wò hwiyàhwà.

Matiyò 21:13

À mà hwa òhweyà nanù ema, “È tìlahwì ema, Lohwà a òhwi nanù ema, ‘È ndawò ya ami e ò hwɛ̀lɛ̀hwɛ̀ ndi e ndawò ya màkanɛ̀.’ Ndi inyɔ ye e timbirzɛ ndi ‘Èki ema hwayihwɛ hwa utàmà.’”

Matiyò 23:13

Yerzù rzìi a òhwa nanù ema “Mòjema na inyɔ̀ Hwà-òkòlèlì hwa mbenda na inyɔ Ihvàlìrzàyì, e hwèlì ndi hwatò hwa mòlàŋgà! Inyɔ e umbana hwatò lìyòhva là lìkànèyà là ŋmanyu yà Lohwà aŋga nanù hwatò hwa rza kpeya. Tɔ̀ inyɔ hwiti e rza ò kpèeyà. È rza tànɛyi hvɛ lì hwɛmɛ tɔ̀ hwaŋga hwatò ema hwa hwèlì hwa keka lì kpèeyà ò lì kpèeyà.

1 Kɔ̀rintìyà 11:16

Ndi mòtò a arza tɛ lì tàànà ene eyà hvenda, mamɛ ya arzɛ na hwɛnì lì ohwa e hwèlì ndi nanù ema irzɔ tɔ̀ miitelì me arzɛ i rza ohvi ehvɛhvɛ ɛ̀ɛ̀mɛ̀ ya lì kanɛ̀ Lohwà.

2 Tɛ̀rzàlonìyà 3:6

Ìi wònyàmòwe kòkò, o lìna la ama Rzàŋgo wa arzu Yerzù Krirztò je e kànèyà o lì ahvɔ̀tɛ o mondeŋge mo hwàlòkèlì ema mo hwèlì rzìŋgà ndèŋgànɛ̀lɛ̀ ema hwa rza lìya lì hvomɛ̀nɛ̀ hwèokòlelì ema inyɔ e ma jo luwàne.

1 Tìmotì 1:6

Lòŋgo la hwatò hwà mà rzɔ̀njɛlɛ hwene hweyà o eŋgànɛ̀lɛ̀ e ma hwa gbeyà ema hwà mà eŋgama èhwanja hwa ohwa ndi hweyà hwe ndɔ̀ki.

1 Tìmotì 3:3

Ène nyayi ya mòtò, a rza hwɛni lì hwɛ mòtò wa mboma, tɔ̀ mòtò ema a jànà mòhvùŋgu. Ndi a hwɛni ndi lì hwɛ mòto ema a hwèlì ŋmɛ̀ɛ na mòtò ema a rza tɔ̀wɔ mòtaŋgo, a rza hwɛni lì hwɛ mòtò ema a lìŋgàni wolì.

1 Tìmotì 3:8

Hwatò ema hwa oŋgowàna o lì gbèeyà èwòlò ò ŋmèmba hwa hwɛni ndi lì hwɛnɛ ɛ̀ɛ̀mɛ̀ ya gbamù na o lì hwɛ hwatò ema hwa ohwa hweyà na ŋmèma mɔ̀kɔ. Hwa rza hwɛni lì hwɛ hwatò hwa mboma, tɔ̀ lì hwɛ hwatò ema hwa hwèlì njɔ̀ŋgu ya wolì.

1 Tìmotì 4:7

O rza ohva tɔ̀ eyà o lì gbeyàna maŋga màyìtò ema mà uŋmɛ̀lɛ̀ nanù ema hwatò hwa rza lòkɛ̀ Lohwɛ̀ ndèŋgàna o rzi ohva tɔ̀ eyà o lì gbeyàna màyìtò ma èèti. Ndi o hwɛ ndi o lì okowa o ihvonda ja arzɛ na oma Lohwɛ̀ a arza nanù ema o gbeye.

1 Tìmotì 4:8

O hwèlì ndi eyà ya gbamù o lì okolɛ e nyàmà ya nyo ya eni o lì eta. Ndi o lɔ̀wu rzayi-rzayi nanù ema mòtò a atàkìrzɛ̀ tɛ o lì gbeyà tɔ̀ ima eyà na oma Lohwɛ̀ a àrzeyà. Inyɛ̀ i gbèyi na oma Lohwɛ̀ a arza èhwanja Lohwɛ̀ à mà ohwa nanù ema a jo ŋgba lòŋgɛ ema lì rza hwɛnɛ lìrzùkù nàŋgɛ na o e hvonda ema e o jɛ̀ɛ̀.

1 Tìmotì 6:6

Ndi mòtò a hwɛni lì oka mɔ̀nyɛ̀ŋgì e hwèlì tɛ nanù ema a gbèyi ndi na oma Lohwɛ̀ a àrzeyà, e hwèlì tɛ ema mɔ̀ o mamɛ ya arzɛ ema a ohvi e mo kanɛ̀.

2 Tìmotì 3:5

O ò hwɛ hwatò ema hwa awuŋmɛ̀lɛ̀ ò à ɛnɛ oma hwa gbeyà ndi mamɛ Lohwɛ̀ a arza, ndi hwa rza o arza nanù ema e ŋginyà ya ama Lohwɛ̀ e tikowe mòŋgɛ ma awu. O rzi ɛndɛ o toŋgoŋgo ya lìŋgi lìtumba la hwatò.

2 Tìmotì 3:8

Nà oma Jànɛ̀rzi na Jàmbrɛ̀rzi hwà mà teŋgɛ̀nɛ Morzè o hvonda ema e ma aka, nanù hvɛ mɛnɛ ndi hwà-òkòlèlì hwa mòlàŋgà hwa teŋgɛ̀nɛyi hwèyòkòlèlì hwe jɔ̀kɛ̀. Hwa hwɛni ndi màlùtèyà ma wòhwe, Lohwɛ̀ à mà hwa kìnyɛ̀lɛ̀ èhwanja hwa rza ohvi tɔ̀ lìlòkɛ̀ tɔ̀ lɔ̀kɔ.

Tàyìtùrzì 1:11

O rzi keka lì emeyà nanù ema hwaŋga hwatò hwa okolɛ ehwànja wɔ̀ hwà mà hvuŋguhwa rzayi-rzayi ja màtumbà mà hwatò hwa ama Krirztò na oma wɔ̀ hwa okolɛ hweyà ema hwa rza ohvɛ e wònja o lì hwe okolɛ. Wɔ̀ hwa okolɛ ndi ini nyayi ja hweyà aŋga nanù wɔ̀ hwa luwa wolì.

2 Pètrò 2:15

Hwà mà hwɛmɛ e njiya ema e lɔ̀wu hwa oŋgama ndi ehvɛhvɛ njiya. Wɔ̀ hwa oŋgama ndi ɛ̀ɛ̀mɛ̀ ya ama Bàlàamì. Bàlàamì ema à mà hwɛ e ŋmanà hwa ama Bùrzɔ̀, Bàlàamì à mà lìŋgàna wokondo ema à mà luwe o lì gbeyà la hweyà hwe wòhwe.

2 Pètrò 2:3

O tenì ya e njɔ̀ŋgu ya awu, hwanu hwà-òkòlèlì hwa mòlaŋgà, hwa o luwa morzɛ̀ŋgi o lì e ohweyà màyìtò ema wɔ̀ hwa weki e lì e hvùmana hwèèmà. Lohwɛ̀ mɔ̀ à mà màa lì akɛlɛ e mbàko na e koohwa nanù ema a o hwa kɔ̀kìrzɛ̀. Èŋge kɔ̀kìrzɛ̀ e hwa ambɛ̀lɛ̀, ndèŋgànɛ̀lɛ̀ mòŋgo mokona mo hwa ambɛ̀lɛ̀.

Judɛ 1:11

Èwoma na wɔ̀! Wɔ̀ hvɛ hwa gbeyà ndi na oma Keni à mà gbeye ema à mà oŋwe ŋmanyàŋgò wa eni. O nyòla wolì wɔ̀ hwa tànɛyi lì gbeyà tɔ̀ mamɛ nàa Bàlàamì. Maniyà mà awu mɔ̀ hvɛ ma mà hwa gbeyà o lì ŋwa nyayi hvɔ̀kɔ hvɛ na oma Kora à mà ŋwe ehwànja à rzi hweyàne Lohwɛ̀.

Hwèwulùwèlì 18:13

Hwà mà ohva hvɛ hwèèmà nàa rzìnàmɔ̀nì, hwèèmà hwe erzunju ya hvɛ̀ɛ̀hvɛ̀, itùwà, màyì, hvìlakìnrzɛ̀, mìimba, lìyɔ̀ki la Njàhwɛ̀, lìwu la mbarzi ema lì hwɛ̀lɛ̀hwɛ̀ nanù ema hwìti. Hwà mà hwɛ hvɛ lì àhwirzɛ̀ inyàka na mɛ̀ɛ̀lɛ̀ŋgù, iwɔ̀rzi na hwèhwàmbànì, na hwàkòmì na hwatò ema hwa mà lɛmbɛ.

Hwèwulùwèlì 18:3

Èhwànja hwatò hwa arzɛ hwa hwèkòmè hwe e rze ya mɔ̀nyɛ̀ hwà mà hwɛnɛ e nyɔ̀ŋgì ya lì gbeyà hweyà hwe wòhwe ema à mà hwɛ lì gbeyà ndèŋgànà mɔ̀ à e hwa ŋgba mìimba emà mà hwa womìrzɛ. Ikìŋgɛ ja e rze ya mɔ̀nyɛ̀ i ma gbeyà mòrzònje na mɔ̀. Ndèŋganɛlɛ hwatò hwa rze ema hwa anda na lì àhwirzɛ̀ e nyòŋga, hwà mà tuwa hwèwàŋgì ehwànja hwà mà ohva e nyɔ̀ŋgi ndɛnɛ ya lì gbeyà hweyà hwa eni hwe wòhwe.”