1 Tìmotì 6:3 - Mokpwe: Bakwery (New Testament)

³ O hwèlì loŋgo la hwatò ema hwa okolɛ hwèyòkòlèlì ema hwe rza hvomɛ̀nɛ̀. Hwèyòkolelì hwe awu hwe rza enje nyayi hvɔ̀kɔ na hwèyòkòlèlì hwe ama e Rzàŋgo ya arzu Yerzù Krirztò ema hwe okolɛ hwatò ò lì gbeyà na oma Lohwɛ̀ a àrzeyà.

1 Tìmotì 6:3 Mawu Ofanana

Matiyò 22:21

Hwà mà mò alàhwɛ̀ nanù ema, “È la ama Kayirzà.” Yerzù rzi a hwa òhweyà nanù ema, “È ŋgbe Kayirzà mamɛ e hwèlì e ya ama Kayirzà. È ŋgbe hvɛ Lohwɛ̀ mamɛ e hwèlì e ya ama Lohwɛ̀.”

Matiyò 28:20

È hwa òkòlɛ̀ hvɛ ò lì nɔ̀ŋgɔ hweyà hwe arzɛ ema na e kànèlì ò lì gbeyà. È hwiye nanù ema na hwɛ na inyɔ natɛ̀ɛ na ò lìrzùkù la rze.”

Ròmànì 16:17

Ìi wònyamòwè kòkò, nà è kòkòwɛ̀lɛ̀ nanù ema, è aŋgòhweya hwaŋga hwatò ema hwa jànà yùnànelì ò ìtììtènì ja anyu nà lì eŋgìrzɛ̀ hvɛ hwahvɛhvɛ hwatò. Wɔ̀ hwa teŋgɛ̀nɛ̀yi hwèyòkòlèlì ema è ma luwɛ. È rzi keka lì hwa òŋgama.

1 Tɛ̀rzàlonìyà 4:8

O eŋgànɛ̀lɛ rzɔ tɔ ima mòtò ema a rzɔ̀rzi hwene hwèyòkòlèlì, a rza rzɔ̀rzi ndi e mòtò wà hwènàmà ndi à rzɔ̀rzi ndi Lohwɛ̀ ema a e ŋgbelì èlìŋgɛ̀ yà wòtani.

1 Tìmotì 1:10

È mbenda ya ama Lohwɛ̀ e hwèlì ndi o hwatò hwa morzonje, o wunyanà ema hwa juwa hwahvɛhvɛ wunyanà na o hwalana hvɛ ema wɔ̀ hvɛ hwa juwa hwahvɛhvɛ hwalana. O hwatò ema hwa hvùma hwahvɛhvɛ hwatò ò lì hwa àhwirzɛ̀ nàa hwàkòmì, o hwatò ema hwa kɔɔ hweyà, na o hwatò hvɛ ema hwa aàtɛ hweyi ja mòlàŋga o hwèkayirzelì, na hwatò hvɛ hwa gbèeyà hweyà ema hwa rza enje o ŋmɛ̀ŋgɛ o lì ohwa mamɛ hwèyòkòlèlì hwe jɔ̀kɛ̀ hwe ohwa.

1 Tìmotì 1:3

Nà arza ema ò lìya ò mbowà yà Ɛ̀hvɛ̀rzɔ̀rzì, molemilemi nà oma nà mà ò kòkòwɛ̀lɛ̀ è hvonda ema nà mà hwɛ lì ɛndɛ ò erzòòkà yà Màrzèdonìyà. Àŋga nanù, ò wà ò kànèyà loŋgo là hwatò ema hwa rza okolɛ hwèyòkòlèlì ema hwe rza hvomɛ̀nɛ̀.

1 Tìmotì 1:6

Lòŋgo la hwatò hwà mà rzɔ̀njɛlɛ hwene hweyà o eŋgànɛ̀lɛ̀ e ma hwa gbeyà ema hwà mà eŋgama èhwanja hwa ohwa ndi hweyà hwe ndɔ̀ki.

2 Tìmotì 1:13

Ò lɛmbɛ nà ŋginyà è mbɔrzi yà jɔ̀kɛ̀ ema nà mà màa lì okòlɛ̀. È hwɛ ndi nàa ɛ̀mɛ̀nɛ̀nì ema ò àŋgàmɛ̀nɛyi lì nɔ̀ŋgɔ. Ò lòkɛ̀ Yerzù Krirztò ndèŋgàna ò lìŋgàne hvɛ hwahvɛhvɛ hwatò nà oma ò hwèlì mɔ̀kɔ nà Yerzù Krirztò.

2 Tìmotì 4:3

È hvonda e o jà ema hwatò hwa rza òkànèyà hwèyòkòlèlì hwe jɔ̀kɛ̀, ndi wɔ̀ hwa o gbeyà ndi mamɛ mèèmà me awu me hwa ohweyà o lì gbeyà. Ndèŋgana wɔ̀ hwa o lìŋgàna ndi o lì òkànèyà hwà-òkòlèlì ema hwa o wo òkolɛ mamɛ ema wɔ̀ hwa lìŋgàni lì hweyà.

Tàyìtùrzì 1:1

Ìmba Pàwolò ema nà hwèlì e mògbèèlì wà ama Lohwɛ̀ nà è àpɔ̀rzìtòlò ya ama Yerzù Krirztò ndi nà tilì ene kààtì. Yerzù ndi à mà nò hvɔ̀rzɔ̀ rzìi à nò oma o lì ɛndɛ lì ètìrzɛ̀ lìlòkɛ̀ la hwatò ema Lohwɛ̀ à mà hvɔ̀rzɛ̀, nà o lì hwa oŋgowàna o lì hwiya e jɔ̀kɛ̀ lì hvomɛ̀nɛ̀ Yerzù, na o lì gbeyà na oma Lohwɛ̀ a àrzeyà.

Tàyìtùrzì 1:9

A àŋgàmɛ̀nɛ̀yi ndi lì hwɛ mòtò ema a ika ŋmɛ̀ndì mò gbamù kɔ̀yi-kɔ̀yi, ŋmɛ̀ndì mò gbamù ema hwatò hwa àŋgàmɛ̀nɛ̀yi lì ika mèèmà me awu aŋga ndèŋgànɛ̀lɛ̀ a lòkɛ̀yì na oma hwà mà mo òkolɛ. Ène e gbeyà nanù ema a tanɛ lì oŋgowàna hwahvɛhvɛ hwatò o lì oŋgama ŋmɛ̀ndì mò gbamù nyayi ema e hvomɛ̀nɛ̀. À ò tanɛ hvɛ lì uŋmɛ̀lɛ̀ o mòte màtònà ma hwatò ema hwa teŋgɛ̀nɛ̀ moŋgo ŋmɛ̀ndì mò gbamù.

Tàyìtùrzì 3:8

Hwène hweyà hwe arzɛ ema nà mà ohwɛ hwe hwèlì ndi e jɔ̀kɛ̀. Nà arza ema e ùkirzɛ̀lɛ̀lɛ̀ hwene hweyà nɔ̀ke-nɔ̀ke aŋga nanù, hwaŋga ema hwà mà lòkɛ̀ Lohwɛ̀ hwa o aŋgowa o lì aŋgbɛ wɔ̀ hwiti o lì gbeyà mamɛ ema e hvomɛ̀nɛ̀. Nànù ndi i gbeye ndèŋgànɛ̀lɛ̀ nanù ndi hwe jànà hwatò hwa arzɛ mɔ̀rzɛ̀ŋgi.