1 Tìmotì 6:10 - Mokpwe: Bakwery (New Testament)

¹⁰ Mòtò ema a ohvi nyɔ̀ŋgi ndɛnɛ o lì arza wolì rzayi-rzayi a gbeyà hweyà hwe wòhwe o lì luwa woŋgo wolì. Ène eyà e ma gbeyà lòŋgo la hwatò hwà mà rzɔnjɛ̀lɛ̀ lì lòkɛ̀ Krirztò ndèŋgànɛlɛ hwa ohvi ndùtù rzayi-rzayi o mèèmà me awu.

1 Tìmotì 6:10 Mawu Ofanana

Matiyò 13:22

Ìhvɔ̀ŋgɔ̀ hvɛ ema ì undi ò tenì ya wàŋga ya hwènyɛ̀ŋgɛnyɛ̀ŋgɛ̀, ì hwèlì ndi nàa hwatò ema hwa hweyi ŋmɛ̀ndì mò ama Lohwɛ̀, ndi mètàkà me lòŋgɛ na jɔ̀ɔ̀njì ja mònàmɛ̀ mò ene rze hwe lìŋga mèèmà me awu. Ema me ma hwa gbeyɛ ema naŋgɛ rzɔ hwa rza tànɛyi lì ŋya hwèhvùma hwe gbamù.

Matiyò 23:13

Yerzù rzìi a òhwa nanù ema “Mòjema na inyɔ̀ Hwà-òkòlèlì hwa mbenda na inyɔ Ihvàlìrzàyì, e hwèlì ndi hwatò hwa mòlàŋgà! Inyɔ e umbana hwatò lìyòhva là lìkànèyà là ŋmanyu yà Lohwà aŋga nanù hwatò hwa rza kpeya. Tɔ̀ inyɔ hwiti e rza ò kpèeyà. È rza tànɛyi hvɛ lì hwɛmɛ tɔ̀ hwaŋga hwatò ema hwa hwèlì hwa keka lì kpèeyà ò lì kpèeyà.

Matiyò 6:19

“È rzi keka lì awutɛlɛ mònàmɛ̀ anù rze yà mɔ̀nyɛ̀, èki ema lìrziyɛyi nà màaŋgàaŋgò mà hvaŋga hwèèmà, ema hwayihwɛ hwa ò gbɛɛ è ndawò ò lì kpèeyà lì ihwa.

Makòrzì 4:19

ndi hweyà hwe rze na è nyìrzɛ̀ ya lì hwɛnɛ̀ hwèèmà, nà è nyìrzɛ̀ ya lì arza hvɛ hwehvɛhvɛ hweyà, hwe hwa lìŋgɛ̀lɛ̀ mèèmà me awu nyàyi ema hwa rza tanɛ lì ŋya hwèhvùma.

Kòlòrzìyà 3:5

O eŋgànɛ̀lɛ̀ rzɔ, è àŋgàmɛ̀nɛ̀yi lì ulɛ ò mèèmà mè anyu hwèèmà hwe arzɛ hwe è nyo yà è mòtò wà hwènàmà. È ulɛ̀ ò mèèmà mè anyu hwèmà nàa mòrzònje mò lìhwa, hwèèmà hwe mbindo, ìlema jà hweyà hwe è nyo yà è mòtò wà hwènàmà, ò lì hwɛnɛ màlùtèyà mà wòhwe nà è njɔ̀ŋgu. È hwèlì tɛ njɔ̀ŋgu è gbèyi ndi nàa è kanɛ̀ ndi lì hvɛhvɛ lohwà.

1 Tìmotì 3:3

Ène nyayi ya mòtò, a rza hwɛni lì hwɛ mòtò wa mboma, tɔ̀ mòtò ema a jànà mòhvùŋgu. Ndi a hwɛni ndi lì hwɛ mòto ema a hwèlì ŋmɛ̀ɛ na mòtò ema a rza tɔ̀wɔ mòtaŋgo, a rza hwɛni lì hwɛ mòtò ema a lìŋgàni wolì.

1 Tìmotì 6:21

Lòŋgo la hwatò ema hwa lùtèyà nanù ema hwa hwi mamɛ ema e hwèlì, ndi tɔ̀ wɔ̀ hwiti hwa rza nɔ̀ŋgɔ lì lòkɛ̀ la jɔ̀kɛ̀ la ama Lohwɛ̀. Inyɛ̀ e ndèli ya ama Lohwɛ̀ e hwɛ na inyɔ hwa arzɛ.

1 Tìmotì 6:9

Ndi hwatò ema hwa arza lì tuwa hwèwàŋgì hwa unda o tenì ya màkèkìrzɛ̀nɛ̀ ndèŋgàna hwa hwɛ ndi nàa hwatò ema hwa undi o ŋgùndèli. Wɔ̀ hwa arza ndi lì gbeyà hweyà rzayi-rzayi ema hwe rza lɔ̀wu na hweyà rzayi-rzayi ema hwe rza hwa lɔɔnɛ. Hwene hweyà hwe hwa gbeyà hwa taka rzayi-rzayi.

2 Tìmotì 3:2

O eŋge hvonda o hwɛ hwatò hwa ikuka, hwatò ema hwa lìŋgàni wolì, hwaŋga ema hwa ayèkirzɛ̀, hwaŋga ema hwa hwɛnyɛnɛ, hwaŋga ema hwa rza hweyàna irzàŋgo na inyàŋgo ja awu, hwaŋga ema hwa rza ekɛnɛ na hwatò ema hwa rza gbeyà mamɛ ema Lohwɛ̀ a arza nanù ema hwa gbeye.

2 Tìmotì 4:10

Nà ohwa nanù èhwanja Dɛ̀màrzì à mà no kìnyɛ̀lɛ̀ èhwanja, mɔ̀ à mà ɛndɛ o mbowà yà Tɛ̀rzàlònìkà èhwanja a lìŋgàni lòŋgɛ la ene rze. Klɛrzɛnrzi à mà ɛndɛ o erzòokà ya Gàlerzìyà, Tàyìtùrzì mɔ̀hvɛ à mà ɛndɛ o mbowà ya Dàlmàtìyà.

Tàyìtùrzì 1:11

O rzi keka lì emeyà nanù ema hwaŋga hwatò hwa okolɛ ehwànja wɔ̀ hwà mà hvuŋguhwa rzayi-rzayi ja màtumbà mà hwatò hwa ama Krirztò na oma wɔ̀ hwa okolɛ hweyà ema hwa rza ohvɛ e wònja o lì hwe okolɛ. Wɔ̀ hwa okolɛ ndi ini nyayi ja hweyà aŋga nanù wɔ̀ hwa luwa wolì.

Jèmìrzì 5:19

Wònyànyàŋgo wa ami na indomɛ ja ami, e hwèlì tɛ nanù ema mɔ̀kɔ wa anyu a hwɛmi tɛ o lì oŋgama e njiya ya jɔ̀kɛ̀ ya ama Lohwɛ̀, rzìi o hvɛhvɛ mòtò a mo tìmbirzɛ hvɛ,

Judɛ 1:11

Èwoma na wɔ̀! Wɔ̀ hvɛ hwa gbeyà ndi na oma Keni à mà gbeye ema à mà oŋwe ŋmanyàŋgò wa eni. O nyòla wolì wɔ̀ hwa tànɛyi lì gbeyà tɔ̀ mamɛ nàa Bàlàamì. Maniyà mà awu mɔ̀ hvɛ ma mà hwa gbeyà o lì ŋwa nyayi hvɔ̀kɔ hvɛ na oma Kora à mà ŋwe ehwànja à rzi hweyàne Lohwɛ̀.

Hwèwulùwèlì 18:13

Hwà mà ohva hvɛ hwèèmà nàa rzìnàmɔ̀nì, hwèèmà hwe erzunju ya hvɛ̀ɛ̀hvɛ̀, itùwà, màyì, hvìlakìnrzɛ̀, mìimba, lìyɔ̀ki la Njàhwɛ̀, lìwu la mbarzi ema lì hwɛ̀lɛ̀hwɛ̀ nanù ema hwìti. Hwà mà hwɛ hvɛ lì àhwirzɛ̀ inyàka na mɛ̀ɛ̀lɛ̀ŋgù, iwɔ̀rzi na hwèhwàmbànì, na hwàkòmì na hwatò ema hwa mà lɛmbɛ.